Korintoƒuɔ 1 14:3 - Katɔti Ɔku Kedee

³ Nsu ukyuli ɔni muudie Katɔti litemi kenye teete bekyuli ni, uubunku-ma na ɔɔkya-ma ogya na ɔɔsia-ma kɔnu.

Korintoƒuɔ 1 14:3 ပူးပေါင်းရင်းမြစ်များ

Luka 3:18

Na Yohane ɔ́su Katɔti litemi na lilu pii lɛlɔ úte bekyuli, na ɔ́su-ma geen ka bavumana udu ku bana ngba bulie.

Batalane Kabla 13:15

Na uwi ɔni na báka ala básiku Mose ɔda bubo ɔku ku Katɔti Kenye bediene bunweni kemmo bawɔlɔ ni, kasalakɔ batɔnkune bammɔ básu banini, “Banwa, si bina akɔ ɔdi ubo litemi lɛni mɔɔkya ɔkplu na wasu ni, na ubo ubasu.”

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Batalane Kabla 15:32

Amu ka Yuda ku Silas ƒui badi Katɔti kenye bediene ɔsu ni, bédie ala kalɔ béte-ma bébu uwi gyɔlɔɔ, na bákya-ma ogya ku ɔyikun.

Batalane Kabla 4:36

Amu na ɔnana ɔdi ɔ́kya ɔni baalɔ Yoseƒ na ɔ́si Lewi kaba kemmo na Kipro kalɔ lɛlɔ. Na batalane bamɛni básia-nwu lɛnyi banii Barnaba ɔni kalɔ ndi Ogya Ɔkyane.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Romaƒuɔ 12:8

Si ɔdi bekyuli ɔkplu bɔkya ni, ɔdi ka ɔkya bekyuli ɔkplu. Si bekyuli na ɔdi ka ute ala ni, na ute ku kaƒɔ ƒaa. Na si bekyuli bɔtɔnku lɛnɔ na ɔdi ni, ɔdi ka uti nwuna anu ƒui ɔsia kabla kammɔ lɛlɔ na ɔtɔnku-ma. Si kɔnyana bɔnu na ɔdi ni, na ɔnu kɔnyana ku kayi ƒui.

Romaƒuɔ 14:19

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Romaƒuɔ 15:2

Ɔdi ka bula akɔ ɔdi biala ɔbla lɛla lɛni mayɔ nwuna ukyulikpana kaƒɔ kalɛ na ɔdia ute-nwu na ɔya na ɔlɛ lili na kɔyu kemmo.

Korintoƒuɔ 1 10:23

Bubo lɛsugba banii, “Kuƒi kɔtɛ na bɔbla lɛla biala.” Sɔsɔ na ɔdi. Nsu ɔɔɔdi lɛla biala ndia. Kuƒi kɔtɛ na bɔbla lɛla biala, nsu ɔɔɔdi lɛla biala mbo kɔsia lite-bu.

Korintoƒuɔ 1 14:12

Ka bina ƒui anumi égyie ka bɛkɛ Kɔyu kemmo etela ni, bɛya na anumi egyie-mii na bɛkɛ etela ani mebunku baƒɔtaadine lɛkpa lɛmmɔ lɛtɔtɔ busie mmomu utulo.

Korintoƒuɔ 1 14:17

Na si ina ƒula enu ani na aagyá Katɔti adia muedi ni, bekyuli bamba balákɛ kɔsia kɔdi munu munu.

Korintoƒuɔ 1 14:26

Banwa, mɔɔwia ka liti lɛla lɛdi libunku ɔmɛni na bina bɔsa kemmo. Si uwi ɔni na bɛ́sa bɛnii bɛɛkpali katɔ ni, ɔdi ubo ɔnu ɔni na ɔɔyɔ́ ka udie, na ɔdi lɛnɔ ubo lɛla lɛdi na ɔɔyɔ́-ka ɔtina. Na ɔdi lɛnɔ ɔɔyɔ́ ka udie Katɔti lɛla lɛdi ɔtina. Na ɔdi lɛnɔ ɔdanku kenye kadi na adi lidu lidu kemmo, na ɔdi lɛnɔ kalɛ na udie ala ammɔ kalɔ. Nsu ɔlɛka bɛbla ala amɛni ƒui kalɛ na ute baƒɔtaadine lɛkpa lɛmmɔ kebunku.

Korintoƒuɔ 1 14:31

Bina ƒui bɛkana na bɛsu bina kenye kani bɛda unwi unwi kalɛ na ɔdi biala ɔtɛya lɛla lɛdi na ɔkɛ ɔyikun bɔkya.

Korintoƒuɔ 1 8:1

Na ɔƒɛni ni, mɔɔyɔ́ ka lɛsu-mii lɛla lɛdi na adila ani na béti bákpa na baƒiɔ abi lɛlɔ. Bɔɔsu bɔnii bula ƒui bubo lɛlati. Nsu bɔgyi lɛnɔ ka lɛlati lɛmɛni lɛɛyá na ukyuli uuƒu na ɔɔtina lɛlɔ. Nsu lɛla lɛni mɔɔkya-bu ogya ni, ani ndi si aayɔ́ bekyuli.

Korintoƒuɔ 2 1:4

Anwu mɔɔsia-bu kɔnu na bula lɛbibo biala kemmo, kalɛ na abu lɛnɔ bɔkana na bubunku bula bekyulikpana na bana lɛbibo biala kemmo. Na kalɛ na Katɔti uubunku-bu ni, lɛni na abu lɛnɔ buubunku bekyuli.

Korintoƒuɔ 2 2:7

Na ɔƒɛni ni, biti bɛkyiɛ-nwu na bɛkya-nwu ɔkplu kalɛ na lɛlɔ lilayuɛ-nwu na enu aƒɛ-nwu ƒui.

