Korintoƒuɔ 1 11:23 - Katɔti Ɔku Kedee

²³ Ɔsika lɛla lɛni na lɛ́ƒɔ lɛ́siku Blɔti kudɔ ni, ani kani na lɛ́tina-mii. Na usien ɔmmɔ asa na badubɔkya-nwu kakya ni, úti bodobodo,

Korintoƒuɔ 1 11:23 ပူးပေါင်းရင်းမြစ်များ

Mateo 26:17

Amu na limeyi lideedi lɛni lɛlɔ na baadi Bodobodo Ɔni Néteƒu Limeyi ni, batɛyane bammɔ bébo Yesu kudɔ banii, “Wɛ na aayɔ́ ka butáklibi Kukpi Lili Bɔvia Limeyi bɔdi adila bute-ɔ?”

Mateo 26:2

“Bɛgyi ka kébu emeyi anyɔ na bɔdi limeyi lɛni bɔɔlɔ Kukpi Lili Bɔvia Limeyi. Na badubuti ami, Ukyuli Ɔyawine Ubi, bete na bakana-mi bamana ugyii lɛlɔ.”

Mateo 26:34

Amu na Yesu ɔ́su Petro ɔnini, “Mɔɔsu-ɔ ka usien ɔmɛni asa na akɔkɔ wete kenye muedi ni, adubɔsu kɔtɛ ƒui ka aaagyi-mi.”

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Luka 22:17

Ɔmmɔ kama ni, Yesu úti ɔɔƒɛɛ na ɔ́gya Katɔti enu. Na ɔ́su ɔnini, “Bɛƒɔ ɔmɛni na bɛni bite lɛlɔ.

Batalane Kabla 20:7

Amu na Kwasida limeyi lideedi lɛlɔ ni, bɔ́sala lɛlɔ lisu bɔnii bɔɔdi Blɔti adila. Na ka Paulo ɔdubo bɔtɔlɔ kadi kegye ɔsu ni, útemi laa útédu usientɛ.

Korintoƒuɔ 1 10:16

Ɔɔƒɛɛ ɔni na buuti taagya Katɔti enu ni, unye ute Blɔti ubugya. Na bodobodo ɔni na bɔɔbwɛ si bɔɔdi Blɔti adila kedee ni, ɔɔtina ka abu ku Kristo bɔɔbla unwi.

Korintoƒuɔ 1 15:3

Lɛla lɛni na lɛ́ƒɔ lɛ́siku Blɔti kudɔ ni, ani kani na líti muute-mii. Na ani ndi lɛla lɛni náƒɔ kuye lítulo ƒui, ka Kristo úkpi úte-bu na bula alaekpidi ɔsu aani kalɛ na bénweni bákya Bunweni Kedee Ɔku kemmo.

Galatiƒuɔ 1:1

Ami Paulo ɔni ndi Kristo ɔtalane ni, mina bɔlɔ bútasi bekyuli kudɔ iye ɔɔɔdi ukyuli ɔdi náƒuna-mi. Mmomu mina bɔlɔ bɔ́si Yesu Kristo ku Katɔti ɔni nágyila Yesu ɔmmɔ ɔ́lɛku bekpine akɔ kudɔ.

Lɛkpa Ulu 4:5

Binu! Mina Unwoti Katɔti bunyimi bɔni na úbo-mi ɔda ka ntina-mii ni, lɛ́tina-mii ƒui. Na mɔɔsu-mii nnii bɛdi-mu lɛlɔ ƒui na kalɔ kani bísela bitéti binwini bina kadikɔ mmɔ lɛlɔ.

Koloseƒuɔ 3:24

Bɛgyi ka Blɔti ndubute-mii lɛyuƒɔla lɛni na ɔ́su úse ka wete nwuna bekyuli. Na Kristo ndi Unwoti ɔni geen kabla na bɛɛbla.

Tesalonikaƒuɔ 1 4:2

Ɔsika bɛgyi ala ani na bɔ́tina-mii ɔkɛnku Blɔti Yesu ɔyikun kemmo.