Korintoƒuɔ 1 13:12 - Katɔti Ɔku Kedee

¹² Ala ani na bɔɔnu ɔƒɛni ni, ese aani kalɛ na baanu lɛla lɛdi ƒlu ƒlu na asogya kemmo. Na kama asa na bɔdubɔnu-ni nwaa anumi ku anumi. Na lɛla lɛni na ngyi ɔƒɛni ni, lítedu lítawɔlɔ. Nsu kama ni, lɛdubo libedu lɛwɔlɔ na ɔbla nwaa aani kalɛ kani na Katɔti ɔgyi-mi ƒui.

Korintoƒuɔ 1 13:12 ပူးပေါင်းရင်းမြစ်များ

Ala Kalɔ Buse 32:30

Ɔmmɔ ɔsu ni, Yakob ɔ́sia mmɔ lɛnyi ɔnii Peniel, na ɔ́su ɔnini, “Lɛ́sia mɛni lɛnyi lɛni, ɔsika lɛ́nu Unwoti Katɔti anumi ku anumi na útayila-mi ngba.”

Hiob 19:26

Na ina dɛ na ɔlɛ ɔmɛni úsusu-mi ɔlɔna ɔku úbile ni, ɔlɔna ɔmɛni kemmo kani na ndubo Katɔti bɔnu anumi ku anumi.

Hiob 36:26

Katɔti úbomo utulo bula bekyuli bayawine kasusu ala kalɔ bunu! Lɛni kani na bula ɔdi ulakana-nwu akwa bɔka.

Israelƒuɔ Bɔlɛ 33:11

Na Unwoti ɔɔtɛmi-ku Mose anumi ku anumi aani kalɛ na bakpana baatɛmi. Na Mose ɔ́sɔ únwini úsie nwuna keliekɔ. Nsu okloƒu ɔni muubunku Mose na baalɔ-nwu banii Yosua na ɔdi Nun ubidi ni, anwu ɔɔƒɔ́ lɛlɔ taakya Katɔti kevo kammɔ kemmo.

Esekiel 17:2

“Esekiel, ɔyawine ubi, ti litemi lɛmɛni tásu Israel kadi bekyuli

Bumomo Bɔka 12:8

Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 5:8

Lɛlɔ litaayɔ bekyuli bani kayi kemmo nse nwaa. Ama ndubunye Katɔti anumi.

Romaƒuɔ 8:18

Mɔɔnu taati geen ka abi ani na buubó ɔƒaani ni, aaadi lɛla lɛdi na kalɛ na Katɔti ɔdubɔya na bukeye kudɔ.

Korintoƒuɔ 1 13:11

Uwi ɔni na ndi ɔnamu ni, kalɛ na mɔɔtɛmi ku kalɛ na muunú ala kɔku na mina ɔlɔna kemmo ku kalɛ na mɔɔbla kasusu ni, adi anamula bɔbla. Ɔƒɛni ka línwini ɔnana ni, anamula ammɔ asɔ eeebo-mi kɔsia kɔdi.

Korintoƒuɔ 1 8:3

Nsu ukyuli ɔni mɔɔyɔ́ Katɔti ni, Katɔti ɔgyi-nwu.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Korintoƒuɔ 2 5:7

Na bula ngba bɔni na bulie mɛni ni, bɔkɛnku bɔƒɔtaadi lɛlɔ. Na ɔɔɔdi lɛla lɛni na buti bula anumi bɔnu bɔti.

Ƒilipiƒuɔ 3:12

Na ɔɔɔdi bɔsu na nda nnii lɛ́ɛdi lɛlɔ iye ami lɛ́ɛbla sɛɛn lɛ́wɔlɔ. Mmomu nnye kpakplaa ka lɛkɛ lɛyuƒɔla lɛni na Kristo Yesu ubo ute-mi. Na ani ndi ka ɔya na línwini nwuna ɔdi.

Yakobo 1:23

Ɔsika ukyuli ɔni na bunu kani na uunú litemi buni lɛmmɔ na ulábla taasiaku-ni lɛlɔ ni, use aani ukyuli ɔni na úti asogya na ɔ́nu kalɛ na nwuna anumi ese. Nsu kɔnakunwi ka ɔ́gyu lɛgba na mmɔ ni, ɔ́yiƒala kalɛ na use.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Budie Taatina 22:4

Badubɔnu-nwu anumi na nwuna lɛnyi lɛdubɔsia-ma atɛntɛ.