Korintoƒuɔ 1 3:17 - Katɔti Ɔku Kedee

¹⁷ Ɔsika Katɔti kakpakɔ kese kedee, na amii ndi nwuna kakpakɔ kammɔ. Anwuɔsu si ɔdi úgyingya Katɔti kakpakɔ kammɔ ni, Katɔti ɔdubɔyila-nwu udu.

Korintoƒuɔ 1 3:17 ပူးပေါင်းရင်းမြစ်များ

Ala Kalɔ Buse 28:17

Ɔ́yia na ɔ́su ɔnini, “Ntɛ bɔmɛni bubo liƒu, ɔsika Unwoti Katɔti keliekɔ geen na kadi mɛni! Na kadi katɔ ɔban kayakun kammɔ geen kenye.”

Ala Alɛdi 1 29:3

“Na ɔni na lɛ́bla ala amɛni ƒui lɛ́wɔlɔ kama ni, líse kenye ka ndubuti ami ɔlati mina sika ugyiedi ku ɔƒualadi kakɛ kadi lite liti lɛtina kalɛ na mɔɔyɔ́ Katɔti kakpakɔ kammɔ.

Kɔgya 74:3

Bo na abanu ala ani ƒui na bekisine bébile na áyii udu na ƒula kakpakɔ.

Kɔgya 79:1

O Katɔti, kadi bamba bekyuli bébo bébeduo ƒula kalɔ kemmo. Na bébile ƒula kakpakɔ kedee kammɔ ekisila na bábwɛ Yerusalem ɔma.

Kɔgya 93:5

Ƒula ɔda bubo bunye ligeen kpakplaa. Na ƒula kakpakɔ kadubo butaadia bɔnu na kese kedee uwi ƒui.

Kɔgya 99:9

Bimwi Unwoti bula Katɔti na bɛkpa-nwu na nwuna kɔbi kedee lɛlɔ, ɔsika Unwoti, bula Katɔti, use kedee.

Israelƒuɔ Bɔlɛ 3:5

Amu na Katɔti ɔ́su Mose ɔnini, “Da ƒula lɛgbanvuo die! Ɔsika kalɔ kedee lɛlɔ na enye.”

Yesaia 64:11

Na bula kakpakɔ kedee kani muukeye na bula bati kuuku bátaakpa-a ni, bákya-ka ogya bákyula. Na ala ani náƒɔ-bu kuye geen ƒui áyii udu atɛ kalɔ na asɔ eeebo lɛblakula.

Esekiel 43:12

“Na mina kakpakɔ kaduli geen kani na kɔbi lɛlɔ mmɔ ni, ɔlɛka bada mmɔ edu aani lɛla lɛni na bédie bése sɛsɛɛ béte-mi! Ɔmɛni ndi ɔda bubo bɔni náƒɛ kuye butulo ƒui ɔ́siku mina kakpakɔ lɛlɔ.

Esekiel 5:11

Bina alaekpidi ani na bɛɛbla na eesé lɛlɔ mmɔ áya na mina kakpakɔ kasɔ kaaadi kesii kani námanku ka bakpa-mi. Anwuɔsu na lɛ́kpali lɛlɔ líse kenye ka ndubo kama bunwini bɔkya-mii na nsɔ lɛɛɛdubo-mii kɔnyana kɔdi bɔnu lɛnɔ.

Esekiel 7:22

Badubo bɔbwɛ búduo mina kakpakɔ kemmo na babla-ka kesii kani muusé lɛlɔ na kasɔ kalamanku ka bakpa-mi na mmɔ. Nsu ndubɔda anumi lidie na ubo ute lɛni.

Lewiƒuɔ Ɔda Bubo 15:31

“ ‘Ɔdi ka aya na Israelƒuɔ bada lɛlɔ bedie ala ani muusé lɛlɔ kudɔ kalɛ na beléteese lɛlɔ na bekpi na ɔmmɔ ɔsu ka badubɔya na mina keliekɔ kani nkya-ma akɔ keteese lɛlɔ ɔsu.’ ”

Lewiƒuɔ Ɔda Bubo 20:3

Ndubuti mina lɛnumi lɛlɛ ukyuli ɔmmɔ lɛlɔ na likulo-nwu lidie nwuna badi akɔ, ɔsika ubidi ɔni úti úte Molek mmɔ ɔ́ya na mina Adi Kevo keesé lɛlɔ na úbile-mi lɛnyi kedee.

Seƒania 3:4

Kenye bediene bani nkya Yerusalem baakɔliku lɛlɔ katɔ na baaadi bekyuli bani lɛlɔ na beti anu basia. Bana bakpane lɛnɔ béwi kakpakɔ kammɔ anumi kalɔ na bébile Katɔti Ɔda bubo bɔmmɔ.

Bumomo Bɔka 19:20

“Nsu si ukyuli ɔdi ɔkya-mii akɔ na úni na útabla lɛlɔ sɛɛn ɔlɛka bada-nwu bedie bina akɔ. Ɔsika uti eƒi utuku Unwoti kakpakɔ ka béteti ntu bɔni mɔɔbla ukyuli ɔni eƒi akya-nwu lɛlɔ betewi-nwu lɛlɔ ɔsu. Ɔmmɔ ɔsu na uuse lɛlɔ.

Korintoƒuɔ 1 3:16

Bɛti nwaa ka amii alati ndi Katɔti kakpakɔ. Na Katɔti Kɔyu kɔkya-mii lɛlɔ kemmo.

Korintoƒuɔ 1 3:18

Bina akɔ ɔdi utatɔlɔ lɛlɔ. Si bina akɔ ɔdi ɔɔnu lɛlɔ aani kayawi kamɛni ɔnundane ni, ɔbla lɛlɔ ɔdɔlɔdi mmomu na bekyuli anumi kalɛ na wenwini ɔnundane geen sɔsɔ na Katɔti anumi.