Korintoƒuɔ 1 12:10 - Katɔti Ɔku Kedee

¹⁰ Ukyuli bamba ni, ɔɔkana na ɔɔbla akɔla budie taatina. Na ɔdi ni, kalɛ na ɔsu Katɔti litemi. Na ɔbambadi ni, ayu lidu bɔnu taati. Na ɔdi ni, adi lidu bɔtɛmi. Na ɔbambadi ni, adi lidu kalɔ budie.

Korintoƒuɔ 1 12:10 ပူးပေါင်းရင်းမြစ်များ

Yoel 2:28

“Na ɔmmɔ kama ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Marko 16:17

Na Katɔti ɔdubute baƒɔtaadine ɔyikun na babla akɔla lidu lidu. Badubɔgya ayu ekpidi na mina lɛnyi kemmo. Badubutemi adi lidu lidu.

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Luka 24:49

Na ami ɔlati ndubuti lɛla lɛni na Katɔti ɔ́su-mii úse limene-mii. Nsu ɔlɛka binye bɛgya Katɔti ɔyikun ɔmɛni na Yerusalem wetédu uwi ɔni na ɔyikun ɔmmɔ ɔsi katɔ ubeduo-mii lɛlɔ kemmo.”

Yohane 14:12

Mɔɔsu-mii geen nnii ukyuli biala ɔni mɔɔƒɔ́-mi taadi ni, ɔdubɔbla ala ani na mɔɔbla. Na ɔdubɔbla-nya utulo kalɛ na lɛ́bla. Ɔsika bɔtɔlɔ nda nteesie mina Ɔti kudɔ.

Yohane 16:13

Nsu si uwi ɔni na Katɔti Kɔyu kɔni muudie litemi geen lɛni ndanku Katɔti lɛlɔ mmɔ úbo ni, ɔdubo-mii bɔtɔnku kalɛ na bɛnu litemi geen lɛmmɔ ƒui bɛti. Na ulatɛmi na anwu ɔlati ɔyikun kemmo. Mmomu lɛla lɛni na únu ni, ɔdubo-mii bɔsu na ɔsu-mii ala ani ndubo bɔlɛ.

Batalane Kabla 1:8

Nsu si uwi ɔni na Katɔti Kɔyu kúbo-mii kudɔ ni, kɔdubɔƒɔ-mii lɛlɔ kemmo ƒui na kɔdubɔkya-mii ɔyikun na bɛdubɔsu-mi lɛlɔ litemi na Yerusalem ku Yudea ku Samaria wetéduku kalɔ kawɔkɔ.”

Batalane Kabla 11:27

Uwi ɔmɛni kani kemmo ni, Katɔti kenye bediene badi bási Yerusalem bébo Antiokia.

Batalane Kabla 11:28

Amu na bana akɔ unwi ɔni baalɔ Agabo ni, ɔ́ta únye na Katɔti Kɔyu ɔyikun kemmo na ɔ́su ɔnii kɔka kubendi kɔdi kɔdubo kayawi ƒui lɛlɔ. Ɔmɛni úbebo uwi ɔni na Klaudio ɔɔdi lɛga.

Batalane Kabla 19:6

Na uwi ɔni na Paulo úti enu ɔ́sia-ma lɛlɔ ni, Katɔti Kɔyu kɔ́ƒɔ-ma lɛlɔ kemmo ƒui, na bésie kalɔ ku adi lidu lidu butemi na bédie Blɔti ala kenye.

Batalane Kabla 5:3

Amu na Petro ɔ́su-nwu ɔnini, “Anania, bi ɔsu na áya na Satan ɔdi-ɔ lɛlɔ, na ɔ́ya-a na aanyi ɔkɔ taatɔlɔ Katɔti Kɔyu? Na ébu ƒula kalɔ kani na éti éye mmɔ egulabi adi ése éte lɛlɔ?

Romaƒuɔ 12:6

Anwuɔsu ni, bɛya na buti kɔyu kemmo etela lidu lidu ani na Katɔti ɔkɛnku nwuna lɛƒɔndia kemmo na úte-bu bɔbla kabla. Si ukyuli ɔdi litela lɛdi Katɔti kenye budie ni, ɔdi ka udie-ni kenye ku bɔƒɔtaadi bɔni na ubo.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Korintoƒuɔ 1 11:4

Anwuɔsu ɔnana ɔni mɔɔkpali katɔ iye ɔɔkɔ́ Katɔti litemi buni lɛsa na Katɔti kakpakɔ na úti lɛla lɛdi úbi lili ni, ɔɔkya Kristo kɔƒa.

Korintoƒuɔ 1 13:8

Bɔyɔ buuubo kawɔkɔ. Katɔti ala kenye budie bɔkya, nsu bɔdubo bɔwɔ ulu. Adi lidu lidu bɔtɛmi lɛnɔ bɔkya, nsu anwu lɛnɔ ɔdubo ulu bɔwɔ. Lɛlati lɛkya bɔdi, nsu nwuna uwi ɔdubo bɔvi.

Korintoƒuɔ 1 14:13

Na ukyuli ɔni mɔɔtɛmi na adi lidu lidu kemmo ni, uvele Katɔti na ute-nwu litela lɛni na uti udie ala ani na ɔɔsu mmɔ kalɔ.

Korintoƒuɔ 1 14:39

Anwuɔsu ni, banwa, biti bina anu ƒui bɛsia Katɔti litemi kenye budie lɛlɔ. Nsu bitetile adi lidu bɔtɛmi ulu.

Galatiƒuɔ 3:5

Katɔti Kɔyu kɔni na úte-mii mmɔ ku akɔla lidu lidu ani na ɔ́bla na bina akɔ mmɔ ni, ɔkɛnku kalɛ na bɛɛdi ɔda bubo bɔmmɔ ɔsu na ɔ́bla-nya munuu ka bínu litemi buni lɛmmɔ na bɛ́ƒɔ-ni bɛdi ɔsu?

Tesalonikaƒuɔ 1 5:20

Biteni Katɔti kenye bediene ala kalɔ budie aani lɛla keeke.

Hebriƒuɔ 2:4

Katɔti ɔlati lɛnɔ údie ɔ́tina-bu nwaa ka litemi lɛmɛni lɛdi litemi geen ɔkɛnku akɔla budie taatina lidu lidu ku Katɔti Kɔyu etela lidu lɛni na úle ɔ́kya bekyuli kemmo na nwuna bɔyɔ kenye.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Budie Taatina 2:2

“Ngyi lɛla lɛni na bɛɛbla. Na ngyi kalɛ na binye kabla kammɔ lɛlɔ kpakplaa ku kalɛ na bɛ́kya ɔkplu. Ngyi ka biléte bekyuli bekpidi kuƒi ku kalɛ na bɛ́kɔku-ma bɛ́nu. Ama ndi bani mɔɔtɔ́lɔ bekyuli banii badi batalane, nsu baaadi batalane. Na bɛ́nu-ma bɛ́ti ka badi ɔkɔ banyine.