Korintoƒuɔ 1 3:13 - Katɔti Ɔku Kedee

¹³ Nsu si ɔtɔ ɔni na ɔdi biala ɔ́tu ɔdia iye ɔɔɔdia ni, Kristo limeyi bonwu lɛmmɔ ndubudie bana kabla bɔtina. Ɔsika limeyi lɛmmɔ lɛlɔ ni, ogya ndubo ɔdi biala kabla keyi budie. Ogya ɔmɛni ndubo kabla biala bɔkɔku bɔnu na ɔnu si kabla kammɔ kadia.

Korintoƒuɔ 1 3:13 ပူးပေါင်းရင်းမြစ်များ

Yesaia 28:17

Na aani ɔtune kalɛ ni, litemi bɔtɛ ulu lɛlɔ ndubɔdi mina kabuli kani na ndubuti lɛkɔku kowodu kɔmmɔ bunye. Na ugyii ɔni mɔɔtina kowodu kavikɔ ligeen ndubɔtina kalɛ na mɔɔbla ala siin. Na ɔƒɛƒɛɛ ku ɔnantu ku etubankɛ na ndubɔya na ana na agbala bina ɔkɔ ala bɔbla ƒui bɔni ndi bina katamikukɔ ku kabɛkɔ mmɔ na ɔyila lɛla biala.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Yeremia 23:28

Kavumana bonwu kakya bana ana ani na bégye ku mina litemi geen ntɛ aani kamu ku keti. Anwuɔsu si kenye udiene ɔdi úsie utásu mina kenye bɔdi ni, ɔlɛka ɔsu litemi geen lɛni na lɛ́su mmɔ kani.

Yeremia 23:29

Mina etemila ebo ɔyikun aani ogya. Na ese aani lɛbuala bonwu lɛni na beeti teebo atakpɛ teegyingya.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Malakai 3:17

Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi.

Malakai 3:2

Limeyi lɛni na Unwoti webo ni, ɔdubuse aani ogya lɛyu lɛni kemmo na baaƒɔ sika, iye ɔkwayɛ ɔni mbo ɔbi. Na ukyuli biala ɔɔɔdubo bɔkana na unye-nwu anumi iye unye ɔsiaku-nwu.

Mateo 10:15

Mɔɔsu-mii geen ka limeyi lɛni na Katɔti ɔdubɔtɛku bayawine litemi ni, ɔdubɔnu lɛma likpidi aani Sodom ku Gomora kɔnyana utulo ɔma ɔmmɔ.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Luka 2:35

Na ɔdubo bekyuli bamɛni kasusu kani nábɛ keyi budie. Na ɔkɛ ɔmɛni ɔsu ni, adubunu ɔlɛ aani kalɛ na kewii kaatu ukyuli kayi.”

Romaƒuɔ 2:16

Na litemi buni lɛni lɛsa na mɔɔkɔ́ ni, lɛɛtina ka Katɔti ɔdubɔya na Yesu Kristo ɔtɛku bekyuli litemi ɔ́siku ala ani nábɛ akya-ma kasusu kemmo ƒui lɛlɔ.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Korintoƒuɔ 1 3:12

Badi badubuti sika ugyiedi iye ɔƒualadi iye atabi ani náƒɔ kuye iye ligyii iye livo batu ɔtɔ ɔmmɔ.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Timoteo 2 1:18

Na muuvele Katɔti nnii ɔnu-nwu kɔnyana na Litemi Bɔtɛ Limeyi lɛmmɔ lɛlɔ. Awɔ ɔlati agyi kɔlɛ kɔlɛ kɔni na úbunku-mi na Eƒeso.

Timoteo 2 3:9

Nsu ni, bekyuli bamɛni belésie ɔgyu, ɔsika bana kɔkwɛ kukpidi kɔdubɔlɛ keyi na bekyuli ƒui anumi aani bani nábla udu ɔmɛni bávi kalɛ kani.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Hebriƒuɔ 10:25

Bitaya na bɔda bɔsa bɔya aani kalɛ na badi badaku lɛlɔ bɔda teedie. Mmomu bɛya na bɔkya lɛlɔ ogya, na bɔbla lɛni butulo na uwi ɔni kemmo na limeyi linengudi lɛmmɔ lɛdaku bɔni teede geen mɛni kemmo.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Petro 1 4:12

Banwa bayɔne, abi kpakplaa ani na biibó mɛni ni, anya ndubɔya na bɛkana binye kpakplaa. Na utabla-mii kalɛ kadi ka lɛla lɛni nétebo tɔ dii mɔɔlɛ́ku-mii.

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.

Budie Taatina 20:12

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.