Korintoƒuɔ 1 4:15 - Katɔti Ɔku Kedee

¹⁵ Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Korintoƒuɔ 1 4:15 ပူးပေါင်းရင်းမြစ်များ

Bumomo Bɔka 11:12

Ami náda bekyuli bamɛni ƒui kaƒɔ, munuu ami náwɔ-ma? Na bi ɔsu na aayɔ́ ka ntaagyu-ma taada enu kemmo aani kalɛ na ukyuli ɔni mɔɔda ubi ɔɔbla, asa na lɛkpanku-ma lisienku kalɔ kani na ése bana bati kuuku kenye ka adubute-ma kemmo?

Romaƒuɔ 15:20

Ɔ́si kukuuku ƒui ni, ɔdi-mi lɛnungyie ka lɛkɔ litemi buni lɛmmɔ lɛsa na kesii kani na baaagyi Kristo. Na ɔɔɔdi banii ntátu lɛsia ɔdi kowodu kalɔ lɛtabi lɛni na ɔ́ɔkya úse lɛlɔ.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 1 15:1

Banwa, ɔƒɛni ni, mɔɔyɔ́ ka binyimo litemi buni lɛni lɛsa na lɛ́kɔ líte-mii. Litemi lɛmɛni na bɛ́ƒɔ bɛ́di na binye bɔƒɔtaadi bɔmmɔ lɛlɔ kpakplaa.

Korintoƒuɔ 1 3:10

Na Katɔti lɛla lɛni na úte-mi kenye ni, lɛ́bla kabla aani ɔtɔ ɔtune ɔbuni kalɛ. Na lɛ́kya ɔtɔ kalɔ lɛtabi. Na ukyuli bamba úbo ɔɔtú taasia. Nsu ɔdi ka ɔdi biala ɔnu kaduɛ kalɛ na ɔɔtú taasia ɔtɔ ɔmmɔ lɛlɔ.

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Korintoƒuɔ 1 3:8

Kavumana kadi keeebo ukyuli ɔni náva ku ɔni néwi-ka ntu kemmo. Katɔti kani ndubɔƒɔ bana ƒui kayu na bana kabla kenye.

Korintoƒuɔ 1 9:12

Si bekyuli bamba bébo kuƒi ka bakɛ kɔsia kɔdi basiku-mii kudɔ ni, na abu bubo kuƒi kɔmmɔ udu butulo-ma muedi. Nsu abu búteti kuƒi kɔmmɔ bútablaku lɛla lɛdi. Mmomu abu búti lɛla biala bɔ́sia lɛlɔ kalɛ na Kristo litemi buni lɛmmɔ lɛkɛ ulu na ligyingya lisie kesii biala.

Korintoƒuɔ 1 9:14

Lɛni kani geen na Blɔti úbo ɔda ɔnii bekyuli bani mɔɔkɔ́ litemi buni lɛmmɔ lɛsa teete bekyuli ni, lɛsa lɛni baakɔ́ kemmo na ɔlɛka badi.

Korintoƒuɔ 1 9:16

Liiibo kuƒi kɔni na ntaakun lɛmɛnɛ ka mɔɔkɔ́ litemi buni lɛmmɔ lɛsa ɔsu. Blɔti ɔdubɔni-mi kɔtu si ńtakɔ litemi buni lɛmmɔ lɛsa ńtete bekyuli!

Korintoƒuɔ 1 9:18

Na bi kayu baaƒɔ-mi? Lɛyuƒɔla lɛni na mbo ndi ka lɛkɔ litemi buni lɛmmɔ lɛsa ku kaƒɔ ƒaa. Na lɛɛɛdubo mina kadikɔ ƒui kama bɔsia na litemi buni lɛni mɔɔsu mɛni kemmo.

Korintoƒuɔ 1 9:23

Ala amɛni ƒui na mɔɔbla na litemi buni lɛmmɔ ɔsu kalɛ na ami lɛnɔ lɛkɛ lɛlɔyɔ lɛni nkɛnku kabla kammɔ kemmo.

Korintoƒuɔ 2 4:5

Bulakɔ abu alati lɛlɔ lɛsa teete-mii, mmomu Yesu Kristo lɛlɔ lɛsa na bɔɔkɔ́ teete-mii ka ɔdi Blɔti. Na abu bɔdi kabla bablane bute-mii na Kristo ɔsu.

Galatiƒuɔ 3:24

Anwuɔsu ɔda bubo bɔmmɔ mɔɔgyumana-bu kalɛ na ɔtɔnku-bu na bɔnu Kristo, kalɛ na Katɔti ɔklibi abu ku-nwu ntɛ ɔkɛnku Kristo bɔƒɔtaadi bɔmmɔ ɔsu.

Galatiƒuɔ 3:25

Na ɔƒɛni ɔni na bɔƒɔtaadi bɔmmɔ búubo ni, ɔɔɔdi ɔda bubo bɔmmɔ nsɔ mɔɔnu-bu lɛlɔ.

Galatiƒuɔ 4:19

Mina bebi bayɔne, nsɔ muunú-mii lɛlɔ ɔlɛ aani uleku ɔni ntɛ kɔwɔ úti utédu uwi ɔni na manu ka Kristo udu ɔ́ƒɔ-mii lɛlɔ kemmo ƒui.

Timoteo 2 4:3

Ɔsika uwi ɔdi ɔdubo ɔni na bekyuli basɔ baaadubo litemi buni lɛmɛni bɔda. Mmomu badubɔwia ala bamba batinane bete lɛlɔ na bataasu-ma ala ani udu na baawia beteenu.

Tito 1:4

Ɔyɔne Tito, muunweni-ɔ ɔku ɔmɛni ka adi-mi ubi geen na bɔƒɔtaadi bɔni kemmo bɔkya ɔsu. Na muuvele Katɔti ku Yesu Kristo ɔni ndi bula Ɔƒɔne nnii ɔda-a na nwuna lɛƒɔndia kemmo na ute-ɔ keyi buɛɛ.

Ƒilemon 1:19

Ami Paulo ɔlati néti mina kɔnu línweni ɔmɛni. Na ndubɔƒɔ kayu biala nkya. Nsu ni, ɔɔɔdi bɔsu nda-a nnii awɔ ada-mi ƒula ngba kayu na Kristo kemmo.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Petro 1 1:23

Katɔti ɔ́ya na bínwini nwuna badi, ɔsika bɛ́kɛ ngba bɔwɔdi bɔni nsɔ naaadubo bɔsa na ɔɔɔdi bɔni mɔɔsa. Bɛ́kɛ ngba bɔmɛni bɛ́siku nwuna litemi lɛni mbo ngba geen kemmo na lise lísela uwi ƒui.