Korintoƒuɔ 1 15:51 - Katɔti Ɔku Kedee

⁵¹ Binu lɛbɛla lɛmɛni. Ɔɔɔdi bula ƒui ndubukpi. Nsu si kakpɛɛ kekplodi káku ni, Katɔti ɔdubo bula ƒui udu bɔvumana kɔnakunwi.

Korintoƒuɔ 1 15:51 ပူးပေါင်းရင်းမြစ်များ

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Korintoƒuɔ 1 15:18

Na nwuna kalɔ ndi ka Kristo baƒɔtaadine bani nékpi lɛnɔ báyii.

Korintoƒuɔ 1 15:20

Nsu litemi geen lɛmmɔ ndi ka Katɔti ɔ́gyila Kristo ɔ́lɛku bekpine akɔ. Na ɔmɛni ndi bula kama kekpokɔ ka bani ƒui ntɛ kekpine badubɔsɔ bɔta.

Korintoƒuɔ 1 15:6

Ɔmmɔ kama ni, údie lɛlɔ ɔ́tina nwuna basiakune bani ntulo nkyuli eti leevu na mmɔ. Na bana akɔ badi bamu belie ngba ɔmwi, ina ka badi béekpi.

Korintoƒuɔ 1 2:7

Lɛnunda lɛni kenye na muudie mɛni ni, lɛdi Katɔti lɛnunda lɛni nábɛ bekyuli. Nsu Katɔti ɔ́ƒuna-ni úse kukuuku ka lɛƒɔ-bu asa na údie kayawi.

Korintoƒuɔ 1 4:1

Bitaanu-bu aani Kristo kabla bablane bani mɔɔnu Katɔti etemila geen ani na útedie keyi dii lɛlɔ.

Korintoƒuɔ 2 5:2

Na uwi ɔni kemmo na bɔmu bɔkya kayawi kamɛni ɔlɔna kemmo ni, buuubo bɔnwuna bɔdi. Na bɔɔnu ulu kpakplaa ka bɔkɛ Katɔ Ɔga Ɔma ɔlɔna.

Korintoƒuɔ 2 5:4

Na uwi ɔni bɔmu bulie kayawi kamɛni ɔlɔna kemmo ni, bɔɔnu taati ka búmii na buuubo bɔnwuna. Na ɔɔɔdi ka bɔɔwia bɔnii bɔɔnyonu kayawi ɔlɔna ɔmɛni. Mmomu bɔɔwia ka bɔkya Katɔ Ɔga Ɔma ɔlɔna kemmo kalɛ na ɔlɔna ɔni nsɔ naaadubo bukpi ɔƒɔ ɔni muukpi mmɔ ƒui.

Eƒesoƒuɔ 1:9

kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Eƒesoƒuɔ 3:3

Línweni ɔku klukui ɔdi límene-mii ɔ́siku kalɛ na Katɔti údie nwuna ala ani nábɛ ukyuli ɔ́tina-mi.

Eƒesoƒuɔ 5:32

Litemi lɛmɛni lɛdi abɛla ebendi. Na mɔɔsu-mii nnii etemila ammɔ ese ete Kristo ku baƒɔtaadine lɛkpa lɛmmɔ.

Ƒilipiƒuɔ 3:21

Na ɔdubɔvumana bula kayawi ɔlɔna kpɛtɛ kpɛtɛ ɔmɛni na ɔbla-nwu aani nwuna ɔlɔna ɔni muukeye mmɔ kalɛ ɔkɛnku ɔyikun ɔni na ubo na ɔɔyá na lɛla biala liiboku lɛlɔ kalɔ teete-nwu kenye.