Korintoƒuɔ 1 3:8 - Katɔti Ɔku Kedee

⁸ Kavumana kadi keeebo ukyuli ɔni náva ku ɔni néwi-ka ntu kemmo. Katɔti kani ndubɔƒɔ bana ƒui kayu na bana kabla kenye.

Korintoƒuɔ 1 3:8 ပူးပေါင်းရင်းမြစ်များ

Kɔgya 62:12

Na ami kani mɔɔyɔ́ ukyuli uwi ndi uwi. Na mɔɔƒɔ kayu kani námanku ukyuli biala na nwuna kabla kenye teete-nwu.”

Agba 27:18

Kabla bablane bani mɔɔnu kɔdingyii kɔdi lɛlɔ bebo kuƒi ka badi-ku ebi. Lɛni kani na kabla bablane bani mɔɔgyumana kabla ɔlati ɔdi kabla ka katɛ ni, badubo lɛyuƒɔla bɔƒɔ.

Daniel 12:3

Na bani ƒui náda anu na bana ngba bulie kemmo ni, badubukeye kede kede aani kayaa kani bɔɔnu. Na bani lɛnɔ na bátɔnku bekyuli na bábla Katɔti lɛyɔla ni, badubukeye aani ayabi.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Luka 19:19

“Amu na Unwoti ɔmmɔ ɔ́su kabla ɔblane ɔmmɔ lɛnɔ ɔnini, ‘Awɔ adubunye lɛma ɛlɔ kenye!’

Romaƒuɔ 2:6

Na Katɔti ɔdubɔƒɔ ukyuli biala kayu na nwuna kabla kani na ɔ́bla kenye.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 1 3:14

Si lɛla lɛni na ɔdi úti ɔ́tu ɔtɔ ɔ́sia ɔtɔ kalɔ lɛtabi lɛmɛni lɛlɔ lɛ́kana bunye si ogya ɔ́kywi ɔ́vi-ni lɛlɔ ni, ɔtune ɔmmɔ ɔdubɔƒɔ lɛyuƒɔla.

Korintoƒuɔ 1 3:7

Ɔmɛni ɔsu ni, ukyuli ɔni náva ku ukyuli ɔni néwi ntu ni, bana ƒui baaadi lɛla lɛdi. Na mmomu Katɔti ɔdi nda, ɔsika anwu náya na kálɛ lili.

Korintoƒuɔ 1 3:9

Ɔsika bɔdi bakpana na kabla kenwi kemmo. Na bɔ́sala bɔɔbla-ka teete Katɔti. Na amii bise aani Katɔti kemmo kani lɛlɔ na bunye bɔɔtuma. Na bise lɛnɔ aani ɔtɔ ɔni na Katɔti ɔ́tu.

Korintoƒuɔ 1 4:15

Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Korintoƒuɔ 1 9:7

Ukpone ɔdi biala uláƒɔ nwuna lili kayu na bekpone kakyakɔ. Na umonsene biala ni, ubo kuƒi ka ɔdi nwuna kemmo edula. Na bebuo lɛlɔ ɔnune biala ubo kuƒi na uti bebuo bammɔ anyi ntu ɔbla lɛdila.

Galatiƒuɔ 6:4

Ukyuli biala ɔkɔku nwuna lɛlɔ udu ɔnu. Na si ɔ́nu ɔ́ti ka ɔdia ni, na ɔkana na ɔkun lɛmɛnɛ na nwuna ablala lɛlɔ. Na ɔɔɔdi ɔni na uti lɛlɔ ɔkɔku ukyuli bamba.

Galatiƒuɔ 6:5

Ɔsika ɔdi ka ukyuli biala uti anwu ɔlati etila.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Yohane 2 1:8

Anwuɔsu binye kagyumana kalɛ na bilatuma bilewiakun, mmomu na bina katuma kalɛ-mii kɔsia na kudu kɔwɔlɔ.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Budie Taatina 22:12

“Bɛnu! Ami Yesu ndubo uwi klukui! Na ndanku lɛyuƒɔla lɛni námanku kabla biala ndububoku, na mbaƒɔ ɔdi biala kayu na lɛla lɛni na ɔ́bla kenye.