Korintoƒuɔ 1 15:1 - Katɔti Ɔku Kedee

¹ Banwa, ɔƒɛni ni, mɔɔyɔ́ ka binyimo litemi buni lɛni lɛsa na lɛ́kɔ líte-mii. Litemi lɛmɛni na bɛ́ƒɔ bɛ́di na binye bɔƒɔtaadi bɔmmɔ lɛlɔ kpakplaa.

Korintoƒuɔ 1 15:1 ပူးပေါင်းရင်းမြစ်များ

Yohane 12:48

Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Batalane Kabla 11:1

Uwi útetu asa na batalane ku baƒɔtaadine bakladi na Yudea bénu ka kadi bamba bani naaadi Yudaƒuɔ lɛnɔ báƒɔ Blɔti litemi lɛmmɔ.

Batalane Kabla 2:41

Ɔmɛni ɔsu ni, bana akɔ pii báƒɔ Petro litemi bádi, na bákpila-ma ntu na Yesu lɛnyi kemmo, na bana bumomo bɔbla aani nkyuli mpim ɛtɛ. Na ama lɛnɔ béti lɛlɔ bebunku baƒɔtaadine bammɔ limeyi lɛmmɔ.

Romaƒuɔ 11:20

Na use lɛni. Nsu bɛti ka bana taƒɔ tadi ɔsu na bámami. Na amii bɛ́kɛ kamakɔ ka bɛ́ƒɔ bɛ́di ɔsu. Nsu ɔmmɔ ulátina ka ɔlɛka biteeƒu, mmomu bitaayia.

Romaƒuɔ 2:16

Na litemi buni lɛni lɛsa na mɔɔkɔ́ ni, lɛɛtina ka Katɔti ɔdubɔya na Yesu Kristo ɔtɛku bekyuli litemi ɔ́siku ala ani nábɛ akya-ma kasusu kemmo ƒui lɛlɔ.

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Korintoƒuɔ 1 4:15

Ɔsika si ina bibo bekyuli mpim leevu muedi bani mɔɔnu-mii lɛlɔ na bina bɔƒɔtaadi ngba bɔni na bilie kemmo ni, ɔɔɔdi bati pii náwɔ-mii. Ɔsika kalɛ na bilie ngba na bɛ́bla unwi ku Kristo ɔsu ni, ami nénwini bina ɔti na ɔni na lɛ́ka litemi buni lɛmmɔ buti buboku-mii ɔsu.

Korintoƒuɔ 2 1:24

Ɔɔɔdi banii bɔɔdi-mii lɛlɔ na ala amɛni kemmo. Bɔgyi geen kalɛ na bɛda bina bɔƒɔtaadi kpakplaa. Anwuɔsu abu ku-mii bɔɔsála taabla kabla na bɛkɛ ebiti.

Tesalonikaƒuɔ 1 1:6

Na sɔsɔ ni, amii lɛnɔ bɛ́tɛya-bu na bɛsiaku Blɔti udu kama. Na ina ka biibó abi muedi ni, bɛ́ƒɔ litemi lɛmɛni ku ebiti ani na Katɔti Kɔyu kúte-mii.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Tesalonikaƒuɔ 2 3:6

Banwa, bɔɔlɛ-mii geen na Blɔti Yesu Kristo lɛnyi kemmo bɔnii bɛda lɛlɔ bɛmami baƒɔtaadine bakɔsɔne bani neeeti bula ala bɔtina lɛlɔ.

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.