Korintoƒuɔ 1 14:16 - Katɔti Ɔku Kedee

¹⁶ Na si enye aagyá Katɔti enu na ƒula kɔyu kemmo kani ni, dɛ na wabla asa na ukyuli ɔni nkya-a kudɔ unu lɛla lɛni na aasu asa na wasu ɔnii ƒula katɔ bɔkpali bɔsia lɛni aani kalɛ na aagyá Katɔti enu ka ulenu lɛla lɛni geen na aasu mmɔ kalɔ?

Korintoƒuɔ 1 14:16 ပူးပေါင်းရင်းမြစ်များ

Baga 1 1:36

Amu na Yoiada ubidi Benaia údie kenye ɔnini, “Muuvele nnii Unwoti Katɔti ɔya na lɛla lɛni na mina ati ku Ɔga ɔ́su mɛni libo-nwu kemmo lɛni!

Ala Alɛdi 1 16:36

Bimwi Unwoti ɔni ndi Israelƒuɔ Katɔti lɛnyi ɔsi ɔƒɛni úsela uwi ƒui. Mmɔ na ukyuli biala ɔ́su ɔnini, “Ɔsia lɛni,” ku “Bimwi Unwoti.”

Nehemia 5:13

Amu na lídie kɔdi kɔni nda-mi kavobi na lɛ́kuna-ku na lɛ́su nnini, “Lɛni na Katɔti ɔdubo bɔkuna bina akɔ ɔdi biala ɔni naaadi nwuna linyese lɛlɔ.” Na lɛ́sɔ lɛ́su nnini, “Katɔti ɔdubɔƒɔ bina kɔduli ku bina lɛla biala lise-mii ku lɛla lɛni nébu-mii.” Na ukyuli biala ɔni nése mmɔ ɔ́su ɔnii, “Ɔsia lɛni!” Na bana ƒui bémwi Unwoti. Na bekyuli bammɔ bábla aani kalɛ na básu.

Nehemia 8:6

Amu na Esra ɔ́su ɔnini, “Bɛya na bumwi Unwoti Katɔti ɔni nébomo!” Amu na bekyuli bammɔ ƒui bátalaku bana enu katɔ na básu banini, “Ɔsia lɛni! Ɔsia lɛni!” Na bálɛ akɔnkɔ na béti anumi bébi kalɔ.

Kɔgya 106:48

Bimwi Unwoti ɔni ndi Israelƒuɔ Katɔti lɛnyi. Bimwi-nwu ɔsi ɔƒɛni úsela uwi ƒui. Bɛya na ukyuli biala ɔsu ɔnini, “Ɔsia lɛni!” Bimwi Unwoti.

Kɔgya 41:13

Bɛya na bumwi Unwoti ɔni ndi Israel Katɔti. Bɛya na bumwi-nwu ɔ́si ɔƒɛni úsela ƒui. Ɔsia lɛni na ɔsɔ ɔsia lɛni.

Kɔgya 72:19

Bemwi-nwu lɛnyi lɛni muukeye úsela uwi ƒui. Na nwuna bukeye bɔƒɔ kalɔ lɛlɔ ƒui. Ɔsia lɛni! Na ɔsɔ ɔsia lɛni!

Kɔgya 89:52

Bete Unwoti Katɔti kusɛ kusɛ ubo-nwu kemmo lɛni. Na ɔsia lɛni.

Yeremia 11:5

Ami lɛ́di mina lɛsuse lɛlɔ, anwuɔsu na líti kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na bilie-ka lɛlɔ mɛni líte-ma.” Amu na lídie kenye nnini, “Sɔsɔ na ɔdi Unwoti.”

Yeremia 28:6

“Hanania, nka ɔdi-mi lɛnunsia ka Unwoti ɔbla lɛla lɛni na ásu mɛni lɛni kani. Na ɔya na basɔku lɛla biala na béti kakpakɔ mɛni bátɔlɔku beboku na bekyuli bani na béƒie lɛnɔ benwini bebo ɔma.

