Korintoƒuɔ 1 3:9 - Katɔti Ɔku Kedee

⁹ Ɔsika bɔdi bakpana na kabla kenwi kemmo. Na bɔ́sala bɔɔbla-ka teete Katɔti. Na amii bise aani Katɔti kemmo kani lɛlɔ na bunye bɔɔtuma. Na bise lɛnɔ aani ɔtɔ ɔni na Katɔti ɔ́tu.

Korintoƒuɔ 1 3:9 ပူးပေါင်းရင်းမြစ်များ

Kɔgya 118:22

Lɛtabi lɛni na batune béni báva ni, ani nébenwini lɛtabi lɛni náƒɔ kuye lítulo na atabi ƒui akɔ.

Kɔgya 72:16

Ya na kalɔ kammɔ kadia edula pii. Na edula ammɔ aƒɔ abi lɛlɔ. Na adingyii ammɔ alɛ lili abla aani Lebanon lɛku egyii. Na bekyuli bemomo na lɛma linengudi lɛmmɔ kemmo aani kalɛ na livo lɛɛƒɔ́ kemo.

Agba 9:1

Lɛnunda lɛ́tu ɔtɔ, na nwuna kemmo kéwi. Na ɔtɔ ntɛ akpa maatɛ ada-nwu.

Yesaia 32:20

Unwoti ɔdubute-mii kusɛ kusɛ uwi ɔni na bɛɛvá bina edula na ketu kɔtu na bina bebuo ala betine ku bebuo bamba badubusie bavi ƒaa na lɛla lɛdi lilabla-ma.

Yesaia 61:11

Kalɛ na edula ebi aakwɛ́ taalɛ kalɔ kemmo na aalɛ́ lili ni, lɛni na Unwoti Ɔyikune Ƒui ɔdubɔya na kadi bekyuli ƒui balɛ lili na babla siin na beti bumwi bete-nwu.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yesaia 61:5

Na badubɔƒɔ kadi bamba bekyuli na banu bana baƒonu lɛlɔ ku bana adingyii mmo bete-ma na kayu kenye.

Yeremia 2:21

Na nka bɔƒuna na lɛ́ƒuna-mii lɛ́lɛ aani kɔdingyii kɔni na naaaƒianku nsu ɔƒɛni amu bíbulo ebi buni bɔnwu.

Mateo 15:13

Yesu údie kenye ɔnini, “Mina ɔti ɔni nkya katɔ ɔdubɔgyu kugyii biala na útalɛ ɔvaakun.

Mateo 16:18

Anwuɔsu mɔɔsu-ɔ ka awɔ ndi Petro ɔni kalɔ ndi lɛtakpɛ. Na lɛtakpɛ lɛmɛni lɛlɔ na ndubuti mina baƒɔtaadine lɛtu linyine aani ɔtɔ kalɛ. Na kukpi ɔyikun muedi ulakana-ma lɛlɔ bɔdi.

Mateo 9:37

Anwuɔsu únwini na úbo nwuna batɛyane bammɔ lɛgba ɔnini, “Edula ani néedu ka baƒɛ ni, emomo. Nsu bekyuli bani maƒɛ-nya beeemomo.

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Batalane Kabla 4:11

Na Yesu ɔmmɔ lɛlɔ na Bunweni Kedee bɔɔsu taasiku bɔnii, “ ‘Lɛtabi lɛni na amii batune bíni bɛ́va ni, ani nébo líbenwini lɛtabi lɛni náƒɔ kuye lítulo na atabi ƒui akɔ.’

Korintoƒuɔ 1 3:16

Bɛti nwaa ka amii alati ndi Katɔti kakpakɔ. Na Katɔti Kɔyu kɔkya-mii lɛlɔ kemmo.

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Korintoƒuɔ 1 6:19

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Yohane 3 1:8

Ɔmɛni ɔsu ni, abu Kristoƒuɔ ɔlɛka bubunku bekyuli bamɛni udu kalɛ na bunyeku-ma na bugyingya Kristo litemi geen lɛmmɔ.