Korintoƒuɔ 1 13:13 - Katɔti Ɔku Kedee

¹³ Geen ni, alakpa atɛ amɛni kani ndubɔkya. Na anya ndi bɔƒɔtaadi ku lɛnunsia ku bɔyɔ. Nsu nwuna unengudi ƒui ndi bɔyɔ.

Korintoƒuɔ 1 13:13 ပူးပေါင်းရင်းမြစ်များ

Kɔgya 146:5

Lɛlɔ lɛdubɔyɔ ukyuli ɔni néti nwuna anu ɔ́sia Yakob Unwoti Katɔti lɛlɔ ka ubunku-nwu, ɔsika úti Unwoti ɔ́bla nwuna Katɔti.

Kɔgya 42:11

Bi ɔsu na naaakɛ́ bɔnwuna na mina lɛlɔ ƒui kemmo na enu-mi lɛni? Ndubuti mina anu lɛsia Katɔti lɛlɔ na lɛsɔ limwi-nwu, ɔsika anwu ndi mina Ɔƒɔne ku mina Katɔti.

Kɔgya 43:5

Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Ndubuti mina anu lɛsia Katɔti lɛlɔ, ɔsika ɔdubɔya na lɛsɔ limwi-nwu aani mina Katɔti ku mina Ɔƒɔne kalɛ.

Luka 10:27

Mmɔ na ɔnana ɔmmɔ údie kenye ɔnii, “Yɔ Unwoti Katɔti ku ƒula kayi ƒui, ku ƒula kɔyu ƒui ku ƒula ɔyikun ƒui ku ƒula kasusu ƒui lɛnɔ, na ayɔ ƒula ukyulikpana aani ƒula lɛlɔ kalɛ.”

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Korintoƒuɔ 1 14:1

Anwuɔsu ni, bɔyɔ na ɔdi ka bina ƒui bɛwia kpakplaa na bɛkɛ. Na biti bina anu ƒui bɛsia Kɔyu kemmo etela lɛlɔ. Na litela lɛni ntulo ƒui ndi ka bidie Katɔti litemi kenye.

Korintoƒuɔ 1 16:14

Na bɛbla bina kabla ƒui na bɔyɔ kemmo.

Korintoƒuɔ 1 3:14

Si lɛla lɛni na ɔdi úti ɔ́tu ɔtɔ ɔ́sia ɔtɔ kalɔ lɛtabi lɛmɛni lɛlɔ lɛ́kana bunye si ogya ɔ́kywi ɔ́vi-ni lɛlɔ ni, ɔtune ɔmmɔ ɔdubɔƒɔ lɛyuƒɔla.

Korintoƒuɔ 1 8:1

Na ɔƒɛni ni, mɔɔyɔ́ ka lɛsu-mii lɛla lɛdi na adila ani na béti bákpa na baƒiɔ abi lɛlɔ. Bɔɔsu bɔnii bula ƒui bubo lɛlati. Nsu bɔgyi lɛnɔ ka lɛlati lɛmɛni lɛɛyá na ukyuli uuƒu na ɔɔtina lɛlɔ. Nsu lɛla lɛni mɔɔkya-bu ogya ni, ani ndi si aayɔ́ bekyuli.

Korintoƒuɔ 1 8:3

Nsu ukyuli ɔni mɔɔyɔ́ Katɔti ni, Katɔti ɔgyi-nwu.

Korintoƒuɔ 2 5:10

Ɔsika bula ƒui bɔdubɔda bɔlɛ Kristo anumi na ɔtɛku-bu litemi. Na ɔdi biala ɔdubɔƒɔ nwuna lɛyuƒɔla lɛni námanku nwuna kabla. Lɛbuni lɛdi o-o iye likpidi o-o, ɔdubɔƒɔ nwuna lɛyuƒɔla ɔkɛnku ngba bɔni na búlie na kayawi kamɛni kemmo.

Korintoƒuɔ 2 5:15

Kristo nékpi na bekyuli ƒui lili kalɛ na bekyuli bani nli ngba ni, basɔ belelie ngba belete bana lɛlɔ. Mmomu belie ngba bete Kristo. Ɔsika ama ɔsu na Kristo úkpi na Katɔti ɔ́gyila-nwu ɔ́lɛku bekpine akɔ.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Ƒilipiƒuɔ 1:9

Muuvele Katɔti nnii ɔya na bina bɔyɔ bɔni na bibo butaakɔ katɔ teebu na bɛkɛ lɛlati lɛni na biti bɛnu ala kemmo kaduɛ,

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Koloseƒuɔ 1:5

Uwi ɔni na básu-mii litemi geen lɛni ndi litemi buni lɛmmɔ kudeedi ni, bínu ala abuni ani nse nte-mii na katɔ. Na ka bɛsia-nya anu ɔsu ni, bina bɔƒɔtaadi ku bina bɔyɔ bunye ala ani bɛsia anu mɛni lɛlɔ.

