Korintoƒuɔ 1 14:6 - Katɔti Ɔku Kedee

⁶ Ɔmɛni ɔsu, banwa, si líbo-mii kudɔ na mɔɔtɛmi adi lidu lɛni na ɔdi ulenu kalɔ ni, bi kɔsia na bɛdubɔkɛ na ɔmmɔ kemmo? Bilákɛ kɔsia kɔdi munu munu, amu ntu lídie lɛla lɛdi kalɔ líte-mii ɔ́si Katɔti kudɔ, iye lɛ́ya na bɛ́ti lɛla lɛdi, iye lídie Katɔti litemi lɛdi kenye, iye lɛ́tina-mii ala adi.

Korintoƒuɔ 1 14:6 ပူးပေါင်းရင်းမြစ်များ

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Mateo 16:26

Bi kɔsia na ukyuli ɔdubɔkɛ si ɔ́kɛ kayawi ala ƒui na ɔ́yila ngba geen bɔmmɔ. Munuu bi na ukyuli ubo na uti ɔvumana na ɔkɛ ngba geen bɔmmɔ?

Batalane Kabla 2:42

Amu na béti bana uwi ƒui béte batalane bammɔ, na baatina-ma ala, na baakpali katɔ, na baadi taasala lɛnɔ.

Romaƒuɔ 15:14

Banwa, ami ɔlati lɛ́ƒɔ lɛ́di geen ka ala abuni bɔbla bɔ́ƒɔ-mii lɛlɔ kemmo ƒui. Na bɛgyi ala ƒui kalɛ na biti ala ammɔ bɛtina lɛlɔ.

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Korintoƒuɔ 1 10:33

Bɛbla kalɛ kani na mɔɔbla lɛla biala. Mɔɔsia anu kalɛ na naaata neeenye ɔdi lɛlɔ. Naaakali taanu mina lɛkɛ, mmomu lɛla lɛni madia mete ɔdi biala kalɛ na bakɛ bɔƒɔ.

Korintoƒuɔ 1 14:1

Anwuɔsu ni, bɔyɔ na ɔdi ka bina ƒui bɛwia kpakplaa na bɛkɛ. Na biti bina anu ƒui bɛsia Kɔyu kemmo etela lɛlɔ. Na litela lɛni ntulo ƒui ndi ka bidie Katɔti litemi kenye.

Korintoƒuɔ 1 14:7

Bɛkali bɛnu ala ani na bɔɔgyá ani na ngba bɔdi buuubo-nya kemmo aani kakpɛɛ iye ɔsankuo ani na anya alati alakana lɛnu budie. Dɛ na ukyuli ɔdi ɔdubunu na ɔti ɔnu ɔni na beedie si ukyuli ɔni mɔɔvwi kakpɛɛ iye ɔɔgyá ɔsankuo ɔmmɔ ulagya-nwu kaduɛ kalɛ na akana na enu ɔnu ɔmmɔ lɛdi ati nwaa?

Korintoƒuɔ 2 11:6

Ina kenye kátada-mi muedi ni, ɔɔɔdi Katɔti litemi na lɛɛɛgyi. Bɔ́ya na ɔmɛni ɔ́bla-mii nwaa na ulu biala lɛlɔ.

Korintoƒuɔ 2 12:1

Ɔdi ka lɛkun lɛmɛnɛ ina ka kɔsia kɔdi kuuubo-nwu kemmo. Na amii ɔsu na ndubusie anumi ntaasu ala ani na Blɔti údie ɔ́tina-mi.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Eƒesoƒuɔ 3:4

Na si bɛ́ka-nwu ni, bɛdubɔnu kalɛ na muunú Kristo abɛla amɛni kalɔ.

Ƒilipiƒuɔ 3:15

Na abu bani ƒui nésie anumi na bɔƒɔtaadi kemmo ni, ɔlɛka bɔkɛ kasusu kamɛni. Nsu si badi bebo kasusu kabambadi ni, Katɔti ɔdubɔya na ɔmɛni ɔbla-mii nwaa.

Timoteo 2 2:14

Ya na beteenyimo ala amɛni na alɛ-ma kpakplaa na Katɔti anumi anii batataakya unyeƒi. Ɔsika kɔsia kɔdi kulálɛ ɔmmɔ kemmo. Mmomu ɔdubɔya na bekyuli bani muunú ala ammɔ bɔƒɔtaadi bɔyuɛ.

Timoteo 2 3:10

Nsu awɔ ni, áanu mina ala bɔtina áti ku mina ngba keliela ku mina kasusu ku mina bɔƒɔtaadi ku kalɛ na muuwi lɛlɔ ku kalɛ mɔɔyɔ́ bekyuli ku kalɛ na mɔɔkya ɔkplu na lɛbibo kemmo.

Timoteo 2 3:16

Katɔti ɔyikun lɛlɔ na bɔ́sia bɔ́kɛ ala ani ƒui bénweni na Bunweni Kedee Ɔku kemmo. Na ɔdia ute ala bɔtina ku ukyuli bɔdɔnku ku bɔklibi ku bɔnyuɛ na ngba buni bulie kemmo.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Petro 2 1:5

Kasusu kamɛni geen lɛlɔ ɔsu ni, bɛkya ɔkplu biala na bɛbla lɛbuni lɛni ndanku kalɛ na bɛ́ƒɔ Kristo bɛ́di. Na lɛbuni lɛmmɔ lɛya na bɛti lɛla lɛni na Katɔti ɔɔyɔ́.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.

Samuel 1 12:21

Biteni Unwoti na bitaakpa baƒiɔ. Ala ammɔ kama bɔsiaku buuubo kɔsia kɔdi. Na alakana-mii bubunku lɛnɔ, iye aƒɔ-mii na bina bekisine enu kemmo.