Korintoƒuɔ 1 4:1 - Katɔti Ɔku Kedee

¹ Bitaanu-bu aani Kristo kabla bablane bani mɔɔnu Katɔti etemila geen ani na útedie keyi dii lɛlɔ.

Korintoƒuɔ 1 4:1 ပူးပေါင်းရင်းမြစ်များ

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Mateo 24:45

“Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Marko 4:11

Amu na Yesu ɔ́su-ma ɔnini, “Katɔti úti nwuna lɛga bɔdi abɛla ani na bekyuli pii baaagyi ɔ́tina-mii. Na bakladi bani nkya kama ni, ama agba kemmo kani na badubunu etemila.

Luka 1:2

Bénweni-nya aani kalɛ na bekyuli bani nánu ala amɛni ɔ́si nyana kalɔ kesekɔ básu-bu na bákɔ-nya lɛsa lɛnɔ.

Luka 12:42

Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Luka 8:10

Amu na ɔ́su-ma ɔnini, “Katɔti úti nwuna lɛga bɔdi lɛnunda abɛla ɔ́tina-mii. Nsu bekyuli bakladi ama ni, agba na muubó-ma kalɛ na “ ‘si ina baanu ni, balanu baláti. Na ina beenú ni, belénu kalɔ.’

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Korintoƒuɔ 1 2:7

Lɛnunda lɛni kenye na muudie mɛni ni, lɛdi Katɔti lɛnunda lɛni nábɛ bekyuli. Nsu Katɔti ɔ́ƒuna-ni úse kukuuku ka lɛƒɔ-bu asa na údie kayawi.

Korintoƒuɔ 1 3:5

Na amɛni ƒui kama ni, ɔma ndi Apolo? Na ɔma ndi Paulo? Katɔti kabla bablane kani na bɔdi. Na bula lɛlɔ na bɛ́sia bɛ́ƒɔ bɛ́di. Na bula akɔ ɔdi biala ɔdanku kabla kani na Katɔti úte-nwu ɔnii ɔbla.

Korintoƒuɔ 1 4:13

Si bédumi-bu ni, kayi buɛɛ etemila na buuti teedie lɛlɔ kenye. Bɔɔɔdi lɛla lɛdi buuutulo kayawi kamɛni kebu. Kalɔ kamɛni alaekpidi kewiakunkɔ na bɔdi úti úbalɛku ɔƒɛni.

Korintoƒuɔ 1 4:2

Na lɛlakpa linwi lɛni kani na Unwoti ɔɔwia taasiku nwuna ala lɛlɔ ɔnune ɔmɛni udu kudɔ ndi ka ɔ́bla kabla kammɔ ulu lɛlɔ.

Korintoƒuɔ 2 11:23

Kristo kabla bablane na badi? Ndi Kristo kabla ɔblane ntulo-ma. Báya na mɔɔtɛmi aani ukyuli ɔni muukpi libuo, nsu ɔdi litemi geen ka lɛ́bla Kristo kabla lítulo-ma. Bekyuli bani muukisi Kristo ni, bákya-mi aban ɔtɔ kɔlɛ kɔlɛ. Na bébo-mi lɛnɔ kɔlɛ kɔlɛ. Na líduo kukpi ku ngba ntɛ uwi pii.

Korintoƒuɔ 2 12:6

Na ina nnii mɔɔkun lɛmɛnɛ ni, lɛɛɛdubo ɔdɔlɔdi bɔbla. Ɔsika litemi geen lɛmmɔ na ndubo bɔsu. Nsu líni lɛmɛnɛ bɔkun, ɔsika naaayɔ ka ukyuli ɔdi ɔnu-mi utulo kalɛ nse na ala ani mɔɔbla ku ani mɔɔsu kemmo.

Korintoƒuɔ 2 4:5

Bulakɔ abu alati lɛlɔ lɛsa teete-mii, mmomu Yesu Kristo lɛlɔ lɛsa na bɔɔkɔ́ teete-mii ka ɔdi Blɔti. Na abu bɔdi kabla bablane bute-mii na Kristo ɔsu.

Korintoƒuɔ 2 6:4

Mmomu ni, lɛla biala lɛni na bɔɔbla kemmo ni, buudie taatina nwaa ka Katɔti kabla bablane na bɔdi. Bunye kpakplaa na lɛƒɛda ku lɛbibo ku bukpoku kemmo.

Eƒesoƒuɔ 1:9

kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Eƒesoƒuɔ 6:19

Bivele na ami lɛnɔ lili na Katɔti ɔya na kenye kada-mi kalɛ na makana menye kpakplaa na medie litemi lɛmmɔ abɛla matina bekyuli na ɔyikun kemmo.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Koloseƒuɔ 4:3

Na uwi biala kemmo na bɛɛkpali katɔ ni, bivele Katɔti na ɔlɛmi ulu ute-bu na bɔkana na bɔsu Kristo litemi buni lɛmmɔ abɛla. Ɔmɛni ɔsu na ntɛ aban ɔtɔ.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Timoteo 1 3:6

Útalɛka ɔbla ɔƒɔtaadine ɔwɔdi kalɛ na ulatalaku lɛlɔ katɔ, na ɔkɛnku lɛlɔ bɔtina bɔmmɔ ɔsu na webuli, na Katɔti wani-nwu kɔtu aani kalɛ na ɔ́ni ukisine ɔmmɔ kɔtu.

Timoteo 1 3:9

Na ɔlɛka bada bɔƒɔtaadi litemi buni lɛni na bédie keyi mɛni kpakplaa ku kayi kani naaadu-ma kɔtɔ.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Petro 1 4:10

Katɔti úte-ma etela lidu lidu na ukyuli biala ɔda nwuna lɛdi kaduɛ na uti ubunku nwuna bakpana ƒui.