Korintoƒuɔ 1 14:1 - Katɔti Ɔku Kedee

¹ Anwuɔsu ni, bɔyɔ na ɔdi ka bina ƒui bɛwia kpakplaa na bɛkɛ. Na biti bina anu ƒui bɛsia Kɔyu kemmo etela lɛlɔ. Na litela lɛni ntulo ƒui ndi ka bidie Katɔti litemi kenye.

Korintoƒuɔ 1 14:1 ပူးပေါင်းရင်းမြစ်များ

Agba 15:9

Bekyuli bekpidi kɔsiakɔ ƒui kulayɔ Unwoti kaƒɔ. Nsu bekyuli bani mɔɔwia kpakplaa ka belie ngba bɔbuni ni, Unwoti ɔɔyɔ́-ma.

Agba 21:21

Ukyuli ɔni anumi muugyie na Unwoti lɛƒɔyɔ bɔbla lɛlɔ na Unwoti utaayɔ-nwu ni, ɔdubulie ngba ku udu buni, na bekyuli badubo-nwu butaabu.

Yesaia 51:1

Si bɛɛyɔ́ ka bitaabla ala siin na biteenu Unwoti litemi ni, na bilie ngba na bɛlɛ lɛtakpɛ lɛni lɛlɔ na bámami-mii básiku.

Romaƒuɔ 12:6

Anwuɔsu ni, bɛya na buti kɔyu kemmo etela lidu lidu ani na Katɔti ɔkɛnku nwuna lɛƒɔndia kemmo na úte-bu bɔbla kabla. Si ukyuli ɔdi litela lɛdi Katɔti kenye budie ni, ɔdi ka udie-ni kenye ku bɔƒɔtaadi bɔni na ubo.

Romaƒuɔ 14:19

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Korintoƒuɔ 1 12:1

Na ɔƒɛni ni, na ala ani ndanku Katɔti Kɔyu etela lɛlɔ ni, banwa, mɔɔyɔ́ ka bɛti litemi geen lɛni nkya-nya kemmo.

Korintoƒuɔ 1 12:31

Ɔmɛni ɔsu ni, biti bina kayi bɛsia etela ani náƒɔ kuye etulo lɛlɔ. Ala ani náƒɔ kuye etulo ƒui ndi ani na ndubo-mii bɔtina mɛni.

Korintoƒuɔ 1 13:13

Geen ni, alakpa atɛ amɛni kani ndubɔkya. Na anya ndi bɔƒɔtaadi ku lɛnunsia ku bɔyɔ. Nsu nwuna unengudi ƒui ndi bɔyɔ.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Korintoƒuɔ 1 14:22

Anwuɔsu ni, adi lidu bɔtɛmi ɔdi lɛla lɛni nse nte bani nátaƒɔ bátadi. Nsu Katɔti litemi kenye budie ni, ɔdi lɛla lɛni nse nte baƒɔtaadine na ɔɔɔdi bani nátaƒɔ bátadi.

Korintoƒuɔ 1 14:37

Si bina akɔ ɔdi ɔɔkali ɔnii Katɔti kenye udiene na ɔdi iye ubo Kɔyu kemmo litela lɛdi ni, ɔdi ka ɔnu ɔti ka lɛla lɛni na muunweni-mii lɛdi ɔda ɔni na Katɔti úbo.

Korintoƒuɔ 1 14:39

Anwuɔsu ni, banwa, biti bina anu ƒui bɛsia Katɔti litemi kenye budie lɛlɔ. Nsu bitetile adi lidu bɔtɛmi ulu.

Korintoƒuɔ 1 16:14

Na bɛbla bina kabla ƒui na bɔyɔ kemmo.

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Tesalonikaƒuɔ 1 5:20

Biteni Katɔti kenye bediene ala kalɔ budie aani lɛla keeke.

Timoteo 1 4:14

Na Katɔti Kɔyu kemmo kabla etela ani na úti ɔ́kya-a lɛlɔ kemmo ɔkɛnku nwuna kenye bediene ku baƒɔtaadine benengu bani néti enu básia-a lɛlɔ ni, tada-nya taya.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Timoteo 2 2:22

Da atu die lɛkloƒu bɔdi ala keeke kama bɔsiaku kemmo. Na abla lɛla biala ulu lɛlɔ, na elie ɔƒɔtaadine ngba buni, na ataayɔ bekyuli, na elieku-ma ku keyi buɛɛ. Siaku ala amɛni ku bekyuli bani ƒui mɔɔkpali Blɔti ku kayi sɛɛn kama.

Hebriƒuɔ 12:14

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Petro 2 1:7

Na si bílie ngba bɔbuni bɔmɛni ni, na bɛkana na bɛdi kɔnwa geen. Na si bɛ́di kɔnwa geen kɔmɛni ni, na ɔya na bitaayɔ bekyuli ƒui.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.

Samuel 1 10:5

“Ɔmmɔ kama ni, teesie Katɔti kɔbi lili. Mmɔ ni, Ƒilistiƒuɔ bekpone keliekɔ kede. Na si áni eedé ɔma ɔmmɔ ni, adubɔnu Katɔti kenye bediene kasala kadi. Ka bénwini bási kesii kani na bátábla akpala béte Katɔti mmɔ badubo. Na bana anumi ni, lɛbentaa ku ebi bagyane ku kɔkpɛɛ bavwine badi batɔ. Na badubo Katɔti kudu buteebo ku adi lidu.