Eƒesoƒuɔ 4:29

Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Eƒesoƒuɔ 6:22

Ɔmɛni ɔsu na mɔɔtala-nwu na bina kudɔ na ubasu-mii kalɛ na bɔkya, na ɔkya-mii ɔkplu.

Koloseƒuɔ 4:8

Ɔmɛni ɔsu na mɔɔtala-nwu lɛkya-mii na ubakya-mii ogya na ɔsu-mii kalɛ na abu lɛnɔ buwi kabla kammɔ lɛlɔ.

Tesalonikaƒuɔ 1 2:11

Bɛgyi lɛnɔ ka bɔ́da bina ɔdi biala aani kalɛ na ubi ɔti ɔɔda nwuna bebi.

Tesalonikaƒuɔ 1 2:3

Na bula bɔlɛ bɔni na bɔɔlɛ-mii ni, bútasi katɔlɔ iye kasusu kekpidi kemmo.

Tesalonikaƒuɔ 1 3:2

Na bɔtala Timoteo na ubo ubakya-mii ɔkplu, na ubunku-mii na bina bɔƒɔtaadi kemmo. Anwu ndi bula ɔnwa ɔni muubunku-bu na Katɔti kabla ku Kristo litemi buni lɛmɛni bɔsu kemmo.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Tesalonikaƒuɔ 1 4:18

Anwuɔsu biti etemila amɛni bitaasia lɛlɔ kɔnu.

Tesalonikaƒuɔ 2 3:12

Buubó bekyuli bamɛni ɔda kpakplaa na Blɔti Yesu Kristo lɛnyi kemmo bɔnii bada ngba kaduɛ na beti bana enu bawia bana lɛdila.

Timoteo 1 1:4

Su-ma na bada kuuku atɛ bɔnwi ku kaba kasikɔ lɛmɛnɛ bɔkun baya. Ala amɛni udu muuti unyeƒi taakya bekyuli akɔ. Na aaakɛnku Katɔti kasusu lɛlɔ. Kasusu kani na ɔkɛnku bɔƒɔtaadi lɛlɔ kani na bɔdubɔnu bɔti.

Timoteo 1 4:13

Nye kpakplaa na ataaka Katɔti litemi lɛmmɔ na ataakɔ-ni lɛsa teete baƒɔtaadine ƒui. Na eteedie-ni kalɔ na ataatina-ma ala ammɔ wetédu uwi ɔni na mebo.

Timoteo 1 6:2

Na bekyuli bani mɔɔbla kabla teete benwoti bani ndi baƒɔtaadine ni, beteti bana bɔƒɔtaadi kɔnwa bɔdi batata betenye bana benwoti lɛlɔ. Mmomu ɔlɛka beboku lɛlɔ kalɔ na bete-ma kebunku bebu. Ɔsika bekyuli bani na beete kebunku mɛni ni, basiaku Yesu kama. Na ama ku-ma ƒui badi nwuna ala badine bani na ɔɔyɔ́ geen. Ɔmɛni na ɔlɛka atina-ma anii babla na akya-ma ogya.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Tito 1:9

Ɔdi ka uƒie litemi geen lɛmmɔ ɔda kpakplaa aani kalɛ na bɔƒɔtaadi ulu ɔmmɔ ɔɔtina. Na ulu ɔmɛni lɛlɔ kani na ɔdubɔkana bɔsia na ɔkya bekyuli bamba lɛnɔ ogya na udie bani mɔɔta teenye litemi lɛmɛni lɛlɔ bɔƒiɔ ɔtina-ma.

Tito 2:15

Tina ala amɛni ku kenyekɔ kani na Katɔti úte-ɔ, na akya bekyuli bani ƒui muunú-ɔ litemi ɔkplu, na abɔku bani naaabla taasiaku ulu lɛlɔ lɛnɔ. Na taya na ɔdi ɔnu-ɔ ɔnii ásɔ.

Tito 2:6

Ulu ɔmɛni kani lɛlɔ na ɔlɛka eti akya bakloƒu lɛnɔ ɔkplu kalɛ na bada lɛlɔ kaduɛ.

Tito 2:9

Bekyuli bani mɔɔbla bekyuli bamba kabla beboku lɛlɔ kalɔ bete bana batɔlati. Na bana ablala ataada bana batɔlati ebiti na lɛla biala kemmo. Na batakyaku-ma unyeƒi.

Hebriƒuɔ 10:25

Bitaya na bɔda bɔsa bɔya aani kalɛ na badi badaku lɛlɔ bɔda teedie. Mmomu bɛya na bɔkya lɛlɔ ogya, na bɔbla lɛni butulo na uwi ɔni kemmo na limeyi linengudi lɛmmɔ lɛdaku bɔni teede geen mɛni kemmo.

Hebriƒuɔ 13:22

Banwa, muuvele-mii geen nnii binu-mi ala ani na mɔɔsu-mii ku ogya ɔni mɔɔkya-mii. Ɔsika ɔku klukui ɔdi kani na línweni-mii.

Hebriƒuɔ 3:13

Mmomu bɛkya lɛlɔ ogya limeyi ndi limeyi si kadi biala kégye-mii na baalɔ-ka banii ɔmwi. Ɔmmɔ ndubɔya na likpidi lilátɔlɔ ɔdi na wenwini ukyuli ɔni mɔɔbla atuɔkplu.

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.

Yuda 1:20

Nsu ni, mina banwa, biti lɛlɔ bɛsia Kristo kalɛ na bina bɔƒɔtaadi kedee bɔyu ɔkplu, na bitaakpali katɔ na Kɔyu kemmo na ɔkya-mii ɔyikun.