Bumomo Bɔka 5:22

Ɔ́ya na ntu bɔmɛni buduo-ɔ kaƒɔ kemmo na ƒula kaƒɔna kaƒɔ ɔlɛ na liƒi lɛsia-a na ukulo-ɔ kɔwɔ.” “ ‘Mmɔ na uleku ɔmmɔ ɔdubɔsu ɔnii, “Ɔsia lɛni.”

Mateo 15:36

Na úti bodobodo maatɛ ku kɔkpaku kɔmmɔ na ɔ́gya Katɔti enu, na ɔ́bwɛ ɔdi biala kɔkɛ kɔkɛ na úti úte nwuna batɛyane. Na ama lɛnɔ béle-nwu béte bekyuli bammɔ.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Yohane 21:25

Na ala pii abambadi akya ani na Yesu ɔ́bla. Na si banii bénweni ala ani ƒui na ɔ́bla bése unwi unwi ni, nka kayawi bekyuli balákɛ lɛku lɛmmɔ kesekɔ.

Yohane 7:15

Ala bɔtina bɔmɛni bɔ́bla Yudaƒuɔ bammɔ dɛye dɛye, na baasu banii, “Wɛ na kebi kamɛni kásiku lɛlati lɛmɛni udu ka útesie ala katɛyakɔ kadi?”

Batalane Kabla 4:13

Ka lɛlɔ badine ku benengu bammɔ bánu kalɛ na Petro ku Yohane bábla kayi ku ɔtɔtɔ ku kalɛ na lɛkpaklɔ bekyuli badi na beeebo kenyekɔ kadi lɛnɔ na kadi akɔ ɔsu ni, ɔ́bla-ma kalɛ kadi. Na bánu báti ka ama ku Yesu ni, bavinkpana na badi.

Korintoƒuɔ 1 11:24

na ka ɔ́gya Katɔti enu ni, ɔ́ƒɛ-nwu kemmo na ɔ́su ɔnini, “Ɔmɛni ndi mina ɔlɔna ɔni na ndubuti lɛkpa lite Katɔti na bina lili. Bɛƒɔ bɛdi na biti biteenyimo-mi.”

Korintoƒuɔ 1 14:14

Ɔsika si lɛ́sia ulu ɔmɛni lɛlɔ lɛ́kpali katɔ ni, mina kɔyu aku kɔɔkpali katɔ bɔdi, nsu ɔɔɔdi ku mina kasusu.

Korintoƒuɔ 1 14:2

Ukyuli ɔni muutemi adi lidu ni, ulátɛmiku bekyuli, mmomu Katɔti na ɔɔtɛmiku. Ɔsika ukyuli ɔdi ulenu-ni kalɔ, na bɔsu na ɔɔsu ala abɛdi ɔkɛnku Katɔti Kɔyu ɔyikun lɛlɔ.

Korintoƒuɔ 1 16:24

Líti bɔyɔ geen muute-mii na Yesu Kristo lɛnyi kemmo. Ɔsia lɛni.

Korintoƒuɔ 2 1:20

Ɔsika Katɔti kenye biala na úse-bu úse ni, kébo kéte lɛni na Yesu Kristo lɛlɔ. Ɔmmɔ ɔsu na bɔɔsu na nwuna lɛnyi kemmo bɔnii, “Ɔsia lɛni.” Na buti bumwi bute Katɔti.

Budie Taatina 22:20

Yesu ɔni muudie ala amɛni kenye ni, ɔ́su ɔnini, “Ɛɛn, ndubo na uwi klukui kemmo!” Amu na ami lɛnɔ lɛ́tuna nnii, “Ɔsia lɛni. O Blɔti Yesu, bo!”

Budie Taatina 5:14

Amu na ngba batu ine bammɔ bédie kenye banini, “Ɔsia lɛni.” Na benengu bammɔ báyu bébi kalɔ na beemwi-nwu.

Budie Taatina 7:12

Na báyu bébi kalɔ na lɛgaboku lɛmmɔ anumi na beemwi Katɔti, na baasu banini, “Ɔsia lɛni! Bula Katɔti uukeye, na ubo lɛnunda ku ɔbu ku kenyekɔ ku ɔyikun, na ɔ́manku bumwi ku linugya ɔ́si ɔƒɛni úsela ƒui! Ɔsia lɛni.”