Korintoƒuɔ 1 11:32 - Katɔti Ɔku Kedee

³² Nsu Blɔti ɔɔtɛku abu litemi na ɔɔní-bu kɔtu kalɛ na Katɔti ulayila-bu udu ku bekyuli bani nátaƒɔ bátadi.

Korintoƒuɔ 1 11:32 ပူးပေါင်းရင်းမြစ်များ

Samuel 2 7:14

Ndubɔdi-nwu kɔti. Na anwu lɛnɔ ɔdi mina ubi. Na si ɔ́bla lɛla lɛdi ɔ́ƒiɔ-mi ni, ndubɔni-nwu kɔtu aani kalɛ na ubi ɔti ɔɔní ubidi kɔtu,

Kɔgya 118:18

Unwoti ɔ́ni-mi kɔtu kpakplaa, nsu útaya na likpi.

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.

Yeremia 7:28

Anwuɔsu su-ma anini, ‘Yuda kadi bekyuli, ami ndi Unwoti bina Katɔti, nsu bíni na bítadi mina litemi lɛlɔ. Na ɔni na lɛ́ni-mii kɔtu muedi bíbulo na bítavumana udu. Na bilábla taatina na anumi kemmo muedi ka bɛsiaku-mi kama siin.

Seƒania 3:2

Yerusalem úni ɔnii ulénu Unwoti Katɔti litemi na uti anu ɔsia-nwu lɛlɔ. Na bɔta kani na ɔɔta teenye-nwu lɛlɔ, na úni lɛnɔ ɔnii batalɛ-nwu na baklibi-nwu.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Romaƒuɔ 5:16

Nsɔ mɔɔsu ka Katɔti lɛƒɔndia lɛmmɔ liiise aani ala ani nkɛnku likpidi lɛni na ukyuli unwi ɔmmɔ ɔ́bla. Ɔsika likpidi lɛmmɔ líboku litemi bɔtɛ ku kɔtɔ bɔdu. Nsu bɔƒiɔ pii bɔmmɔ kama ni, Yesu lɛƒɔndia lɛmmɔ lɛ́ya na bekyuli bábla siin.

Korintoƒuɔ 1 1:20

Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Korintoƒuɔ 1 11:30

Ɔmmɔ náya na bina akɔ pii biiƒi na lɛlɔ liiibo-mii ɔkplu. Na pii lɛnɔ békpi.

Korintoƒuɔ 1 11:31

Na si bɔdubɔsia anu na bɔka lɛlɔ kemmo buduo bɔnu ni, nka Katɔti ulatɛku-bu litemi.

Korintoƒuɔ 1 11:33

Ɔmɛni ɔsu ni, banwa, si bɛ́sala bɛnii bɛɛdi Blɔti adila ni, binye bɛgya lɛlɔ.

Lɛkpa Ulu 8:5

Anwuɔsu bɛya na ɔbla-mii kasusu ka kalɛ kani na si bina bebi bábla ala ani naaadia na bɛɛdɔnku-ma ni, lɛni kani na si amii lɛnɔ bɛ́bla ala ani naaadia Unwoti Katɔti lɛnɔ na ɔdubɔdɔnku-mii.

Timoteo 1 1:20

Na bana akɔ badi ndi Himeneo ku Aleksandro. Lɛ́ni-ma kɔtu na líti-ma líte ukisine ɔmmɔ kalɛ na bebo abi na nwuna enu kemmo. Ɔmɛni ndubɔya na batɛya lɛla na bada enyekpi bɔtɛmi taasiku Katɔti lɛlɔ baya.

Yohane 1 5:19

Abu bɔgyi ka bɔdi Katɔti badi geen, na kayawi bekyuli bakladi ƒui bakya ukisine ɔmmɔ lɛlɔ bɔdi kalɔ.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.