Korintoƒuɔ 1 15:57 - Katɔti Ɔku Kedee

⁵⁷ Nsu bɔɔgyá Katɔti enu. Anwu náya na bɔ́di lɛlɔ ɔkɛnku Blɔti Yesu Kristo lɛlɔ!

Korintoƒuɔ 1 15:57 ပူးပေါင်းရင်းမြစ်များ

Baga 2 5:1

Na uwi ɔmmɔ ni, Naaman ɔdi Siriaƒuɔ bekpone ɔtɔnkune na ɔdi ukyuli ɔni na Siriaƒuɔ ɔga ɔɔbu geen. Ɔsika ɔkɛnku Naaman lɛlɔ na Unwoti ɔ́ya na Siriaƒuɔ békpo bádi lɛlɔ. Nsu na uuƒi ɔlɛgyie.

Ala Alɛdi 1 22:11

“Mina ubi Salomo, muuvele nnii Unwoti, ƒula Katɔti, ɔsiaku-ɔ na ɔdi nwuna linyese lɛlɔ na ubunku-ɔ na atu kakpakɔ kammɔ ete-nwu.

Kɔgya 98:1

Bidie ɔnu ɔwɔdi bite Unwoti ɔsika ɔ́bla akɔla ala budie taatina. Na anwu ɔni nse kedee údie nwuna kɔnu na ɔ́bla ɔyikun ala na ɔ́di nwuna bekisine lɛlɔ.

Agba 21:31

Si ina dɛ báklibi bapɔnkɔ béte kekpo ni, Unwoti kani mɔɔyá na baadi lɛlɔ.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Batalane Kabla 27:35

Amu na Paulo úti bodobodo ɔdi, na ka ɔ́gya Katɔti enu na bana ƒui anumi mmɔ ni, ɔ́ƒɛ ɔdi na úti ɔ́di.

Romaƒuɔ 7:25

Mɔɔgyá Katɔti enu, ɔsika ɔkɛnku Blɔti Yesu Kristo lɛlɔ ni, ndubɔkɛ bɔƒɔ! Na ɔƒɛni ni, na mina kasusu kemmo ni, ndi Katɔti ɔda bubo kabla ɔblane. Nsu mina ukyuli udu ɔɔbla likpidi kabla.

Romaƒuɔ 8:37

Na ɔmɛni ƒui kemmo ni, butulo lɛlɔ badine ɔkɛnku Kristo ɔni mɔɔyɔ́-bu ɔsu.

Korintoƒuɔ 1 15:51

Binu lɛbɛla lɛmɛni. Ɔɔɔdi bula ƒui ndubukpi. Nsu si kakpɛɛ kekplodi káku ni, Katɔti ɔdubo bula ƒui udu bɔvumana kɔnakunwi.

Korintoƒuɔ 2 1:11

Ɔlɛka amii lɛnɔ bibunku-bu na bɛkpali katɔ bite-bu. Ɔsika si bekyuli pii bákpali katɔ na Katɔti úbunku-bu ni, bekyuli pii badubɔgya Katɔti enu na kalɛ na úbunku-bu ɔsu.

Korintoƒuɔ 2 2:14

Nsu ni, bɔ́gya Katɔti enu! Na bula unwi bɔbla ku Kristo ni, Katɔti ɔɔtɔnku-bu uwi biala na bɔkɛ bekyuli bani muusié taavi na Kristo lɛlɔ bɔdi kemmo. Na Katɔti ɔsia-bu lɛlɔ na udie Kristo ɔtina kayawi ƒui aani kalɛ na ɔnyi ƒɛƒɛɛ ɔɔƒɔ́ likpo lɛdi ƒui.

Korintoƒuɔ 2 9:15

Bɛya na bɔgya Katɔti enu na litela libendi geen lɛni na úti úte-bu ɔsu. Bulakana litela lɛmɛni kalɔ budie.

Eƒesoƒuɔ 5:20

Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.

Budie Taatina 21:4

Na ɔdubuni-ma imii biala na bana anumi. Na kukpi kɔsɔ kulakya lɛnɔ. Na keku ku kɔnyana buwulo ku ɔlɛ bunu lɛnɔ bɔdi bɔsɔ bulakya, ɔsika ala akukudi ƒui ávi.”