Korintoƒuɔ 1 11:30 - Katɔti Ɔku Kedee

³⁰ Ɔmmɔ náya na bina akɔ pii biiƒi na lɛlɔ liiibo-mii ɔkplu. Na pii lɛnɔ békpi.

Korintoƒuɔ 1 11:30 ပူးပေါင်းရင်းမြစ်များ

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Bumomo Bɔka 20:12

Nsu Unwoti ɔ́su Mose ku Aaron ɔnini, “Ka bitaƒɔ-mi bítadi geen na bite-mi ɔbu ka nse kedee na Israelƒuɔ bammɔ anumi ɔsu ni, bɛsɔ bɛɛɛdubo bekyuli bammɔ bɔkpanku busienku kalɔ kani lɛ́su ka ndubo-ma bute kemmo.”

Bumomo Bɔka 20:24

“Aaron ɔdubusie utánwuna ku nwuna bati. Na ɔɔɔdubo buduo kalɔ kani líti muute Israelƒuɔ mmɔ kemmo, ɔsika awɔ Mose ku Aaron bɛ́ta binye mina ɔda bubo lɛlɔ na Meriba Ketudɔ.

Batalane Kabla 13:36

“Litemi lɛmɛni lɛɛɛdanku Dawid, ɔsika úlie ɔ́bla Unwoti kabla na nwuna ngba bulie uwi ƒui aani kalɛ na Katɔti ɔlati ɔɔyɔ́, na úbekpi na báva-nwu na úbu lɛnɔ.

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Korintoƒuɔ 1 11:29

Ɔsika si útanu lɛla lɛni na Blɔti ɔlɔna ɔmɛni ɔdanku útati uwi ɔni na ɔɔdi bodobodo ɔmmɔ iye ɔɔní na ɔɔƒɛɛ ɔmmɔ kemmo ni, ɔɔdi na ɔɔní na uuti litemi bɔtɛ teewi lɛlɔ.

Korintoƒuɔ 1 11:31

Na si bɔdubɔsia anu na bɔka lɛlɔ kemmo buduo bɔnu ni, nka Katɔti ulatɛku-bu litemi.

Korintoƒuɔ 1 11:32

Nsu Blɔti ɔɔtɛku abu litemi na ɔɔní-bu kɔtu kalɛ na Katɔti ulayila-bu udu ku bekyuli bani nátaƒɔ bátadi.

Korintoƒuɔ 1 15:51

Binu lɛbɛla lɛmɛni. Ɔɔɔdi bula ƒui ndubukpi. Nsu si kakpɛɛ kekplodi káku ni, Katɔti ɔdubo bula ƒui udu bɔvumana kɔnakunwi.

Tesalonikaƒuɔ 1 4:14

Bɔ́ƒɔ bɔ́di ka Yesu úkpi na ɔ́sɔ ɔ́ta uli ngba na ɔdubɔsɔ ɔsi katɔ mmɔ ubo lɛnɔ. Anwuɔsu bɔ́ƒɔ bɔ́di ka baƒɔtaadine bani ƒui nékpi ni, badubɔsɔ bata. Na Katɔti ɔdubɔsia Yesu ɔmmɔ kani lɛlɔ na ɔƒɔ-ma na bebelieku-nwu ngba.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.