Korintoƒuɔ 1 4:12 - Katɔti Ɔku Kedee

¹² Na bɔɔbla kabla kpakplaa na buutú lɛlɔ. Si bekyuli béwida-bu ni, abu buute-ma kusɛ kusɛ. Ina dɛ na basiaku-bu beekpóku-bu ni, bɔɔkya ɔkplu.

Korintoƒuɔ 1 4:12 ပူးပေါင်းရင်းမြစ်များ

Mateo 5:11

“Lɛlɔ litaayɔ-mii si bekyuli beedumi-mii na beekpóku-mii na baanyi ɔkɔ taasia-mii ka bɛsiaku-mi ɔsu.

Mateo 5:44

Nsu ɔƒɛni ni, ami mɔɔsu-mii nnii bɛyɔ bina bekisine na bɛkpali katɔ bite bekyuli bani muukpóku-mii.

Luka 23:34

Mmɔ na Yesu ɔ́su ɔnini, “Ati, ti kyiɛ-ma, ɔsika baaagyi lɛla lɛni na baabla.” Ɔmmɔ kama ni, bekpone bammɔ béle Yesu adala aani kalɛ na ɔdi biala egulabi ani na ɔ́tu ádi kalɛ.

Luka 6:28

Na bekyuli bani mɔɔkpali ala taakya-mii ni, bite-ma kusɛ kusɛ. Na bekyuli bani mɔɔbla-mii kalala ni, bɛkpali katɔ na bana lili.

Yohane 15:20

Binyimo ka lɛ́su-mii nnii, ‘Ukyuli ɔni mɔɔbla ukyuli bamba kabla ni, uletulo nwuna unwoti.’ Si bekyuli békpoku-mi ni, bɛti ka badubo amii lɛnɔ bukpoku. Si bádi ala ani na lɛ́tina-ma lɛlɔ ni, badubɔdi amii adi lɛnɔ lɛlɔ.

Batalane Kabla 18:3

na ɔ́kya-ma kudɔ úteebunku-ma na bebuo lɛku bɔka kabla kani na anwu lɛnɔ ɔɔbla taadi kemmo.

Batalane Kabla 20:34

Amii alati bɛgyi ka mina enu amɛni líti lɛ́bla kabla kani na ńtaadi ku kani na ńteeti taanu bekyuli bani nsiaku-mi lɛlɔ.

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Romaƒuɔ 12:14

Bekyuli bani muukpóku-mii ni, bite-ma kusɛ kusɛ. Bite-ma kusɛ kusɛ na bitewida-ma.

Romaƒuɔ 12:20

Mmomu na Bunweni Kedee Ɔku kemmo ni, básu-bu banii, “Si kɔka kɔɔda ƒula ukisine ni, te-nwu adila na ɔdi. Si utukwɛ mɔɔda-nwu ni, te-nwu ntu na ɔni. Ɔsika si ábla lɛni ni, édie ogya ku agyabi éwi-nwu lili.”

Romaƒuɔ 8:35

Na ɔma ndubɔkana na ukulo abu ku Kristo bɔyɔ bɔni nkya-bu ntɛ kemmo? Lɛbibo, munuu ɔlɛ bunu, munuu bukpoku, munuu kɔka, munuu kasɔngya, munuu ɔgbankpi, munuu kukpi na kewii kenye?

Korintoƒuɔ 1 9:6

Munuu ami ku Barnaba lɛti kani nálɛka bɔnu bula lɛlɔ lɛlɔ?

Korintoƒuɔ 2 11:8

Egulabi ani na baƒɔtaadine lɛkpa bamba béyi básala ni, anya na lɛ́ƒɔ ńtaanu mina lɛlɔ uwi ɔni na lɛ́kya-mii kudɔ. Use aani si buyu na líyu-ma na liti libunku-mii.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Tesalonikaƒuɔ 1 2:9

Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Tesalonikaƒuɔ 2 3:8

Búteti bula etila bútasia ɔdi lɛlɔ. Na mmomu bɔ́bla kabla kpakplaa usien ku ɔƒɛ ɔni na ɔdi útebo bula lɛlɔ bɔnu kayu.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Petro 1 2:23

Bédumi-nwu, nsu anwu útedumi ɔdi. Úbo abi, nsu útewida nwuna bekisine. Mmomu úti lɛla biala úte Katɔti ɔni mɔɔtɛ litemi na ulu lɛlɔ.

Petro 1 3:14

Nsu si eebó abi adi na lɛbuni lɛni na aabla ɔsu ni, ya na lɛlɔ litaayɔ-ɔ. Tayia bekyuli bammɔ, na kayi lɛnɔ ketekpoku-ɔ.

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.

Petro 1 4:19

Anwuɔsu ni, bɛya na bekyuli bani muubó abi kalɛ na Katɔti uute kuƒi beti bana ayu bakya bana Ɔƒɔne ɔni mɔɔdi nwuna linyese lɛlɔ uwi ƒui lɛkɔkɔ.

Yuda 1:9

Na Katɔti ɔtu unengudi ɔni ndi Mikael muedi ka kadɔ kéduo anwu ku Satan ntɛ na baakya unyeƒi na Mose ɔlɔna lɛlɔ ni, úteti anwu ɔlati kenyekɔ ɔyikun útabɔku Satan. Mmomu ɔ́su ɔnini, “Blɔti ɔbɔku-ɔ!”