Korintoƒuɔ 1 10:22 - Katɔti Ɔku Kedee

²² Munuu bɛɛyɔ́ ka Blɔti uti nwuna kɔnyi ɔkya-bu? Bitaya bɔkali bɔnii bubo ɔyikun butulo-nwu.

Korintoƒuɔ 1 10:22 ပူးပေါင်းရင်းမြစ်များ

Baga 1 14:22

Yudaƒuɔ bábla likpidi na Unwoti anumi. Na bana ekpidi ágyila Unwoti kɔnyi kɔni muukpó kɔgyulo útulo bana bati kuuku adi ani bábla muedi.

Hiob 9:4

Nwuna lɛnunda kemmo kágyu, na nwuna ɔyikun uuubo bɔka. Ɔma náta únye Unwoti lɛlɔ dii na úse-nwu buɛɛ?

Kɔgya 78:58

Ɔsika bákya-nwu kɔnyi geen na baƒiɔ akpabi ani na bátu bényene abi eli ɔsu. Na báya na uukpó kogyulo ka baakpá-ma.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Israelƒuɔ Bɔlɛ 34:14

Na takpa ɔti ɔdi tebunku ami Unwoti lɛti pɛ. Ɔsika ami Unwoti muukpó kogyulo.

Etemila 6:10

Lɛla biala mɔɔlɛ́ ni, lɛdi lɛla lɛni na Katɔti ɔ́ɔlɛ ugyii úse kukuuku. Na abu bekyuli bɔgyi kalɛ na buse ɔsu ni, buuubo unyeƒi ɔdi na bɔɔkyaku Katɔti, ɔsika ubo ɔyikun utulo-bu ƒui.

Yesaia 45:9

“Libui lɛvɔdi lilákyaku nwuna ɔvɔne unyeƒi. Anwuɔsu ni, Israel, eeebo kuƒi kɔdi ka awɔ ku ƒula Udiene bɛkya unyeƒi ɔdi, ɔsika lɛvɔbui kani na adi na ɔvɔne ɔ́vɔ-ɔ kalɛ na ɔɔyɔ́. Na lɛvɔbui liléye nwuna ɔvɔne ɔnini, ‘Bi ɔsu na ávɔ-mi lɛni iye átati-mi bɔvɔ na átabla-mi lɛmɛni ku lɛni ngye?’

Yeremia 44:8

Bina baƒiɔ bani na bɛɛkpá ku kalɛ na bɛɛkyula oloƒui teete baƒiɔ bamba ɔ́si ɔni na bɛ́si Egyipte bíbo mɛni ɔ́ya na lɛ́kɛ kɔnyi geen. Na bɛdubo kukpi kɔni muusé lɛlɔ bukpi. Na kadi bamba bekyuli badubo-mii lɛnyi bɔlɔ bewida bekyuli banii ɔlɛku-ma kalɛ na ɔ́lɛku-mii.

Yeremia 7:19

Nsu ɔɔɔdi ami lɛti na beedumi mmomu beedumi ama alati lɛlɔ lɛnɔ na kɔƒa ala ani na baabla mɛni ɔsu.

Esekiel 22:14

Na si uwi ɔni na lɛ́wɔlɔ lɛla lɛni na mɔɔyɔ́ lɛbla ni, bina ɔtɔtɔ ɔni na bibo ƒui ɔdubɔyii ɔkya na bɛbla kpɛtɛ kpɛtɛ ɔni na kɔnu muedi bɛsɔ bilakana-ku katɔ bɔkɔliku. Ami Unwoti násu na nsɔ lɛɛɛdubo lɛla lɛdi bɔvumana.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Lɛkpa Ulu 32:16

Bana baƒiɔ bani kama básiaku ni, ɔ́ya na úkpo kogyulo. Na likpidi lɛni bábla ɔ́ya na úti kɔnyi.

Lɛkpa Ulu 32:21

Baƒiɔ bani na bábla ɔ́ya na líti kɔnyi lɛ́kya-ma. Na muukpó kogyulo ku bana baƒiɔ bani naaadi ku lɛla mmɔ sɔsɔ. Anwuɔsu ndubuti kadi bekyuli bani naaadi lɛla lɛdi lɛkya-ma kɔnyi. Na ndubɔya na bana bekisine babla bekyuli geen.

Lɛkpa Ulu 4:24

Ɔsika si bɛ́bla lɛni ni, bina Unwoti Katɔti ɔdubuti kɔnyi. Ɔsika uukpó kogyulo na use aani Ogya na ɔkana na ɔkyula-mii.

Lɛkpa Ulu 6:15

Na si bɛ́yu atuɔkplu na bɛkya bɛɛkpá baƒiɔ bammɔ badi ni, Katɔti kɔnyi kɔdubo-mii lɛlɔ aani ogya na ɔdubɔkyula-mii na ɔyila bina udu ƒui ɔlɛku kalɔ kammɔ lɛlɔ. Ɔsika Bina Katɔti ɔdi Katɔti ɔni muukpó kogyulo.

Hebriƒuɔ 10:31

Liƒu lɛla bonwu lɛdi si Katɔti ɔni nli ngba uwi ƒui ɔ́da-a na kɔnyi kemmo.

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.