Korintoƒuɔ 1 4:4 - Katɔti Ɔku Kedee

⁴ Mina kayi kaladu-mi kɔtɔ kɔdi. Nsu ɔmɛni uléte-mi ubo ɔnii lɛ́ɛlɛ sɛɛn na likpidi ku litemi bɔtɛ kemmo. Ɔsika Blɔti ndubɔtɛku-mi litemi.

Korintoƒuɔ 1 4:4 ပူးပေါင်းရင်းမြစ်များ

Hiob 15:14

“Bi na aabu anii ukyuli ɔdi na ɔdubɔkana na use kedee ɔwɔlɔ? Munuu aabu anii nwuna ablala adubɔbla siin bɔwɔlɔ?

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Hiob 27:6

Ndubunye mina ala bɔbla ulu siin lɛlɔ uwi biala, na lɛɛɛdubo kama bunwini bɔkya-mu. Na mina kayi lɛnɔ kaládu-mi kɔtɔ na mina ngba bulie kemmo.

Hiob 40:4

“Ami ndi ɔma na muudie mina litemi kenye?

Hiob 9:20

Si ina ńtaƒiɔ ni, mina kenye etemila ndubo-mi budie bute na adu-mi kɔtɔ.

Kɔgya 130:3

Si ásia ukyuli alaekpidi kama ni, Unwoti, ɔma ndubɔkana ƒula litemi bɔtɛ kenye bunye?

Kɔgya 143:2

Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Kɔgya 19:12

Ukyuli ulánu anwu ɔlati ekpidi ƒui taati. Unwoti, die-mi lɛku ala ani na lɛ́bla na lɛɛɛgyi ka bɔƒiɔ na bɔdi kemmo.

Kɔgya 26:12

Ɔƒaani ni, nnye kenyekɔ kabuni kani na lɛɛɛdubo bɔgbanta. Na uwi ɔni na ƒula bekyuli bása ni, ndubo-ɔ lɛnyi kudu bubo.

Kɔgya 50:6

Kayaa ƒui ala aatina kalɛ na Katɔti use siin. Ɔsika anwu ɔlati ndi litemi ɔtɛne ɔmmɔ.

Agba 21:2

Ukyuli ɔɔnu ka ulu ɔni lɛlɔ na ɔkɛ ɔdia geen, nsu Unwoti mɔɔnu-nwu kayi kemmo taati kalɛ na kese.

Agba 29:26

Bekyuli pii baawia ka bada bana litemi bava lɛlɔ ɔdine ɔdi anumi. Nsu litemi bɔtɛ ulu siin lɛlɔ ni, Unwoti kudɔ na ɔɔsí.

Yohane 21:17

Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

Batalane Kabla 23:1

Amu ka Paulo ɔ́tɛ anu na ɔ́nu Yudaƒuɔ litemi batɛne bani nása bélie litemi katɛkɔ mmɔ kpoo ni, ɔ́su-ma ɔnini, “Banwa, mina kayi kaladu-mi kɔtɔ kɔdi na Katɔti anumi úbedu ɔmwi kadi kamɛni lɛlɔ.”

Romaƒuɔ 2:13

Ɔsika ɔɔɔdi bekyuli bani na bunu kani na beenú ɔda bubo bɔmɛni ndubɔbla siin na Katɔti anumi. Mmomu bekyuli bani mɔɔbla taasiaku lɛla lɛni nkya ɔda bubo bɔmmɔ kemmo ndubɔbla siin.

Romaƒuɔ 4:2

Si ɔkɛnku kabla lɛlɔ na Katɔti ɔ́nu ka Abraham use siin ni, na ubo kenyekɔ ka ɔkun lɛmɛnɛ. Nsu uuubo kenyekɔ kammɔ na Katɔti anumi, ɔsika ɔɔɔdi Abraham kabla na ɔ́nu.

Korintoƒuɔ 1 4:3

Ɔƒɛni ni, lɛɛɛdaku-ni si ɔdi ɔɔtɛku-mi litemi iye ɔdi ɔkɛnku kayawi lɛnunda lɛdi kenye ɔɔnu ɔnii lɛ́ƒiɔ. Naaatɛku ami ɔlati lɛlɔ muedi litemi.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 5:10

Ɔsika bula ƒui bɔdubɔda bɔlɛ Kristo anumi na ɔtɛku-bu litemi. Na ɔdi biala ɔdubɔƒɔ nwuna lɛyuƒɔla lɛni námanku nwuna kabla. Lɛbuni lɛdi o-o iye likpidi o-o, ɔdubɔƒɔ nwuna lɛyuƒɔla ɔkɛnku ngba bɔni na búlie na kayawi kamɛni kemmo.