Korintoƒuɔ 1 11:4 - Katɔti Ɔku Kedee

⁴ Anwuɔsu ɔnana ɔni mɔɔkpali katɔ iye ɔɔkɔ́ Katɔti litemi buni lɛsa na Katɔti kakpakɔ na úti lɛla lɛdi úbi lili ni, ɔɔkya Kristo kɔƒa.

Korintoƒuɔ 1 11:4 ပူးပေါင်းရင်းမြစ်များ

Samuel 2 15:30

Nsu uwi ɔmmɔ ni, Ɔga Dawid úti ɔ́kɔ úsela Nnɔ Egyii Kɔbi lɛlɔ na uuwulo na ulu lɛlɔ. Na úti ala úbi lili na ɔkɛ lɛgbakplu. Lɛni kani na bani nsiaku-nwu ƒui bebi ala lili na bakɛ beewulo na ulu lɛlɔ.

Samuel 2 19:4

Ɔga Dawid úti enu úbi anumi na úwulo momoomo ɔ́kpali ɔnini, “O mina ubi Absalom, O Absalom, mina ubi mina ubi!”

Mika 7:6

Bebi bananabi béni na basɔ balábu bana bati, na belekubi lɛnɔ báta bénye bana beni lɛlɔ. Na bebi bele béni bana begyieni. Na ukyuli ukisine geen ni, ɔdubɔsi anwu ɔlati nwuna kaduli kemmo.

Batalane Kabla 13:1

Na Antiokia ni, Blɔti kenye bediene ku ala batinane badi bakya baƒɔtaadine lɛkpa lɛmmɔ kemmo. Na ama ndi Barnaba ku Simeon ɔni bátaalɔ Ukyuli Otondi ku Lukio ɔni nási Kirene ku Manaen ɔni ndi Ɔga Herode ɔvinkpana ɔ́si lɛnamu uwi ku Saulo.

Korintoƒuɔ 1 11:14

Kalɛ na Katɔti údie kayawi ala ni, ɔmmɔ lɛti ɔɔtina-bu lɛla lɛdi. Na útamanku ka ɔnana ɔda nwuna lili linwini use na liyi line gyɔlɔɔ. Ɔdi kɔƒa lɛla.

Korintoƒuɔ 1 11:5

Na uleku ɔni mɔɔkpali katɔ iye ɔɔkɔ́ Katɔti litemi buni lɛsa na kakpakɔ na útamana lɛdiku lili ni, ɔɔkya ɔgyani kɔƒa. Na kavumana kadi keeebo anwu ku uleku ɔni nékpeyi lili na ɔɔɔda lɛlɔ ntɛ.

Korintoƒuɔ 1 12:10

Ukyuli bamba ni, ɔɔkana na ɔɔbla akɔla budie taatina. Na ɔdi ni, kalɛ na ɔsu Katɔti litemi. Na ɔbambadi ni, ayu lidu bɔnu taati. Na ɔdi ni, adi lidu bɔtɛmi. Na ɔbambadi ni, adi lidu kalɔ budie.

Korintoƒuɔ 1 12:28

Na baƒɔtaadine lɛkpa kemmo ni, Katɔti úti bula ƒui úse ekpo ani námanku-bu. Udeedi ni, batalane. Na unyɔdi ni, kenye bediene. Na ɔtɛdi ni, ala batinane, asa na bani mɔɔbla akɔla budie taatina. Na bani mbo ɔyikun ɔni na babwi lɛlɛ iye bebunku bekyuli iye banu kabla lɛlɔ iye batɛmi adi lidu lidu lɛnɔ basia-ma kama.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Tesalonikaƒuɔ 1 5:20

Biteni Katɔti kenye bediene ala kalɔ budie aani lɛla keeke.