Korintoƒuɔ 1 2:4 - Katɔti Ɔku Kedee

⁴ Na bɛdubɔnu ka mina ala ani na lɛ́tina ƒui ni, eeese aani ukyuli ɔni na kenye káda-nwu na úbo lɛnunda. Mmomu mina etemila bɔsu búdie bɔ́tina geen kalɛ na Katɔti Kɔyu ɔyikun use.

Korintoƒuɔ 1 2:4 ပူးပေါင်းရင်းမြစ်များ

Agba 20:19

Kɔtɛ keeke ɔtɛmine uugyingya kɔbɛtɛ. Anwuɔsu tadiku ukyuli ɔmmɔ udu kɔkpana.

Agba 7:21

Ɔmmɔ ɔsu uleku ɔmmɔ ɔ́tɔlɔ-nwu útásiaku ulu bamba lɛlɔ ku nwuna atɛ mini mini ammɔ. Na nwuna katɔlɔ ɔsu úƒie-nwu kayi.

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Esekiel 13:6

Kenye bediene bammɔ baanyi ɔkɔ taasu ka mina lɛnyi kemmo na baasu etemila, nsu ɔɔɔdi ami náƒuna-ma muedi. Na baakali ka bana etemila ammɔ adububo-nwu kemmo ete-ma kalɛ na básu.

Batalane Kabla 20:27

Sɔsɔ ni, ńteti Katɔti lɛga kadikɔ ulu lɛla lɛdi ńtabla-mii.

Batalane Kabla 26:28

Amu na Agripa úye Paulo ɔnini, “Aawia ka linwini Kristoni uwi klukui ɔmɛni kemmo?”

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Korintoƒuɔ 1 1:17

Kristo útatala-mi ɔnii mbo mbataabla ntu bɔkpila ɔdi teete bekyuli. Mmomu ɔ́tala-mi ɔnii mbakɔ litemi buni lɛmmɔ lɛsa nte bekyuli. Na naaasu-ni na kayawi lɛnunda ulu ɔdi lɛlɔ. Ɔsika naaayɔ ka ɔyikun ɔni nkɛnku kalɛ na Yesu Kristo úkpi na ugyii lɛlɔ mmɔ ɔyii udu na ɔbla keeke.

Korintoƒuɔ 1 2:1

Banwa, uwi ɔni na líbo-mii kudɔ na ḿbakɔ Katɔti etemila geen abɛdi lɛsa líte-mii ni, ɔɔɔdi kenyemini iye kayawi lɛlati lɛdi kemmo na líti lɛ́tɛmiku-mii.

Korintoƒuɔ 1 2:13

Ɔmɛni ɔsu ni, ɔɔɔdi kayawi kammɔ lɛnunda ala ani bekyuli baatina kemmo na búti bɔɔtɛmiku-mii. Mmomu buudie ala amɛni kalɔ teete-mii aani kalɛ na Katɔti Kɔyu kúdie ala ammɔ kalɔ kɔ́tina-bu.

Korintoƒuɔ 1 4:20

Ɔsika Katɔti lɛga bɔdi bɔɔɔdanku atɛ keeke bɔtɛmi. Mmomu bɔdanku ɔyikun.

Korintoƒuɔ 2 6:6

Búdie lɛlɔ bɔ́tina ka bɔdi kabla bablane babuni na kalɛ na bɔda lɛlɔ sɛɛn ku kalɛ na bɔgyi Katɔti litemi buni lɛmmɔ. Buuwi lɛlɔ buɛɛ ku bula ablala na bekyuli akɔ, na bɔɔbla lɛƒɔndia. Katɔti Kɔyu kɔɔkya-bu lɛlɔ kemmo, na bɔɔyɔ́ bekyuli ku kaƒɔ nwaa.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Koloseƒuɔ 2:4

Mɔɔsu-mii ɔmɛni kalɛ na ukyuli biala uleti kenyemini etemila adi ulakyaku-mii unyeƒi na ɔtɔlɔ-mii.

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Petro 2 1:16

Ɔɔɔdi kɔtɛ keeke na bɔ́nwi búti bɔ́tina-mii ka Blɔti Yesu Kristo ɔsɔ ɔdububo na ɔyikun kemmo. Bɔgyi lɛla lɛni na bɔ́su-mii. Ɔsika abu alati bɔ́nu-nwu ku bula anumi kalɛ na use kedee na ɔdi Ɔga.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Litemi Batɛne 14:15

Na limeyi linedi lɛlɔ bekyuli bammɔ bésie Simson ulekudi kudɔ na básu-nwu banini, “Tɔlɔ ƒ'ɔgyani na udie agyolo ammɔ kalɔ ɔtina-a na asu-bu. Si ɔɔɔdi lɛni bɔdubo awɔ ku ƒula ɔti kaduli bɔkyula bɔsala.” Na béye ulekubi ɔmmɔ banii, “Munuu buti na éti ɔnanabi ɔmɛni éboku anii ubeyu-bu?”

Litemi Batɛne 16:5

Na Ƒilistiƒuɔ benengu bákpɛ béde ugblebi ɔmɛni na básu-nwu banini, “Sia ulu biala lɛlɔ na atɔlɔ Simson na ɔsu-ɔ kesii kani na ɔ́kɛ nwuna ɔyikun bonwu ɔmɛni ɔ́siku. Na abu bɔdubɔwia ulu ɔni lɛlɔ na bɔdubɔsia na bunyimi-nwu na buboku-nwu kalɔ. Na bula ƒui ɔdi biala ɔdubute-ɔ sika ɔƒualadi ebi apim unwi ku eti anyɔ.”