Korintoƒuɔ 1 3:14 - Katɔti Ɔku Kedee

¹⁴ Si lɛla lɛni na ɔdi úti ɔ́tu ɔtɔ ɔ́sia ɔtɔ kalɔ lɛtabi lɛmɛni lɛlɔ lɛ́kana bunye si ogya ɔ́kywi ɔ́vi-ni lɛlɔ ni, ɔtune ɔmmɔ ɔdubɔƒɔ lɛyuƒɔla.

Korintoƒuɔ 1 3:14 ပူးပေါင်းရင်းမြစ်များ

Daniel 12:3

Na bani ƒui náda anu na bana ngba bulie kemmo ni, badubukeye kede kede aani kayaa kani bɔɔnu. Na bani lɛnɔ na bátɔnku bekyuli na bábla Katɔti lɛyɔla ni, badubukeye aani ayabi.

Korintoƒuɔ 1 3:8

Kavumana kadi keeebo ukyuli ɔni náva ku ɔni néwi-ka ntu kemmo. Katɔti kani ndubɔƒɔ bana ƒui kayu na bana kabla kenye.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 1 9:17

Si banii ami ɔlati náƒuna kabla kamɛni na mina bɔyɔ kenye ni, nka ndubɔsia anu ka baƒɔ-mi kayu. Nsu ɔdi kabla kani na Blɔti nnye-mi lɛlɔ ɔnii mbla. Ɔsika Katɔti néti-mi únyene-ka kenye.

Galatiƒuɔ 6:4

Ukyuli biala ɔkɔku nwuna lɛlɔ udu ɔnu. Na si ɔ́nu ɔ́ti ka ɔdia ni, na ɔkana na ɔkun lɛmɛnɛ na nwuna ablala lɛlɔ. Na ɔɔɔdi ɔni na uti lɛlɔ ɔkɔku ukyuli bamba.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Petro 1 5:1

Muuvele amii bani ndi baƒɔtaadine benengu na bina akɔ, ɔsika ami ɔlati lɛ́nu kalɛ na Kristo úbo abi na muudie ɔmmɔ kenye. Na mina anu asia ka ami ku-nwu bɔdubɔdi lɛga na nwuna bukeye bɔmmɔ kemmo na uwi ɔni na wasɔ webo.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.