Korintoƒuɔ 1 13:7 - Katɔti Ɔku Kedee

⁷ Enu aláƒɛ bɔyɔ, na nwuna bɔƒɔtaadi ku lɛnunsia ku nwuna bunye kpakplaa buláyuɛ.

Korintoƒuɔ 1 13:7 ပူးပေါင်းရင်းမြစ်များ

Ala Kalɔ Buse 29:20

Ɔmmɔ ɔsu ni, Yakob ɔ́bla kabla akwa maatɛ úte Laban kalɛ na ɔkɛ Rahel uti. Nsu ɔmɛni ƒui ɔ́bla Yakob aani emeyi alɛɛ kani na akwa ammɔ adi-nwu na kalɛ na ɔɔyɔ́ Rahel ɔsu.

Hiob 13:15

Ina bɔdu na ɔnii wadu-mi muedi ni, nwuna lɛlɔ kani na mina anu asia. Na anwu na ndubudie ala ani muukpóku-mi lɛsu.

Kɔgya 119:66

Ya-mi na lɛda anu na lɛti lɛla, ɔsika ƒula ɔda bubo lɛlɔ kani na líkpo kama.

Agba 10:12

Ukyuli bukisi bɔɔkya kadɔ ɔgya. Nsu bɔyɔ bɔsɔ bulánu likpidi na ukyuli lɛlɔ.

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Marko 9:23

Yesu ɔ́su-nwu ɔnini, “Bi ɔsu na aasu-mi anii si makana? Lɛla lɛdi liiibo ɔkplu liite ukyuli ɔni náƒɔ-mi ɔ́di.”

Romaƒuɔ 15:1

Abu bani na bula bɔƒɔtaadi bɔ́ɔyu ɔkplu ni, ɔlɛka bɔkɛ kayi bute ala ani na bekyuli bani na bana bɔƒɔtaadi bútayu tɔ ɔkplu baabla na bubunku-ma. Na ɔɔɔdi ka bɔbla lɛla lɛni mayɔ-bu kaƒɔ lɛti.

Romaƒuɔ 8:24

Na ka bubo lɛnunsia lɛmɛni ɔsu ni, bɔ́kɛ bɔƒɔ. Nsu lɛnunsia lɛla lɛni na bɔɔnu ku bula anumi ni, lɛsɔ lɛɛɛdi lɛnunsia. Ɔsika ukyuli ɔdi ɔsɔ ulasia ala ani na ɔɔnu anu.

Korintoƒuɔ 1 13:4

Bɔyɔ bɔɔkɛ́ kayi na bɔɔbla kaƒɔ buni. Buuubo lɛnungyie na bulákun lɛmɛnɛ iye bɔtalaku lɛlɔ katɔ.

Korintoƒuɔ 1 9:12

Si bekyuli bamba bébo kuƒi ka bakɛ kɔsia kɔdi basiku-mii kudɔ ni, na abu bubo kuƒi kɔmmɔ udu butulo-ma muedi. Nsu abu búteti kuƒi kɔmmɔ bútablaku lɛla lɛdi. Mmomu abu búti lɛla biala bɔ́sia lɛlɔ kalɛ na Kristo litemi buni lɛmmɔ lɛkɛ ulu na ligyingya lisie kesii biala.

Galatiƒuɔ 6:2

Bibunku lɛlɔ si ɔdi ɔkya lɛbibo lɛdi kemmo. Na si bɛɛbla ɔmɛni ni, na bɛɛdi Kristo ɔda bubo lɛlɔ.

Lɛkpa Ulu 1:9

Na uwi ɔmmɔ kemmo ni, ami Mose lɛ́su-mii ḿbavi uwi ɔni na bɔ́kya Sinai kɔbi lɛlɔ ka bina bɔtɔnku kabla kétulo-mi. Na ami lɛti naaakana kabla kamɛni bɔbla.

Lɛkpa Ulu 22:27

Ɔsika uwi ɔni na ɔnana ɔmmɔ ɔkya ɔɔtɛnku-nwu mmɔ ni, ɔ́va ka ukyuli ɔdi úbaƒɔ-nwu. Nsu útakɛ ɔdi.

Tesalonikaƒuɔ 2 1:4

Na bɔɔtalaku bina lɛnyi katɔ ɔsika binye bina bɔƒɔtaadi lɛlɔ kpakplaa na bɛɛkya ɔkplu ina ka beekpóku-mii na biibó abi.

Timoteo 2 2:24

Na utalɛka ukyuli ɔni na ɔɔtɔnku Blɔti bekyuli utaadɔ. Mmomu ɔdi ka utaabla lɛƒɔndia teete ukyuli biala, na ɔkana ala butaatina, na ɔbla ukyuli ɔni na use buɛɛ.

Timoteo 2 3:11

Agyi kalɛ na básiaku-mi na békpoku-mi ku abi ani na líbo na Antiokia ku Ikonion ku Listra. Kali nu bukpoku bɔni kemmo na línye kpakplaa. Nsu na ɔna ƒui kemmo ni, Blɔti údie-mi.

Timoteo 2 4:5

Na awɔ ni, da lɛlɔ kaduɛ na ulu biala lɛlɔ, na ataakya ɔkplu na lɛbibo biala kemmo. Na abla kabla aani litemi buni lɛmɛni lɛsa ɔkɔne. Na abla ƒula baƒɔtaadine ɔtɔnkune kabla ƒui kaduɛ.

Hebriƒuɔ 13:13

Anwuɔsu ni, bɛya na busie butásiaku-nwu na kabanye mmɔ na bakya-bu kɔƒa kɔni bákya anwu lɛnɔ.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Petro 1 4:8

Na ɔni ntulo ƒui ni, bitaayɔ lɛlɔ ku kaƒɔ nwaa. Ɔsika si bɛɛyɔ́ lɛlɔ ni, bɛsɔ bilátaanu bina banwa ekpidi pii.