Korintoƒuɔ 1 2:1 - Katɔti Ɔku Kedee

¹ Banwa, uwi ɔni na líbo-mii kudɔ na ḿbakɔ Katɔti etemila geen abɛdi lɛsa líte-mii ni, ɔɔɔdi kenyemini iye kayawi lɛlati lɛdi kemmo na líti lɛ́tɛmiku-mii.

Korintoƒuɔ 1 2:1 ပူးပေါင်းရင်းမြစ်များ

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Batalane Kabla 22:18

Mmɔ na Blɔti ɔlati ɔ́su-mi ɔnini, ‘Babla na avi alɛ Yerusalem, ɔsika mɛni bekyuli belénu-ɔ litemi lɛni na aasu taasiku-mi lɛlɔ.’

Romaƒuɔ 16:18

Ɔsika bekyuli bammɔ udu ni, balábla Blɔti Yesu Kristo kabla. Mmomu ama alati bana ayɔla na baabla. Na bada kenye emini atɛ ku katɔlɔ beeƒú bekyuli bani naaagyi lɛla lɛdi kasusu.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Korintoƒuɔ 1 1:17

Kristo útatala-mi ɔnii mbo mbataabla ntu bɔkpila ɔdi teete bekyuli. Mmomu ɔ́tala-mi ɔnii mbakɔ litemi buni lɛmmɔ lɛsa nte bekyuli. Na naaasu-ni na kayawi lɛnunda ulu ɔdi lɛlɔ. Ɔsika naaayɔ ka ɔyikun ɔni nkɛnku kalɛ na Yesu Kristo úkpi na ugyii lɛlɔ mmɔ ɔyii udu na ɔbla keeke.

Korintoƒuɔ 1 1:6

Yesu Kristo lɛlɔ litemi lɛmɛni lɛ́kɛ keliekɔ na bina akɔ kaduɛ.

Korintoƒuɔ 1 2:13

Ɔmɛni ɔsu ni, ɔɔɔdi kayawi kammɔ lɛnunda ala ani bekyuli baatina kemmo na búti bɔɔtɛmiku-mii. Mmomu buudie ala amɛni kalɔ teete-mii aani kalɛ na Katɔti Kɔyu kúdie ala ammɔ kalɔ kɔ́tina-bu.

Korintoƒuɔ 1 2:4

Na bɛdubɔnu ka mina ala ani na lɛ́tina ƒui ni, eeese aani ukyuli ɔni na kenye káda-nwu na úbo lɛnunda. Mmomu mina etemila bɔsu búdie bɔ́tina geen kalɛ na Katɔti Kɔyu ɔyikun use.

Korintoƒuɔ 1 2:7

Lɛnunda lɛni kenye na muudie mɛni ni, lɛdi Katɔti lɛnunda lɛni nábɛ bekyuli. Nsu Katɔti ɔ́ƒuna-ni úse kukuuku ka lɛƒɔ-bu asa na údie kayawi.

Korintoƒuɔ 2 10:10

Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Korintoƒuɔ 2 11:6

Ina kenye kátada-mi muedi ni, ɔɔɔdi Katɔti litemi na lɛɛɛgyi. Bɔ́ya na ɔmɛni ɔ́bla-mii nwaa na ulu biala lɛlɔ.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Timoteo 1 1:11

Na Katɔti litemi buni lɛni bɔsu na úti ɔ́kya-mi enu kemmo ni, nina kemmo kani na bɔdubɔkɛ ala bɔtina bɔbuni bɔmmɔ bɔni nási Katɔti ɔmmɔ ɔlati bukeye kemmo. Na anwu na bɔɔgyá enu.

Timoteo 2 1:8

Ɔmɛni ɔsu ni, taya na kɔƒa kukpo-ɔ ka enye Blɔti litemi kama, iye kɔƒa kukpo-ɔ na mina lɛlɔ aani ɔtɔntɛne kalɛ na Kristo ɔsu. Mmomu ni, awɔ lɛnɔ nye lɛbibo lɛmmɔ kenye kpakplaa na eteedie Blɔti litemi buni lɛmmɔ keyi. Ɔsika Katɔti úte-ɔ ɔyikun kalɛ na akana na abla ɔmɛni.

Yohane 1 4:14

Bɔ́nu bɔ́ti nwaa na buudie kenye ka Katɔti ɔ́tala Ubidi ka ubedie bayawine ɔlɛku ekpidi kemmo.

Budie Taatina 1:2

Ami Yohane línweni ala ani ƒui na línu ku ani na lɛ́nu. Na lídie kenye na linyesia lɛni nási Katɔti kudɔ ku litemi geen lɛni na Yesu Kristo údie ɔ́tina lɛlɔ.

Budie Taatina 1:9

Banwa, bɔdi bavinkpana ka buliku Yesu ɔsu. Na ami ku-mii ƒui bunye lɛbibo kenye kpakplaa na kayawi kamɛni kemmo, na bɔɔdi Katɔ Ɔga Ɔma ala. Ńtaakɔ Katɔti litemi buni lɛni nkɛnku Yesu Kristo lɛlɔ lɛsa na ulu lɛlɔ. Nsu ka bekyuli balayɔ lɛni ɔsu ni, béti-mi bétése ntuntɛ kalɔ kani baalɔ Patmo.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”