16 Na si kɔtu lɛnɔ kɔnii, “Ka ami lɛɛɛdi lɛnumi ɔsu ni, ami lɛɛɛkɛ ɔlɔna ɔmmɔ kemmo” ni, ɔmmɔ ulátina ka sɔsɔ na ɔɔɔdi ɔlɔna ɔmmɔ kakɛ kadi.
Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.
Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.
Si ɔgba ɔ́su ɔnii, “Ka ami lɛɛɛdi kɔnu ɔsu ni, ami lɛɛɛkɛ ɔlɔna ɔmmɔ kemmo” ni, ɔmmɔ ulátina ka sɔsɔ na anwu ɔɔɔdi ɔlɔna ɔmmɔ kakɛ kadi.
Na si ɔlɔna ɔmmɔ ƒui ɔdi lɛnumi kani ni, dɛ na wabla asa na wenu lɛla lɛdi? Na si kɔtu lɛti lɛnɔ na ɔdi ni, dɛ na wabla asa na wenu ɔnyi?
Lɛlɔ ekpo ani nse kpɛtɛ kpɛtɛ ntulo ni, anya mmomu na si eeebo-bu lɛlɔ na bulakana lɛla lɛdi bɔbla.
Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.