Korintoƒuɔ 1 11:24 - Katɔti Ɔku Kedee

²⁴ na ka ɔ́gya Katɔti enu ni, ɔ́ƒɛ-nwu kemmo na ɔ́su ɔnini, “Ɔmɛni ndi mina ɔlɔna ɔni na ndubuti lɛkpa lite Katɔti na bina lili. Bɛƒɔ bɛdi na biti biteenyimo-mi.”

Korintoƒuɔ 1 11:24 ပူးပေါင်းရင်းမြစ်များ

Kɔgya 111:4

Na kalɛ na nwuna ablala ammɔ ébomo ɔsu ni, ɔ́ya na bulayiƒala-nya kudii. Unwoti ubo lɛƒɔndia na ɔɔnu kɔnyana lɛnɔ.

Kɔgya 22:26

Bawabane badubo bɔdi bumo. Na bani mɔɔwia Unwoti Katɔti ni, badubo-nwu buteemwi uwi ndi uwi na ɔdubɔtɛ ute-ma uwi ƒui.

Kɔgya 22:29

Balakɛne bani mɔɔdi taani kalɛ kalɛ ƒui badubɔkya lili kalɔ bete Unwoti. Na bani ƒui nkɛ na baayɔ́ bekpi na basɔ balákana lɛla lɛla bɔbla bute lɛlɔ ƒui badubɔkya lili kalɔ bete-nwu.

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Israelƒuɔ Bɔlɛ 28:12

ada awu kedee ɔmmɔ amangba lɛlɔ aani likposela ute Israelƒuɔ bebi. Na bana anyi adubo bɔma Aaron lɛlɔ uwi ndi uwi na Unwoti uteenyimo-ma.

Agba 9:5

“Bibo na bibadi mina adila na bɛni mina ntɛ bɔni na lɛ́sala líse.

Lɛnu Ƒui Ɔnu 1:4

Kpanku-mi da na bɔtɔlɔ pla! Na awɔ ɔga eti-mi eduoku ƒula kɔtɔma. Lɛlɔ lɛɛyɔ́-bu na ƒula lɛlɔ. Na kalɛ na aayɔ́ bekyuli ubo emini utulo ntɛ mini mini. Ɔdia geen ka bemwi-ɔ.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Yesaia 26:8

Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Mateo 26:13

Na mɔɔsu-mii geen ka ni, kesi kesii na badubɔkɔ litemi buni lɛmɛni lɛlɔ lɛsa na kayawi mɛni ni, badubuti lɛla lɛni na uleku ɔmɛni ɔ́bla mɛni basu batina na beti benyimo-nwu.”

Korintoƒuɔ 1 11:23

Ɔsika lɛla lɛni na lɛ́ƒɔ lɛ́siku Blɔti kudɔ ni, ani kani na lɛ́tina-mii. Na usien ɔmmɔ asa na badubɔkya-nwu kakya ni, úti bodobodo,

Korintoƒuɔ 1 11:25

Lɛni kani na adila ammɔ kama ni, úti ɔɔƒɛɛ na ɔ́su ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úti mina ubugya úse likpo. Na uwi biala na bɛdubɔni-nwu ni, bɛni na biti biteenyimo-mi.”

Yosua 4:7

Na bɛsu-ma ka uwi ɔni na Unwoti Bunyimi Adaka ɔɔvia Yordan Ketu ni, ketu kammɔ káda na ntu bɔmmɔ bɔ́kwii na Israelƒuɔ bávia. Na atakpɛ amɛni adubɔya na Israelƒuɔ beteenyimo lɛla lɛni nálɛ mɛni uwi biala.”