Korintoƒuɔ 1 15:56 - Katɔti Ɔku Kedee

⁵⁶ Kukpi kɔɔkɛ́ ɔyikun ɔni na ɔda ɔɔta-bu taasiku likpidi kudɔ. Na likpidi lɛnɔ lɛɛkɛ́ nwuna ɔyikun taasiku ɔda bubo kudɔ.

Korintoƒuɔ 1 15:56 ပူးပေါင်းရင်းမြစ်များ

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Yohane 8:21

Yesu ɔ́sɔ ɔ́su-ma ɔnini, “Ndubo bɔtɔlɔ na bɛdubo-mi bɔwia na bikpi bɛkya bina ekpidi kemmo. Na kesii kani lísela ni, bilakana mmɔ bubo.”

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Romaƒuɔ 4:15

Ɔsika ɔda bubo buudie Katɔti kɔnyi taatina-bu. Nsu si ɔda bubo buuubo ni, ukyuli lɛla lɛdi lilédie bula bɔƒiɔ taatina-bu.

Romaƒuɔ 5:15

Nsu ni, bana inyɔ beeese unwi. Ɔsika Katɔti lɛƒɔndia lɛni na ukyuli ɔmɛni ɔdanku liiise aani ala ani na Adam bɔƒiɔ bɔmmɔ bɔdanku. Adam ɔdi ukyuli unwi ɔni bɔƒiɔ ɔsu na bekyuli pii békpi. Nsu Katɔti ɔdubɔya na ngba bɔƒɔ lɛƒɔndia lɛni nkɛnku Yesu unwi ɔmmɔ lɛlɔ libo lite bekyuli pii litulo na nwuna kaƒɔ buni ɔsu.

Romaƒuɔ 5:17

Ɔkɛnku ukyuli unwi lɛlɔ ɔsu na kukpi kɔ́di bekyuli lɛlɔ ɔ́si ukyuli ɔmmɔ likpidi ɔsu. Anwuɔsu ɔkɛnku Yesu Kristo lɛlɔ ni, bekyuli bani ƒui nákɛ Katɔti lɛƒɔndia na ɔ́bla-ma siin badubuduo ngba bɔwɔdi bɔmmɔ lɛga bɔdi kemmo butulo ƒui.

Romaƒuɔ 5:20

Ka ɔda bubo bɔmmɔ búbo ni, bɔ́ya na bekyuli bánu bana ekpidi báti bébu. Na si bɔ́nu bula alaekpidi pii ani na bɔ́bla bɔ́ti ni, mmɔ kani na bɔdubɔnu Katɔti kɔnyana kɔni na ubo úte-bu lɛnɔ bɔti bubu.

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Hebriƒuɔ 9:27

Katɔti ɔ́lɛ ugyii úse ka ukyuli ukpi kunwi pɛ kani, na ɔmmɔ kama na ɔtɛku-nwu litemi.