Korintoƒuɔ 1 13:9 - Katɔti Ɔku Kedee

⁹ Ɔsika lɛlati ku kenye budie litela lɛni na Katɔti úte-bu ni, útedu útawɔlɔ.

Korintoƒuɔ 1 13:9 ပူးပေါင်းရင်းမြစ်များ

Hiob 26:14

Katɔti ɔyikun ɔni na údie keyi mɛni ƒui ni, buse kani na use aani kalɛ na ɔƒɛƒɛɛ ɔɔnwuna. Na si uwi ɔni na údie nwuna ɔyikun bonwu keyi ku katɔ budu ni, ɔma ndubo-nwu kalɔ bunu?”

Kɔgya 139:6

Kalɛ na éti agyi-mi kemmo kágyu geen ɔni utulo ami ɔlati kalɔ bunu.

Kɔgya 40:5

O Unwoti Katɔti, ábla ala ebendi pii geen. Na ebo kasusu buni geen ete-bu. Ukyuli ɔdi uuubo ƒula kalɛ. Na naaakana ƒula ablala bɔka bɔtina, ɔsika emomo!

Agba 30:4

Ɔma nákɔ úsie katɔ na ɔ́sɔ únwini úbo? Na ɔma násala ɔƒɛƒɛɛ ɔ́kya nwuna lɛkɔkɔ kemmo? Ɔma násala ntu ƒui ɔ́kya nwuna awu bonwu ɔni mbi-nwu lɛlɔ kemmo? Na ɔma nátu kalɔ kammɔ lɛvi ƒui únyene kalɔ útédu kana kawɔlɔkɔ? Dɛ na baalɔ anwu ku ubidi? Su-mi si agyi!

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Romaƒuɔ 11:34

Lɛni na Bunweni Kedee Ɔku ɔɔsu ɔnini, “Ɔma náti Blɔti kasusu dii? Na ɔma mɔɔkya-nwu kasusu?

Korintoƒuɔ 1 13:10

Nsu si lɛla lɛni nédu lɛ́wɔlɔ lɛ́da lɛ́lɛ ni, lɛni nétedu mmɔ lɛyii taakya.

Korintoƒuɔ 1 13:12

Ala ani na bɔɔnu ɔƒɛni ni, ese aani kalɛ na baanu lɛla lɛdi ƒlu ƒlu na asogya kemmo. Na kama asa na bɔdubɔnu-ni nwaa anumi ku anumi. Na lɛla lɛni na ngyi ɔƒɛni ni, lítedu lítawɔlɔ. Nsu kama ni, lɛdubo libedu lɛwɔlɔ na ɔbla nwaa aani kalɛ kani na Katɔti ɔgyi-mi ƒui.

Korintoƒuɔ 1 2:9

Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Korintoƒuɔ 1 8:2

Ukyuli biala ɔni mɔɔkali ɔnii ɔgyi lɛla lɛdi ni, geen geen ni, ɔɔɔgyi-ni kalɛ na ɔlɛka ɔti.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.