Korintoƒuɔ 1 4:17 - Katɔti Ɔku Kedee

¹⁷ Ɔmɛni lɛlɔ geen ɔsu na mɔɔtala Timoteo lɛkya-mii. Ɔdi-mi ubi ɔyɔne geen ɔni mɔɔbla Blɔti kabla ulu lɛlɔ. Ɔdubo ubenyimene-mii Kristo ngba bɔwɔdi ulu ɔni kama na nsia. Na ɔmmɔ na mɔɔtina baƒɔtaadine ƒui na kesii biala.

Korintoƒuɔ 1 4:17 ပူးပေါင်းရင်းမြစ်များ

Agba 13:17

Ɔtalane ɔni naaagyi kalɛ beesié lɛtu ni, uuti lɛlɔ taatákya ɔgbankpi kemmo. Nsu ɔtalane ɔni ngyi kalɛ na baasu kenye ni, ɔɔyá na kayi kaayɔ́ bekyuli.

Bumomo Bɔka 12:7

Nsu mina kabla ɔblane Mose anwu ni, ɔɔɔdi lɛni na mɔɔbla-nwu. Ɔdi ukyuli ɔni mɔɔbla ala ulu lɛlɔ na mina kaduli.

Mateo 24:45

“Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Mateo 25:23

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Batalane Kabla 16:1

Amu na Paulo ku Silas bátɔlɔ bésie ɔma ɔni baalɔ Derbe, na bákɛ mmɔ bávi bésie Listra. Na mmɔ na bésie bátánu ɔƒɔtaadine ɔni baalɔ Timoteo. Na uni ɔdi Yudani, na anwu lɛnɔ ɔ́ƒɔ Kristo ɔ́di. Nsu ɔti ɔdi Grikini.

Korintoƒuɔ 1 11:16

Nsu si ukyuli ɔdi ɔɔkya unyeƒi na ɔmɛni lɛlɔ ni, lɛla lɛni kani na ami masu-nwu ndi ka abu ku Katɔti baƒɔtaadine akpa ƒui bɔsɔ buuubo ulu ɔbambadi ɔdi na bula bɔsala bɔmmɔ kemmo.

Korintoƒuɔ 1 11:2

Muumwi-mii ɔsika bina anu asia-mi lɛlɔ uwi biala na biinyimo ala ani na lɛ́tina-mii na bɛɛbla taasiaku-nya lɛlɔ uwi biala.

Korintoƒuɔ 1 11:34

Na si kɔka mɔɔda ɔdi ni, ɔlɛka ɔdi na nwuna kaduli kalɛ na Katɔti ulatɛku-mii litemi si bɛ́sala aani lɛkpa linwi kalɛ. Na etemila akladi anya ni, si líbo mmɔ ni, bɔdubɔda-nya bɔnu.

Korintoƒuɔ 1 14:33

Ɔsika Katɔti ɔɔwia ka bɔbla ala ulu lɛlɔ. Na ɔɔyɔ́ ka amanku keyi buɛɛ. Na lɛni na ɔlɛka use na Katɔti baƒɔtaadine akpa ƒui akɔ.

Korintoƒuɔ 1 16:1

Ɔƒɛni ni, bínweni lɛla lɛdi bɛ́siku egulabi ani na bɛɛyɔ́ ka biyi bɛsala na biti bibunku Katɔti bekyuli bani nkya Yudea kalɔ lɛlɔ. Na ɔdi ka bɛbla lɛla lɛni na lɛ́su Galatiƒuɔ baƒɔtaadine nnii babla.

Korintoƒuɔ 1 16:10

Si Timoteo úbeduo-mii kudɔ ni, na bɛƒɔ-nwu kaduɛ. Ɔsika ɔɔbla kabla teete Blɔti aani kalɛ kani na ami lɛnɔ mɔɔbla.

Korintoƒuɔ 1 4:14

Ɔɔɔdi kɔƒa na nnii mɔɔkya-mii ɔsu na muunweni-mii ɔku ɔmɛni udu. Mmomu mɔɔlɛ-mii aani mina bebi bayɔne kalɛ.

Korintoƒuɔ 1 4:15

Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Korintoƒuɔ 1 4:2

Na lɛlakpa linwi lɛni kani na Unwoti ɔɔwia taasiku nwuna ala lɛlɔ ɔnune ɔmɛni udu kudɔ ndi ka ɔ́bla kabla kammɔ ulu lɛlɔ.

