Korintoƒuɔ 1 10:14 - Katɔti Ɔku Kedee

¹⁴ Anwuɔsu ni, banwa, bɛda lɛlɔ bidie lɛƒiɔkpa biala kemmo.

Korintoƒuɔ 1 10:14 ပူးပေါင်းရင်းမြစ်များ

Batalane Kabla 15:20

Mmomu bɛya bunweni-ma ɔku na bada ala aani béti bákpa béte baƒiɔ na aayá na beesé lɛlɔ bɔbla baya ku kɔsɔnɔ bɔdi ku bebuo bani bélii-ma amɔ bádu bɔkun ku ubugya bɔni baya.

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Korintoƒuɔ 1 10:15

Mɔɔtɛmiku-mii aani bekyuli bani náda anu. Anwuɔsu bɛbu ala ani na mɔɔsu-mii mɛni kemmo bɛnu.

Korintoƒuɔ 1 10:19

Na ɔƒɛni ni, bɛɛkali bɛnii bɔɔsu na nda nnii baƒiɔ bani bávɔ béte lɛlɔ ni, ama lɛnɔ badi Katɔti ɔdi geen? Munuu adila ani na béti bákpa béte ala bamba amɛni adi lɛla geen lɛdi?

Korintoƒuɔ 1 10:7

iye buti lɛlɔ bute lɛƒiɔkpa ala bɔbla aani bana kalɛ. Lɛni na Bunweni Kedee Ɔku ɔ́su ɔnini, “Bekyuli bammɔ bádu bebuo na báni ntɛ na badi adikpi limeyi, na bátɔ béte baƒiɔ.”

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Korintoƒuɔ 2 11:11

Na bi ɔsu na nnii naaaƒɔ lɛla lɛdi na bina kudɔ? Ɔɔɔdi ɔni na naaayɔ-mii ɔsu. Katɔti ɔlati ɔgyi ka mɔɔyɔ́-mii.

Korintoƒuɔ 2 12:15

Ɔmɛni ɔsu ndububile mina ala ani nse-mi na liti mina lɛlɔ muedi lite ku ebiti na bina lili. Anwuɔsu ka mɔɔyɔ́-mii pii lɛni ni, bi ɔsu na ɔlɛka bina bɔyɔ bɔƒana na mina lɛlɔ?

Korintoƒuɔ 2 12:19

Bɛɛbu uwi ɔmɛni ƒui bɛnii lɛlɔ kenye na buudie na bina anumi? Oowo! Katɔti ɔ́bla-bu unwi ku Kristo na bɔɔsu lɛla biala na nwuna anumi. Banwa, na lɛla biala na bɔɔsu-mii ni, kalɛ kani na bina bɔƒɔtaadi bɔkɔ katɔ bubu ɔsu.

Korintoƒuɔ 2 6:17

Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Ƒilipiƒuɔ 4:1

Anwuɔsu ni, mina banwa bayɔne ɔni na naaanu-mii ni, kɔyɔ kúwi-mi! Bɛɛkya-mi kubiti geen na mɔɔtalaku lɛlɔ katɔ na amii ɔsu. Banwa bayɔne geen, lɛni na ɔdi ka binye kpakplaa na Kristo kemmo.

Ƒilemon 1:1

Ami Paulo ɔni ntɛ aban ɔtɔ ka mɔɔkɔ́ Kristo Yesu lɛsa ɔsu ku Ɔnwa Timoteo muunweni ɔku ɔmɛni. Na líti muumene awɔ Ƒilemon bula kabla kamɛni ɔblane ɔkpana ɔni na bɔɔyɔ́ geen.

Hebriƒuɔ 6:9

Bayɔne, ina ka bɔɔsu ala amɛni ƒui ni, bɔsia anu ka ala abuni ani ndanku ngba bɔƒɔ adubɔsiaku amii ƒui.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Yohane 1 5:21

Anwuɔsu, mina bebi bayɔne, bɛda lɛlɔ bidie lɛƒiɔkpa kemmo.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Budie Taatina 2:14

“Nsu alakpa alɛɛ adi ábala-mii. Bibo bekyuli badi na bina akɔ mmɔ bani mɔɔsiaku Bileam ala bɔtina kama. Ukyuli ɔmɛni nátina Balak kalɛ na ɔtɔlɔ Israelƒuɔ. Na ɔ́kpanku-ma útákya likpidi kemmo. Baadi adila ani na béti bákpa béte baƒiɔ, na bábla lɛyalɛ ala.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 22:15

Na bani ndubunye ɔba kama aani bakpɛwe ni, ama ndi bekyuli bani mɔɔƒɛ evo ku bani mɔɔbla lɛyalɛ ala ku bani mɔɔdú bekyuli ku bani mɔɔkpá baƒiɔ ku bekyuli bani ƒui mɔɔyɔ́ ka batɔlɔ bekyuli na ɔkɔ bɔnyi bɔɔda-ma ɔkwɛ.