Korintoƒuɔ 1 11:27 - Katɔti Ɔku Kedee

²⁷ Anwuɔsu ukyuli biala madi Blɔti adila amɛni iye wani na ɔɔƒɛɛ ɔmɛni kemmo na ulu ɔni nátamanku lɛlɔ ni, ɔdubɔtina ka ɔ́bla likpidi ka útabu Blɔti ɔlɔna ku ubugya ɔmmɔ ɔsu.

Korintoƒuɔ 1 11:27 ပူးပေါင်းရင်းမြစ်များ

Bumomo Bɔka 9:10

“Kɔ lɛsa na asu Israelƒuɔ anini, ‘Si úbo úte ka bina akɔ ɔdi ɔ́sɔ na uuuse sɛɛn ka nwuna lɛlɔ ukyuli ɔdi kukpi ɔsu iye nwuna ulu busie bɔdi ɔsu ni, bamu bebo kuƒi ka badi Kukpi Lili Bɔvia Limeyi.

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Mateo 22:11

“Na ka ɔga ɔmmɔ úduo úsie utánu bekyuli bani nlie kadikɔ mmɔ ni, ɔ́nu ɔnana ɔni naaakya uleku ketikɔ limeyi bɔdi awu.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Korintoƒuɔ 1 10:21

Ɔɔɔdia ka ani asiku Blɔti ɔɔƒɛɛ kemmo na asɔ atáni asiku ayu ekpidi lɛnɔ ɔɔƒɛɛ kemmo. Útalɛka adi adila na Blɔti kakpakɔ na asɔ atádi adila na ayu ekpidi kakpakɔ lɛnɔ.

Korintoƒuɔ 1 11:29

Ɔsika si útanu lɛla lɛni na Blɔti ɔlɔna ɔmɛni ɔdanku útati uwi ɔni na ɔɔdi bodobodo ɔmmɔ iye ɔɔní na ɔɔƒɛɛ ɔmmɔ kemmo ni, ɔɔdi na ɔɔní na uuti litemi bɔtɛ teewi lɛlɔ.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.