Korintoƒuɔ 1 15:17 - Katɔti Ɔku Kedee

¹⁷ Na si Katɔti útagyila Yesu útalɛku bekpine akɔ bɔdi ni, na bina bɔƒɔtaadi buuubo kɔsia kɔdi, na bɛmu bɛkya bina ekpidi kemmo.

Korintoƒuɔ 1 15:17 ပူးပေါင်းရင်းမြစ်များ

Romaƒuɔ 4:25

Katɔti úte kuƒi na bekyuli bádu Kristo ɔ́si bula ekpidi ani bɔ́bla ɔsu. Na Katɔti ɔ́gyila-nwu ɔ́lɛku bekpine akɔ kalɛ na Katɔti ɔnu ka buse siin.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Korintoƒuɔ 1 15:14

Na si Katɔti útagyila Kristo útalɛku bekpine akɔ bɔdi ni, na lɛsa lɛdi liiibo na bɔɔkɔ́ bute-mii. Na lɛla lɛdi lɛnɔ liiibo na bɛƒɔ bɛdi.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Korintoƒuɔ 1 15:2

Na ani ndi litemi buni lɛmmɔ na nina lɛsa na lɛ́kɔ líte-mii. Litemi lɛmmɔ ndubɔƒɔ-mii ngba si bɛ́da-ni kpakplaa amu ntu ukpludi na bɛnii bɛ́ƒɔ-ni bɛ́di.

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Esekiel 33:10

Unwoti ɔnini, “Esekiel, ɔyawine ubi, Israelƒuɔ bakya baakya unyeƒi banii bana ekpidi ani na bábla kɔtu kɔni na ɔlɛka lɛni-ma ni, kútulo-ma buti. Na basɔ beeebo lɛnunsia lɛdi ka badubɔsɔ bakana ngba bulie lɛnɔ. Na ami mmomu na baadú kɔtɔ.

Korintoƒuɔ 1 15:16

Anwuɔsu si sɔsɔ na ɔdi ka ulágyila bekpine taasiku kekpine ni, na bɛgyi bɛnii útagyila Yesu útalɛku bekpine akɔ.