Korintoƒuɔ 1 15:52 - Katɔti Ɔku Kedee

⁵² Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Korintoƒuɔ 1 15:52 ပူးပေါင်းရင်းမြစ်များ

Kɔgya 73:19

Liƒu ala bonwu aadá taalɛ bekyuli bammɔ udu lɛlɔ na baayii kɔnakunwi.

Israelƒuɔ Bɔlɛ 19:16

Na limeyi lɛtɛdi lɛmmɔ lɛlɔ ni, kayaa kése kalɔ keedu na kaabwɛ ogya na liƒlukutu bonwu líbaƒɔ kɔbi kɔmmɔ lili. Na kɔnakunwi bénu kakpɛɛ kɔku bonwu kɔdi. Na bani ƒui nkya keliekɔ mmɔ ƒui liƒu bonwu lɛ́da-ma.

Israelƒuɔ Bɔlɛ 20:18

Amu ka bekyuli bammɔ bénu kalɛ na katɔ keedu, na kaabwɛ ogya, na kakpɛɛ lɛnɔ kaaku, na bánu kalɛ na uyɔ lɛnɔ ɔ́ƒɔ kɔbi kɔmmɔ lɛlɔ ni, liƒu bonwu lɛ́da-ma. Anwuɔsu báni bésie kama kama.

Israelƒuɔ Bɔlɛ 33:5

Ɔsika Unwoti ɔ́su Mose na úbasu-ma ɔnini, “Bɛdi bekyuli bani atu mbo ɔkplu geen, na ɔƒɛni kalɛ si ami ku-mii bɔsiaku lɛlɔ uwi klukwii ɔdi muedi ni, ndubɔyila-mii udu kede kede. Ɔƒɛni ɔdi biala ɔda nwuna sika ugyiedi ala udie, na ndubɔnu kalɛ maabla-mii.”

Yesaia 18:3

Amii bayawine ƒui, ku amii bani na bilie kalɔ lɛlɔ mɛni, bɛdubo bɔnu aƒlaga ɔdi si bákɔliku-nwu katɔ na abi lɛlɔ, na binu kakpɛɛ kadi kɔku si bávwi-ka.

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Esekiel 33:3

Na ute-ma bɔti si uwi ɔni na ɔ́nu ka ɔgbankpi ɔdi ɔdubo na bana bekisine ɔsu na ɔlɛ-ma lɛƒiɔ.

Esekiel 33:6

Nsu si ukyuli ɔni mɔɔnu ala taasu-ma mmɔ lɛnɔ néni na útete-ma bɔti ni, bekisine badubo bebekpo na badu alaekpidi bablane badi na kalɔ kammɔ kemmo, na ami Unwoti ndubuti bekyuli bammɔ kukpi etila lɛsia ukyuli ɔmmɔ lɛlɔ.’

Sakaria 9:14

Unwoti Katɔti ɔdubɔda ɔlɛ kayaa na bana eli, na nwuna atula adubo butaatu taavi kayaa aani kalɛ na kayaa kaabwɛ ogya. Katɔti ɔdubɔya na bavwi nwuna kɔkpɛɛ, na ɔdubukpoku nwuna bekisine na ɔƒɛƒɛɛ kpakplaa ɔni mɔɔkya ligede kemmo ɔsi kada kakɛ.

Bumomo Bɔka 10:4

Nsu si bávwi kakpɛɛ kenwi ni, na ɔɔtina ka benengu bammɔ ku baduɔti bammɔ ƒui ɔlɛka babasa-a kudɔ na Unwoti Adi Kevo kammɔ anumi.

Bumomo Bɔka 16:21

“Bɛmami lɛlɔ bɛsiku bekyuli bammɔ ƒui kudɔ na ɔdia-mi na lɛyila-ma udu ƒui kɔnakunwi.”

Bumomo Bɔka 16:45

“Bɛkpɛ bɛlɛ Israelƒuɔ bammɔ kudɔ kalɛ na ɔdia-mi na lɛyila-ma udu kɔnakunwi.” Nsu Mose ku Aaron báyu bébi kalɔ.

Mateo 24:31

Badubɔvwi kakpɛɛ. Na Ukyuli Ɔyawine Ubi ɔdubɔtala nwuna batu na basi katɔ betédie bekyuli baƒunadi ƒui basiku kayawi kesii biala.

Yohane 5:25

Na mɔɔsu-mii geen ka uwi ɔdubo na úudu lɛnɔ ɔni na bekyuli bani nékpi ni, badubunu Katɔti Ubi lɛdi. Na bekyuli bani ndubunu-ni na baƒɔ litemi lɛmmɔ ni, badubulie ngba geen.

Yohane 5:28

“Ɔmɛni utabla-mii kalɛ kadi. Ɔsika uwi ɔdubo ɔni na bekyuli bani nékpi ƒui badubunu-mi lɛdi.

Korintoƒuɔ 1 15:23

Nsu Katɔti ɔdubɔgyila ɔdi biala na ulu ɔni na Katɔti ɔlati úse úse lɛlɔ. Na Kristo ndi udeedi. Na uwi ɔni lɛlɔ na wasɔ webo ni, bani na béti lɛlɔ béte Kristo ɔmmɔ na ɔdubɔsɔ ɔgyila.

Korintoƒuɔ 1 15:42

Lɛni kani na ɔdubo buse uwi ɔni na Katɔti ɔdubɔgyila bekpine na basɔ bebelie ngba. Si báva ukyuli ɔlɔna ni, ɔdi lɛla lɛni muubie taayii udu. Na si bágyila-nwu ni, ɔsɔ ulekpi.

Korintoƒuɔ 1 15:50

Banwa, lɛla lɛni kalɔ na muudie ndi ɔmɛni. Lɛla lɛni ndi ɔlɔna ku ubugya ni, lilakana Katɔti lɛga kadikɔ ala bɔdi. Na lɛla lɛni muubie taayii udu ni, lilakana na lɛkya kesii kani na lɛla lɛni neeebie taayii udu lɛkya.

Tesalonikaƒuɔ 1 4:15

Lɛla lɛni na Blɔti ɔɔtina ni, nina lɛlɔ na bunye bɔɔsu-mii ka ni, abu bani nli ngba na Blɔti bɔsɔ bubo kemmo ni, bulaka bani néekpi katɔ busie.

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.

Budie Taatina 8:13

Amu ka nnye mɔɔnu budie bɔtina bɔmɛni ni, lɛ́nu kɔdigbo aasɛ ɔdi ɔni néveyi ɔkɛ kayaa kakaaka, na ɔ́su ku lɛdi momoomo ɔnini, “Si uwi ɔni na Katɔti batu ɛtɛ bani nébu mɛni bávwi bana kɔkpɛɛ ni, muute bekyuli bani ƒui nli kalɔ lɛlɔ bɔbuɛ, bɔbuɛ, bɔbuɛ kɔtɛ!”

Budie Taatina 8:2

Amu na lɛ́nu Katɔti batu maatɛ bani muunye Katɔti anumi, na úte-ma kɔkpɛɛ maatɛ.