Korintoƒuɔ 1 3:18 - Katɔti Ɔku Kedee

¹⁸ Bina akɔ ɔdi utatɔlɔ lɛlɔ. Si bina akɔ ɔdi ɔɔnu lɛlɔ aani kayawi kamɛni ɔnundane ni, ɔbla lɛlɔ ɔdɔlɔdi mmomu na bekyuli anumi kalɛ na wenwini ɔnundane geen sɔsɔ na Katɔti anumi.

Korintoƒuɔ 1 3:18 ပူးပေါင်းရင်းမြစ်များ

Agba 26:12

Badɔlɔdi lɛnunsia na ala lɛlɔ ni, ɔdia utulo bekyuli bani mɔɔkali ka báda anu, nsu bátada anu.

Agba 3:5

Ti ƒula anu ku kayi ƒui sia Unwoti lɛlɔ. Na teti anu tasia awɔ ɔlati ƒula ala kalɔ bunu lɛlɔ.

Agba 3:7

Ƒula anumi atatɔlɔ-ɔ na anu lɛlɔ ɔnundane. Mmomu yia Unwoti na enwini kama akya likpidi.

Agba 5:7

Ɔƒaani ni, mina bebi, bise atu na binu. Na lɛla lɛni na ndubo-mii bɔsu mɛni ni, ɔdi utedeyi utesie kesii bamba.

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Yesaia 5:21

Bɔbuɛ beete bekyuli bani mɔɔnu lɛlɔ banundane na baakali ka bagyi lɛla lɛdi.

Yeremia 37:9

Utabla-mii aani Babilonƒuɔ bammɔ badubɔsɔ benwini aani kudeedi kalɛ na bise lɛlɔ lisusu.

Yeremia 8:8

“Bɛɛsu bɛnini, ‘Bɔ́da anu, ɔsika bula enu kemmo na Unwoti ala ani na ɔɔtina ku nwuna ɔda bubo ƒui bɔkya.’ Nsu mɔɔyá na bɛti ka bina ala batinane ƒui bátu mina etemila bénwini ɔkɔ ala!

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Mateo 18:4

Ukyuli ɔni náƒɔ kuye utulo ƒui na Katɔ Ɔga Ɔma ni, anwu ndi ukyuli ɔni néboku lɛlɔ kalɔ na únwini aani ɔnamu ɔmɛni udu.

Marko 10:15

Mɔɔsu-mii geen ka ukyuli ɔni naaadubo Katɔti lɛga bɔdi bɔƒɔ aani kalɛ na ɔnamu blii suɛ uuboku lɛlɔ kalɔ ni, uleduo Katɔti lɛga kadikɔ kudii.”

Luka 18:17

Na binyimo ɔmɛni bɛnii ukyuli biala ɔni naaadubo Katɔti lɛga kadikɔ bɔƒɔ aani ɔnamu blii kalɛ ni, uleduo-ka kemmo kudi kudii.”

Luka 21:8

Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 12:16

Bɛbla unwi ku bina bakpana na bina ngba bulie kemmo. Bitatalaku lɛlɔ katɔ, mmomu bɛtuna na bɛsala ku bani neeebo kenyekɔ kadi na bekyuli anumi. Na bitanu lɛlɔ bitetulo bakladi.

Korintoƒuɔ 1 15:33

Bitabla susuusu. Kɔkpana kukpidi kuubile udu buni.

Korintoƒuɔ 1 3:17

Ɔsika Katɔti kakpakɔ kese kedee, na amii ndi nwuna kakpakɔ kammɔ. Anwuɔsu si ɔdi úgyingya Katɔti kakpakɔ kammɔ ni, Katɔti ɔdubɔyila-nwu udu.

Korintoƒuɔ 1 4:10

Bɔdi badɔlɔdi na Kristo ɔsu. Nsu amii bɛdi banundane ka bɛ́bla unwi ku Kristo ɔsu. Abu buse aani bekyuli bani na ekubi eeebo-ma lɛlɔ kemmo. Nsu amii ni, lɛlɔ lɛ́sa-mii. Bɔɔɔdi lɛla lɛdi na bekyuli anumi. Nsu amii ni, bibo ɔbu.

Korintoƒuɔ 1 6:9

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Galatiƒuɔ 6:3

Na si ɔdi ɔɔnu lɛlɔ ka ɔdi lɛla lɛdi nsu ɔɔɔdi lɛla biala ni, ukyuli ɔmmɔ ɔɔtɔ́lɔ lɛlɔ.

Galatiƒuɔ 6:7

Ɔdi utatɔlɔ lɛlɔ, ɔsika ukyuli ɔdi ulakana na wavi Katɔti kekuma. Ɔsika lɛla lɛni na áva ni, ani kani na adubo bude.

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Tito 3:3

Ɔsika abu alati lɛnɔ bɔ́bla adɔlɔla ku atuɔkplu, na bɔ́ƒiɔ dii. Na ɔlɔna kemmo ala ekpidi áda-bu ɔkwɛ lɛnɔ dii. Na búti bula uwi búte kalala bɔbla ku lɛnungyie, na bekyuli békisi-bu na abu lɛnɔ búkisi-ma.

Yakobo 1:22

Ɔdi ka bitaabla taasiaku lɛla lɛni na litemi buni lɛmmɔ lɛɛtina lɛlɔ. Na ɔɔɔdi ka binu-ni kani. Si ɔɔɔdi lɛni ni, na bɛɛtɔ́lɔ lɛlɔ.

Yakobo 1:26

Si ukyuli ɔdi ɔɔkali ɔnii ɔdi ɔƒɔtaadine buni na ulákana nwuna unyemi bɔda ni, ɔɔtɔ́lɔ lɛlɔ na nwuna bɔƒɔtaadi bɔmmɔ buuubo kɔsia kɔdi.

Yohane 1 1:8

Si búni bɔnii bulábla likpidi ni, na bɔɔtɔ́lɔ lɛlɔ, na litemi geen lɛmmɔ lítaƒɔ-bu lɛlɔ kemmo.