Korintoƒuɔ 1 2:15 - Katɔti Ɔku Kedee

¹⁵ Ukyuli ɔni na Katɔti Kɔyu kɔ́ƒɔ-nwu lɛlɔ kemmo ni, ɔɔkana na ɔɔnu lɛla biala taati. Nsu anwu ni, bekyuli balakana-nwu bɔnu bɔti.

Korintoƒuɔ 1 2:15 ပူးပေါင်းရင်းမြစ်များ

Samuel 2 14:17

“Lɛ́su lɛlɔ na mina kakali kemmo nnini, ‘Kuli kɔdia na linu lɛla lɛni mɔɔyu kayi buɛɛ lɛsiku ɔga kudɔ, ɔsika kalɛ na Katɔti batu bese ni, lɛni kani na mina ɔga use ute-mi. Na ɔdubɔnu likpidi ku lɛbuni kavumana ɔti na ɔƒuna lɛbuni. Na muuvele nnii Unwoti ɔni ndi ƒula Katɔti ulieku-ɔ.’ ”

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Etemila 8:5

Si aabu ɔga ni, eleduo ɔgbankpi kemmo. Anwuɔsu sia anu na ati lɛla lɛni na abla ku uwi ɔni na abla-ni.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Batalane Kabla 16:3

Anwu geen na Paulo ɔ́wia ka utiku na ɔsiaku-nwu. Anwuɔsu ɔ́bla-nwu Yudaƒuɔ ɔlɔna bukulo ɔdi, ɔsika Yudaƒuɔ bani nkya amadɔ mmɔ ƒui bagyi ka ɔti ɔdi Grikini.

Korintoƒuɔ 1 14:37

Si bina akɔ ɔdi ɔɔkali ɔnii Katɔti kenye udiene na ɔdi iye ubo Kɔyu kemmo litela lɛdi ni, ɔdi ka ɔnu ɔti ka lɛla lɛni na muunweni-mii lɛdi ɔda ɔni na Katɔti úbo.

Korintoƒuɔ 1 3:1

Banwa, na litemi geen bɔsu kenye ni, naaakana na matɛmiku-mii aani kalɛ na mɔɔtɛmiku bekyuli bani na Katɔti Kɔyu kɔ́ƒɔ-ma lɛlɔ kemmo. Mmomu ndubɔtɛmiku-mii aani bekyuli bani na bana anu amu asia kayawi ala lɛlɔ. Na bɛmu bɛdi banamu wɛlɛ wɛlɛ na Kristo bɔƒɔtaadi bɔmmɔ kemmo.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Galatiƒuɔ 6:1

Banwa, si ɔdi ɔ́bla likpidi lɛdi ni, amii bani na Katɔti Kɔyu kɔ́ƒɔ-mii lɛlɔ kemmo ni, binwini-nwu buɛɛ na ɔda likpidi lɛmmɔ bɔbla ɔya. Nsu bɛnu kaduɛ kalɛ na bina akɔ ɔdi uleduo ɔgbankpi ɔmmɔ udu kemmo.

Ƒilipiƒuɔ 1:10

kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Koloseƒuɔ 1:9

Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Tesalonikaƒuɔ 1 5:21

Mmomu bɛwia lɛla biala kalɔ binu na bɛsiaku lɛbuni kama.

Hebriƒuɔ 5:14

Nsu adila geen ani mbo unu ni, ese ete bekyuli bani náabi lɛlɔ. Lɛni kani na bekyuli bani náabi lɛlɔ ni, báanyuɛ lɛlɔ na báti kavumana kani nkya lɛbuni ku likpidi ntɛ.

Yohane 1 2:20

Nsu amii ni, Kristo ɔ́ya na nwuna Kɔyu kɔ́ƒɔ-mii lɛlɔ kemmo, na bina ƒui bɛgyi Katɔti litemi geen.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.