Korintoƒuɔ 1 15:10 - Katɔti Ɔku Kedee

¹⁰ Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Korintoƒuɔ 1 15:10 ပူးပေါင်းရင်းမြစ်များ

Mateo 10:20

Ɔsika Katɔti ndubute-mii etemila ani na bɛdubɔsu. Katɔti Kɔyu kɔdubɔtɛmi kɔsiaku-mii lɛlɔ.

Mateo 25:16

Kabla ɔblane ɔni náƒɔ aƒo alɔ amɛni úsie kalɔ kɔnakunwi na útébo egulabi ammɔ únwini na ɔ́sɔ ɔ́kɛ aƒo alɔ ɔ́sia.

Romaƒuɔ 11:1

Anwuɔsu muuye ɔƒɛni nnii Katɔti úni nwuna bekyuli? Oowo. Kudi kudii! Ami ɔlati Yudani na ndi na Abraham kaba kemmo, na lɛ́si Benyamin ɔtɔ kemmo.

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Korintoƒuɔ 1 15:11

Anwuɔsu si ami násu-mii lɛla lɛdi o-o, iye ama násu-mii o-o ni, lɛlakpa linwi lɛmɛni kani na bɔɔsu. Na ani na bɛ́ƒɔ bɛ́di.

Korintoƒuɔ 1 15:2

Na ani ndi litemi buni lɛmmɔ na nina lɛsa na lɛ́kɔ líte-mii. Litemi lɛmmɔ ndubɔƒɔ-mii ngba si bɛ́da-ni kpakplaa amu ntu ukpludi na bɛnii bɛ́ƒɔ-ni bɛ́di.

Korintoƒuɔ 1 3:10

Na Katɔti lɛla lɛni na úte-mi kenye ni, lɛ́bla kabla aani ɔtɔ ɔtune ɔbuni kalɛ. Na lɛ́kya ɔtɔ kalɔ lɛtabi. Na ukyuli bamba úbo ɔɔtú taasia. Nsu ɔdi ka ɔdi biala ɔnu kaduɛ kalɛ na ɔɔtú taasia ɔtɔ ɔmmɔ lɛlɔ.

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Korintoƒuɔ 1 4:7

Ɔma nédie-ɔ na áƒɔ kuye étulo ƒula ɔkpana? Ala ani na ebo ƒui ni, Katɔti néti-nya úte-ɔ. Na si lɛni na ɔdi ni, bi ɔsu na aakun lɛmɛnɛ aani si ɔɔɔdi Katɔti néte-ɔ ala ani na ébo?

Korintoƒuɔ 2 12:11

Mɔɔsu ala aani ɔdɔlɔdi kalɛ, nsu amii náya na úbo úte lɛni. Ɔsika amii na ɔlɛka nka bimwi-mi. Ina lɛɛɛdi lɛla lɛdi muedi ni, ńtasɔ na ulu biala lɛlɔ ku bekyuli bani mɔɔnu lɛlɔ aani batalane babuni.

Korintoƒuɔ 2 3:5

Buuubo kenyekɔ kadi na abu alati lɛlɔ ka bɔbla kabla kamɛni. Mmomu Katɔti kudɔ na kási.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Galatiƒuɔ 2:8

Na ɔkɛnku Katɔti ɔyikun lɛlɔ na ndi ɔtalane nte bani naaadi Yudaƒuɔ, aani kalɛ Petro lɛnɔ ɔdi ɔtalane ute Yudaƒuɔ.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Tesalonikaƒuɔ 1 5:12

Banwa, buuvele-mii bɔnii biti ɔbu geen bite bina batɔnkune bani mɔɔtina-mii Kristo ngba bulie ala lɛlɔ.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.