Korintoƒuɔ 1 13:5 - Katɔti Ɔku Kedee

⁵ Bɔyɔ bulábla atu ɔkplu na bulánwanɛ ala teete lɛlɔ iye buléti kɔnyi. Na bɔyɔ buléti likpidi taakya kasusu kemmo.

Korintoƒuɔ 1 13:5 ပူးပေါင်းရင်းမြစ်များ

Samuel 2 10:3

básu-ma Dawid kenye kani na badanku. Nsu ka báwɔlɔ ni, Ɔga Hanun benengu bammɔ básu bana ɔga banini, “Aabu anii Ɔga Dawid ɔɔbu-ɔ na ɔɔyɔ́-ɔ ka ɔ́tala bekyuli bamɛni ɔnii babasia-a kɔnu ka ƒ'ɔti úkpi ɔsu? Alati ka bɔtala na Dawid ɔ́tala-ma aani batu na babasia bula ɔma ɔmmɔ anu kaduɛ na bebekpoku-bu na badi-bu lɛlɔ?”

Hiob 21:27

“Ngyi lili likpidi lɛni udu na bɛɛsa na mina lɛlɔ na biti bibile-mi.

Agba 14:17

Bekyuli bani muuti kɔnyi pla pla ni, baabla adɔlɔla. Na bekyuli bani mɔɔbɛ́ taabla ala kalɔ kalɔ ni, bekyuli beekisi-ma.

Yesaia 3:5

Na bekyuli badubo lɛlɔ butaanya taakya, na banwani ku bakpana beteekpoku lɛlɔ. Bakɔdi badubɔta benye benengu lɛlɔ, na bani na nka balábu-ma kadi akɔ badubɔta benye bekyuli babune lɛlɔ.

Yeremia 11:19

Nsu Unwoti údie bana kasusu ɔ́tina-mi ka lɛni na baawia badu-mi aani kalɛ na baadá kugyii taakyula ku ligyiitu ku ebi ƒui kalɛ na ukyuli ɔdi ɔsɔ ulenyimo-mi kudii lɛnɔ.

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Bumomo Bɔka 16:15

Mmɔ na Mose úbakɛ kɔnyi geen na ɔ́su Unwoti ɔnini, “Taƒɔ bekyuli bamɛni akpala adi. Ńtaƒɔ bana ɔdi lɛla lɛdi ina ebuo ala utine, na ńtaƒiɔ ɔdi lɛnɔ.”

Bumomo Bɔka 32:6

Amu na Mose úye Gadƒuɔ ku Rubenƒuɔ bamɛni ɔnini, “Ɔdia ka bina banwani bésie bakya kekpo na amii bɛsɔ bɛkya mɛni?

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Mateo 9:4

Yesu ɔ́nu bana kasusu kamɛni ɔ́ti na úye-ma ɔnini, “Bi ɔsu na biiti kasusu kekpidi kamɛni udu?

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Korintoƒuɔ 1 10:24

Ɔƒɔtaadine ɔdi utawia anwu lɛti bɔdia, mmomu ɔwia lɛla lɛni madia mete nwuna ɔkpana lɛnɔ.

Korintoƒuɔ 1 10:33

Bɛbla kalɛ kani na mɔɔbla lɛla biala. Mɔɔsia anu kalɛ na naaata neeenye ɔdi lɛlɔ. Naaakali taanu mina lɛkɛ, mmomu lɛla lɛni madia mete ɔdi biala kalɛ na bakɛ bɔƒɔ.

Korintoƒuɔ 1 11:18

Ɔsika kudeedi ni, línu ka si bɛ́sala aani baƒɔtaadine ni, biile lɛlɔ kemmo akpa akpa. Na use-mi ka sɔsɔ na ɔdi.

Korintoƒuɔ 1 12:25

Ɔmɛni ɔsu bule bɔdi buuubo lɛlɔ ekpo ntɛ. Mmomu ekpo ƒui adanku kɔsia ete lɛlɔ.

Korintoƒuɔ 1 7:36

Na si ɔnana ku uleku ɔni na bálɛ lɛlɔ kegye bánu ka basɔ balakana bulie kpoo na betu uwi kalɛ na nka bákali ni, bakana na beti lɛlɔ. Na ɔɔdi likpidi.

Korintoƒuɔ 2 5:19

Na lɛsa lɛmɛni ndi ka Katɔti ɔkɛ Kristo lɛlɔ na ɔ́klibi anwu ku bekyuli ƒui ntɛ. Na údie atu na bana ekpidi ƒui lɛlɔ. Na kenye kani na ɔda úte-bu ndi ka ɔɔwia ka bɔsu bekyuli ƒui ntɛ bɔklibi litemi lɛmɛni.

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Ƒilipiƒuɔ 2:21

Nsu ukyuli bamba biala ni, anwu ɔlati bɔdia lɛlɔ na nwuna kasusu kasia na kaaakɛnku Yesu Kristo ulu lɛlɔ.

Ƒilipiƒuɔ 4:8

Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.

Tesalonikaƒuɔ 2 3:7

Amii alati bɛgyi kaduɛ ka ɔdi ka bɛbla kabla aani kalɛ kani na abu lɛnɔ bɔ́bla, ɔsika bútabla kɔkɔsɔ uwi ɔni na bɔ́kya-mii kudɔ.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Timoteo 2 4:16

Kudeedi kɔni na bátɛku-mi litemi ni, ɔdi biala útakana na ubo ubenye-mi litemi kama, mmomu béni-mi bése. Nsu muuvele Katɔti nnii utani-ma kɔtu na ɔmɛni lɛlɔ.

Yakobo 1:19

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.