Korintoƒuɔ 1 15:23 - Katɔti Ɔku Kedee

²³ Nsu Katɔti ɔdubɔgyila ɔdi biala na ulu ɔni na Katɔti ɔlati úse úse lɛlɔ. Na Kristo ndi udeedi. Na uwi ɔni lɛlɔ na wasɔ webo ni, bani na béti lɛlɔ béte Kristo ɔmmɔ na ɔdubɔsɔ ɔgyila.

Korintoƒuɔ 1 15:23 ပူးပေါင်းရင်းမြစ်များ

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Batalane Kabla 26:23

Na ani ndi ka Mesia ɔni ndi Ukyuli Ɔƒunadi ɔdubo ubebo abi. Na anwu ndubɔbla ukyuli udeedi ɔni maka bɔta bɔlɛ bekpine akɔ, na ɔdubuti bukeye uboku Yudaƒuɔ ku bani naaadi Yudaƒuɔ ƒui.”

Korintoƒuɔ 1 15:20

Nsu litemi geen lɛmmɔ ndi ka Katɔti ɔ́gyila Kristo ɔ́lɛku bekpine akɔ. Na ɔmɛni ndi bula kama kekpokɔ ka bani ƒui ntɛ kekpine badubɔsɔ bɔta.

Korintoƒuɔ 1 15:52

Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Korintoƒuɔ 1 3:23

Na Kristo ɔdi na bɛdi. Na Kristo lɛnɔ ɔdi Katɔti ɔdi.

Korintoƒuɔ 1 6:14

Katɔti ɔ́gyila Blɔti ɔ́lɛku bekpine akɔ, na ɔdubɔgyila abu lɛnɔ ku nwuna ɔyikun.

Korintoƒuɔ 2 10:7

Ɔlɔna lɛlɔ kasusu kani na biiti. Si ukyuli ɔdi ɔ́ƒɔ lɛlɔ ɔ́di ka ɔdi Kristo ɔdi ni, ɔlɛka ɔnu-bu ɔti aani nwuna lɛlɔ kalɛ ka abu lɛnɔ bɔdi Katɔti ɔdi.

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Ƒilipiƒuɔ 3:11

Na ntaasia anu ka ami lɛnɔ mata malɛ kekpine na ulu ɔmmɔ kani lɛlɔ.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.