Korintoƒuɔ 1 16:22 - Katɔti Ɔku Kedee

²² Ukyuli biala na ulayɔ Blɔti ni, ɔdubɔnuku-ni! O Blɔti, bo!

Korintoƒuɔ 1 16:22 ပူးပေါင်းရင်းမြစ်များ

Lɛnu Ƒui Ɔnu 1:7

Ɔyɔne, su-mi kesii kani na adubuti ƒula bebuo esienku na batádi ku kesii kani na badubɔtɛ banwuna ɔƒiiwi.

Lɛnu Ƒui Ɔnu 5:16

Kalɛ na ɔɔkya-mi kɔgbu ɔɔyu-mi kayi geen, na mɔɔwia-nwu lɛni uwi biala kemmo!

Yesaia 5:1

Ndubudie ɔnu lite mina ɔyɔne ɔsiku nwuna adingyii kemo lɛlɔ. Mina ɔyɔne ubo adingyii kemo kadi na kɔbi kaƒɔna kalɔ buni lɛlɔ.

Mateo 10:37

“Na ukyuli biala ɔni mayɔ ɔti iye uni metulo-mi ni, útamanku ka ɔbla mina ɔtɛyane. Lɛni kani na ukyuli ɔni mayɔ ubidi ɔnanabi iye ulekubi metulo-mi lɛnɔ ni, útamanku ka ɔbla mina ɔtɛyane.

Yohane 14:15

“Si bɛɛyɔ́-mi ni, bɛdubɔdi mina ɔda bubo lɛlɔ.

Yohane 14:21

“Ukyuli biala ɔni mɔɔdi mina ɔda bubo lɛlɔ ni, anwu mɔɔyɔ́-mi. Na mina Ɔti ɔdubɔyɔ ukyuli ɔni mɔɔyɔ́-mi. Na ami lɛnɔ ndubɔyɔ-nwu na lidie lɛlɔ lɛtina-nwu na ɔnu-mi.”

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 16:14

Ɔdubɔya na bekyuli bakɔliku-mi lɛnyi katɔ, ɔsika lɛla lɛni na masu-nwu ni, ani na ɔdubuti ubasu-mii.

Yohane 8:42

Amu na Yesu ɔ́su-ma ɔnini, “Si Katɔti ndi bina ɔti ni, bɛdubɔyɔ-mi. Ɔsika Katɔti ɔmmɔ kudɔ geen na lɛ́si líbo mɛni. Ńtebo na ami ɔlati bɔyɔ kemmo. Mmomu anwu ɔmmɔ nátala-mi.

Batalane Kabla 23:14

Amu na básɔ bésie bakpane benengu ku bana batɔnkune kudɔ na bátásu-ma banini, “Búse kenye ka buladi na buláni si bútadu Paulo.

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Korintoƒuɔ 1 12:3

Na ɔdi ka bɛnu bɛti ka ukyuli biala na Katɔti Kɔyu mɔɔdi-nwu lɛlɔ ni, ulakana na wasu ɔnii, “Yesu ɔdubɔnuku-ni.” Lɛni kani na ukyuli ɔdi lɛnɔ ulakana na wasu ɔnii, “Yesu ndi Blɔti,” si ɔɔɔdi Katɔti Kɔyu mɔɔdi-nwu lɛlɔ.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Eƒesoƒuɔ 6:24

Katɔti lɛƒɔndia lɛsiaku bekyuli bani ƒui mɔɔyɔ́ Blɔti Yesu Kristo ku kayi ƒui.

Ƒilipiƒuɔ 4:5

Bɛya na ukyuli biala ɔnu ɔti kalɛ na bɛda lɛlɔ buɛɛ. Ɔsika Blɔti bɔsɔ bubo bɔmmɔ búude.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Petro 1 2:7

Na lɛtabi lɛmɛni lɛ́ƒɔ kuye geen líte amii bani náƒɔ-nwu bɛ́di. Nsu bekyuli bani nátaƒɔ-nwu bátadi ni, bati banii, “Lɛtabi lɛni na batune béni báva ni, ani mmomu nébenwini lɛtabi lɛni náƒɔ kuye litulo ƒui.”

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.

Yohane 1 5:1

Bekyuli bani ƒui náƒɔ bádi ka Yesu ndi Ukyuli Ɔƒunadi ɔmmɔ ni, badi Katɔti bebi. Na alakana ubi ɔti bɔyɔ na ekisi nwuna bebi! Anwuɔsu si aayɔ́ Katɔti ni, aayɔ́ nwuna bebi lɛnɔ.

Budie Taatina 22:20

Yesu ɔni muudie ala amɛni kenye ni, ɔ́su ɔnini, “Ɛɛn, ndubo na uwi klukui kemmo!” Amu na ami lɛnɔ lɛ́tuna nnii, “Ɔsia lɛni. O Blɔti Yesu, bo!”