Korintoƒuɔ 1 4:8 - Katɔti Ɔku Kedee

⁸ Bɔsa na ala ani ƒui na bɛɛwia áasa-mii? Munuu balakɛne na biinwíni? Bɛ́ɛta bínwini baga ina ka bɔɔɔdi baga? Awo! Mɔɔyɔ́ si nka banii baga na bíinwini. Na abu lɛnɔ bunwini baga aani bina kalɛ!

Korintoƒuɔ 1 4:8 ပူးပေါင်းရင်းမြစ်များ

Agba 13:7

Bawabane badi baabla lɛlɔ aani balakɛne. Na babambadi bani ndi balakɛne lɛnɔ baabla lɛlɔ aani bawabane.

Agba 25:14

Ukyuli ɔni muusé kenye kekpludi na ulábla taasia lɛni ni, use aani ulɔyɔ ku ɔƒɛƒɛɛ ɔni naaakana ɔnantu bɔna.

Yesaia 5:21

Bɔbuɛ beete bekyuli bani mɔɔnu lɛlɔ banundane na baakali ka bagyi lɛla lɛdi.

Yeremia 28:6

“Hanania, nka ɔdi-mi lɛnunsia ka Unwoti ɔbla lɛla lɛni na ásu mɛni lɛni kani. Na ɔya na basɔku lɛla biala na béti kakpakɔ mɛni bátɔlɔku beboku na bekyuli bani na béƒie lɛnɔ benwini bebo ɔma.

Bumomo Bɔka 11:29

Amu na Mose údie-nwu kenye ɔnini, “Anumi eegyie-ɔ mina lɛlɔ yoo? Si nka ami lɛti ni, nka Unwoti bekyuli ƒui benwini nwuna kenye bediene na Unwoti ɔya na nwuna kɔyu kɔƒɔ-ma lɛlɔ kemmo!”

Mateo 5:1

Na ka Yesu ɔ́nu bekyuli pii bani nsiaku-nwu ni, úsie kɔbi kɔdi lili na úlie kalɔ. Mmɔ na nwuna basiakune bákpɛ béde-nwu.

Luka 6:25

Bɔbuɛ muute amii bani némo ɔƒɛni, ɔsika kɔka kɔdubo-mii bɔda! Bɔbuɛ muute amii bani mɔɔmá ɔƒɛni, ɔsika bɛdubo kɔnyana ku keku buwulo!

Batalane Kabla 26:29

Amu na Paulo údie kenye ɔnini, “Uwi klukui iye uwi gyɔlɔɔ ni, mɔɔkpali katɔ nnii ɔmwi ni, amii bani nkya mɛni ƒui binwini aani kalɛ na ami lɛnɔ nse. Nsu ɔɔɔdi aani kalɛ na kɔgba kɔmɛni kɔ́da-mi kalɛ!”

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Korintoƒuɔ 1 1:5

Ɔni bɛ́bla unwi ku Kristo ɔsu ni, bɛɛtí litemi buni lɛmmɔ na biidie-ni keyi na bínwini Kɔyu kemmo balakɛne lɛnɔ.

Korintoƒuɔ 1 4:18

Bina akɔ badi báta bénwini bekyuli bani mɔɔtina lɛlɔ teetulo bakpanadi, ɔsika bákali banii nsɔ lɛɛɛdubo naaabanu-mii.

Korintoƒuɔ 1 5:6

Útalɛka bitaatina lɛlɔ. Bɛɛɛgyi bɛnii bɔnyii blii mɔɔsálaku ɔlaaƒɔ ɔni na bánwu na ɔɔyá na ɔna ƒui uuƒu?

Korintoƒuɔ 2 11:1

Mɔɔwia ka bigyingya enu na bɛƒɔ-mi si ina bɛnu bɛnii lɛ́dɔlɔ. Buvele na nda-mii!

Korintoƒuɔ 2 13:9

Lɛlɔ lɛɛyɔ́-bu si bina bɔƒɔtaadi bɔɔyu ɔkplu, na use aani si bula ɔyikun ɔɔƒana na bina lɛlɔ. Na lɛla lɛni na buuvele ndi ka bɛlɛ lili bɛwɔlɔ.

Galatiƒuɔ 6:3

Na si ɔdi ɔɔnu lɛlɔ ka ɔdi lɛla lɛdi nsu ɔɔɔdi lɛla biala ni, ukyuli ɔmmɔ ɔɔtɔ́lɔ lɛlɔ.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Budie Taatina 3:17

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.

Budie Taatina 5:10

Awɔ nábla-ma bénwini baga ku bakpane bani mɔɔkpanku bekyuli teeboku bula Katɔti. Na badubɔdi lɛga na kalɔ lɛlɔ.”