Korintoƒuɔ 1 15:54 - Katɔti Ɔku Kedee

⁵⁴ Anwuɔsu si ala amɛni álɛ na bávumana ala ebiedi na énwini ani nsɔ neeebie ni, na Bunweni Kedee Ɔku kemmo etemila ani mɔɔsu anii, “Ɔ́yila kukpi udu na ɔ́di-ku lɛlɔ,” ébo éte lɛni sɔsɔ.

Korintoƒuɔ 1 15:54 ပူးပေါင်းရင်းမြစ်များ

Yesaia 25:8

Ɔdubɔyila kukpi aani kalɛ na beebweli lɛla lɛdi na kɔsɔ kulakya lɛnɔ kudii. Unwoti Katɔti ɔdubuni imii udie ukyuli biala anumi na kɔƒa kɔni muukpó nwuna bekyuli kɔdubukeli ƒui kede kede na kayawi kemodi kammɔ kemmo, ɔsika Unwoti ɔlati násu ɔmɛni úse.

Luka 20:36

Badubuse aani kalɛ na Katɔti batu bese, na basɔ belekpi lɛnɔ. Badi Katɔti bebi ɔsika báta bálɛ kekpine.

Romaƒuɔ 1:23

Na báda Katɔti ɔni nli ngba uwi ƒui bɔkpa báya, na beemwi ala abambadi ani muukpi mmomu. Bábla ala amɛni aani ukyuli iye baasɛ iye bebuo iye bebuo bani mɔɔkpɛ́ kalɔ aani balakpi udu. Na bése-ma béte lɛlɔ aani baƒiɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Romaƒuɔ 6:12

Anwuɔsu bitaya na likpidi lɛdi bina ɔlɔna ɔni ndubukpi mɛni lɛlɔ, kalɛ na bilanyonu lɛlɔ bilete ɔlɔna ɔkwɛ adala ekpidi.

Romaƒuɔ 8:11

Na si Katɔti Kɔyu kɔni nágyila Yesu ɔ́lɛku bekpine akɔ kɔkya-mii kemmo ni, anwu ɔni nágyila Kristo Yesu ɔ́lɛku bekpine akɔ mɛni ndubute bina ɔlɔna ɔni ndubukpi mɛni ngba ɔkɛnku nwuna Kɔyu kɔni nli-mii lɛlɔ kemmo ɔsu.

Korintoƒuɔ 2 4:11

Sɔsɔ na bula ngba bulie kemmo ƒui ni, bɔkya kukpi ɔgbankpi kemmo na Yesu ɔsu. Nsu ɔyikun ɔni na úte-bu na bula ɔlɔna kemmo ɔsu ni, ɔdubɔya na bekyuli banu nwuna ngba bati.

Korintoƒuɔ 2 5:4

Na uwi ɔni bɔmu bulie kayawi kamɛni ɔlɔna kemmo ni, bɔɔnu taati ka búmii na buuubo bɔnwuna. Na ɔɔɔdi ka bɔɔwia bɔnii bɔɔnyonu kayawi ɔlɔna ɔmɛni. Mmomu bɔɔwia ka bɔkya Katɔ Ɔga Ɔma ɔlɔna kemmo kalɛ na ɔlɔna ɔni nsɔ naaadubo bukpi ɔƒɔ ɔni muukpi mmɔ ƒui.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Budie Taatina 20:14

Béti kukpi ku kekpine kammɔ ƒui bébo bátákya lɛgyavonku kemmo. Na ɔmɛni ndi kukpi kunyɔdi.

Budie Taatina 21:4

Na ɔdubuni-ma imii biala na bana anumi. Na kukpi kɔsɔ kulakya lɛnɔ. Na keku ku kɔnyana buwulo ku ɔlɛ bunu lɛnɔ bɔdi bɔsɔ bulakya, ɔsika ala akukudi ƒui ávi.”