Koloseƒuɔ 3:14

Na ɔmɛni kama ƒui ni, bɛyɔ lɛlɔ. Ɔsika bɔyɔ muunyimi ala ƒui taasala na aabla unwi.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Tesalonikaƒuɔ 1 5:8

Nsu abu bani nkya bukeye kemmo ni, bɛya na bɔda lɛlɔ kaduɛ. Na buti bula bɔƒɔtaadi ku bula bɔyɔ butaagyumana lɛlɔ aani kalɛ na kekpo adala aagyumana ukpone. Na butaasia anu ka Blɔti ɔdubɔƒɔ-bu, aani kalɛ na kekpo kabwa kaagyumana ukpone lili.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Timoteo 2 1:7

Ɔsika Katɔti úteti kɔyu kɔni náya na liƒu litaada-bu útete-bu. Mmomu ni, úte-bu Kɔyu kɔni mɔɔyá na bɔɔkɛ́ ɔyikun, na bɔɔyɔ́ lɛlɔ, na bɔɔkana na bɔɔtí lɛlɔ bɔda lɛnɔ.

Hebriƒuɔ 10:35

Anwuɔsu bitaya na enu áƒɛ-mii na kalɛ na biisé kayi kemmo. Ɔsika bɛdubɔkɛ lɛyuƒɔla bonwu geen.

Hebriƒuɔ 10:39

Nsu abu ni, bɔɔɔdi bekyuli bani muunwíni bula bɔƒɔtaadi kama na bɔyii udu. Mmomu bɔ́ƒɔ bɔ́di, na Katɔti ɔ́ƒɔ-bu.

Hebriƒuɔ 6:11

Lɛni na bɔɔwia ka bina akɔ ɔdi biala ɔda lɛlɔ ku udu buni ɔmɛni kaduɛ utédu kawɔlɔkɔ kalɛ na bina lɛnunsia lɛlɛ-mii kɔsia.

Hebriƒuɔ 6:19

Bula lɛnunsia lɛmɛni mɔɔyá na bɔda Katɔti kpakplaa na bula kayi kemmo aani kalɛ na kugyii lidu lɛɛda kalɔ geen. Na bɔsia Yesu anu. Anwu néduo katɔma kedee kani kenye na lɛdiku lɛƒa kemmo.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Yohane 1 2:10

Na ukyuli biala ɔni mɔɔyɔ́ ɔƒɔtaadine ɔkpana ni, uli ngba na bukeye kemmo, na lɛla lɛdi liiibo-nwu lɛlɔ lɛni maya na weduo likpidi kemmo.

Yohane 1 2:14

Amii bebi bati ni, muunweni-mii ɔku ɔmɛni ɔsika bɛgyi Kristo ɔni nkya ɔ́si kayawi kalɔ kesekɔ. Na amii bakloƒu ni, muunweni-mii ɔku ɔmɛni ɔsika bibo ɔyikun na Katɔti litemi lɛmmɔ lɛ́ƒɔ-mii lɛlɔ kemmo, na bɛ́ɛdi ukisine ɔmmɔ lɛlɔ.

Yohane 1 2:24

Bɛnu kaduɛ na bɛya na ala ani na bínu ɔ́si kalɔ kesekɔ mmɔ áƒɔ-mii lɛlɔ kemmo ƒui. Na si bɛda-nya kaduɛ ni, bɛdubulieku Ubidi ku Ɔti ɔmmɔ ƒui uwi biala.

Yohane 1 3:3

Na ukyuli biala ɔni mɔɔsia Kristo bubo anu ni, ɔɔklibi lɛlɔ teese sɛɛn aani kalɛ na Kristo lɛnɔ use sɛɛn.

Yohane 1 3:9

Ama bani ndi Katɔti bebi ni, belélie taabla likpidi. Ɔsika Katɔti udu nkya-ma lɛlɔ kemmo ɔƒaani. Na ka Katɔti ndi-ma Ɔti ɔsu ni, balakana bulie butaabla likpidi.