Korintoƒuɔ 1 7:17

Lɛla lɛni na mɔɔtina na baƒɔtaadine akpa ƒui akɔ ni, anwu ndi ka ɔdi biala usie anumi na ulie ngba na kuƒi kɔni na Blɔti úte-nwu ɔkɛnku nwuna kenyekɔ lɛlɔ uwi ɔni na Katɔti ɔ́lɔ-nwu.

Korintoƒuɔ 1 7:25

Ɔƒɛni na lɛla lɛni na bíye na bakinsi lɛlɔ ni, ńtaƒɔ ɔda bubo bɔdi ńtasiku Blɔti kudɔ. Nsu ka Blɔti ɔ́nu-mi kɔnyana na ndi ukyuli ɔni na lɛ́manku ɔsu ni, mina kasusu ndi kamɛni.

Korintoƒuɔ 2 8:18

Na lɛnɔ ni, búti ɔnwa ɔni na baabu geen na baƒɔtaadine akpa ƒui akɔ ku kalɛ na ɔɔsu litemi buni lɛmmɔ ɔsu buumene-mii ku Tito.

Eƒesoƒuɔ 6:21

Na ɔƒɛni ni, kalɛ na ɔbla na bɛti kalɛ nkya mɛni ɔsu ni, Tihiko ɔni ndi bula ɔnwa ɔyɔne ku Blɔti kabla ɔblane ɔni mɔɔsia Blɔti kabla kammɔ anu kaduɛ ɔdubɔsu-mii ana ƒui.

Ƒilipiƒuɔ 2:19

Si Katɔti ɔ́tunaku-mi ni, uwi klukui kama ndubɔtala Timoteo lɛkya-mii, kalɛ na lɛkɛ ɔlɔkplu si línu bina lɛlɔ lɛla lɛdi lɛsiku-nwu kudɔ.

Ƒilipiƒuɔ 2:22

Nsu Timoteo anwu ni, amii alati bɛgyi kalɛ na nwuna udu buni ɔmmɔ use. Ɔsika aani kalɛ na ubi ku ɔti baabla kabla taasala ni, lɛni geen na úbunku-mi na litemi buni lɛmmɔ bɔsu kemmo.

Koloseƒuɔ 1:7

Bula ɔnwa Epaƒra ɔni náƒɔ-bu kuye na anwu lɛnɔ ɔdi kabla ɔblane geen ute Kristo na bula kabla kamɛni kemmo nábasu-mii Katɔti kɔnyana bɔnu litemi lɛmmɔ.

Koloseƒuɔ 4:9

Ɔdubo-mii kudɔ ku bula ɔnwa Onesimo ɔni litemi na bɔɔyɔ́ geen na bɔ́ƒɔ-nwu bɔ́di na ɔdi bina akɔ unwi. Ama ndubɔsu-mii ala ani ƒui mɔɔlɛ́ mɛni.

Timoteo 1 1:18

Mina ubi Timoteo, kabla ku ɔda bubo bɔni na líti muute-ɔ mɛni ni, kadanku ala ani na bula kenye bediene básu básiku-ɔ lɛlɔ. Ƒie etemila amɛni da na adubɔdi likpidi lɛlɔ na Blɔti kekpo kamɛni kemmo.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Timoteo 2 1:2

Mina ubi ɔyɔne Timoteo, muuvele Katɔti ku Blɔti Yesu Kristo lɛƒɔndia nnii lɛsiaku-ɔ na lɛnu-ɔ kɔnyana na lite-ɔ keyi buɛɛ.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Timoteo 2 3:10

Nsu awɔ ni, áanu mina ala bɔtina áti ku mina ngba keliela ku mina kasusu ku mina bɔƒɔtaadi ku kalɛ na muuwi lɛlɔ ku kalɛ mɔɔyɔ́ bekyuli ku kalɛ na mɔɔkya ɔkplu na lɛbibo kemmo.

Tito 1:5

Lɛ́ya-a na ásɔ akya Kreta kalɛ na aklibi ala ani nébu bɔklibi. Na ɔma biala kemmo ni, die benengu bani menye baƒɔtaadine kenye aani kalɛ na lɛ́su-ɔ nnii bla.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.