Korintoƒuɔ 1 10:13 - Katɔti Ɔku Kedee

¹³ Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Korintoƒuɔ 1 10:13 ပူးပေါင်းရင်းမြစ်များ

Kɔgya 124:7

Búkeli aani kalɛ na aasɛ uukeli taalɛ kakpagyuɛ kani na bákywɛ-nwu kemmo. Kakpagyuɛ kammɔ kébie na bɔ́lɛ-ka kemmo.

Kɔgya 125:3

Katɔti uláya na bekyuli bekpidi badi nwuna bekyuli kedee lɛlɔ. Si ɔɔɔdi lɛni ni, badubɔya na Katɔti bekyuli babla likpidi.

Kɔgya 36:5

Unwoti, ƒula bɔyɔ bɔni naaavumana kudii ku kalɛ na aadi ƒula litemi lɛlɔ ulu lɛlɔ úbomo geen aani kalɛ na bɔɔnu kalɛ na kayaa kébomo.

Kɔgya 89:33

Nsu lɛɛɛdubo-ma bɔda bɔyɔ bɔya na lɛɛɛdubo mina litemi kama bɔlɛ lɛnɔ kudii.

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Yesaia 11:5

Na ala bɔbla siin ndi kadii kani ndubɔda-nwu kavobi, na litemi geen lɛlɔ bɔdi ndubɔdi lɛduni lɛni nda-nwu lɛmana.

Yesaia 25:1

O Unwoti, awɔ ndi mina Katɔti, ndubumwi-ɔ na lɛkɔliku ƒula lɛnyi katɔ, ɔsika ádi ƒula etemila lɛlɔ na ábla ala ebendi geen ani ndi ulu ɔni na áta ése ɔ́si kukuuku.

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Yeremia 12:5

Unwoti ɔnini, “Yeremia, si anii eekeli ada bekyuli na lɛlɔ líitu-ɔ lɛni ni, dɛ na aakali ka adubɔkana bukeli bɔda bapɔnkɔ? Na si kalɔ ntɛ nwaa mɛni na adaku bubuli ni, bi ndubo bɔlɛ na lɛku kemmo na Yordan Ketu kɔtu?

Yeremia 29:11

Lɛ́lɛ ugyii ka ndubute-mii kusɛ kusɛ bitaasia ala abuni anu na bina ngba bɔni na bɛdubulie uwi ɔni mebo kemmo ƒui na ala adianku-mii, na lɛbibo lɛdi lɛsɔ lilebo-mii lɛlɔ.

Kɔnyana Buwulo 3:23

Unwoti ɔdi ukyuli ɔni lɛlɔ na basia anu ka ɔdubɔnu-bu kɔnyana ɔtanta biala.

Daniel 3:17

Katɔti ɔni na abu bɔɔkya lili kalɔ teete ni, ɔkana na ɔƒɔ-bu ɔsiku ƒula lɛgyavonku lɛmmɔ kemmo.

Hosea 2:20

Na lɛɛɛdubo mina litemi kama bɔlɛ kudii. Na ɔmmɔ ɔdubɔya na ɔnu ami nwuna Unwoti ɔti.

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Luka 11:4

Na eti bula alaekpidi akyiɛ-bu, ɔsika abu lɛnɔ buuti taakyiɛ ukyuli biala ɔni mɔɔƒiɔ́-bu. Na taya na buduo bukpoku taanu kemmo. Na edie-bu alɛku alaekpidi akɔ.’ ”

Luka 16:26

Na ɔni mbunku ɔmmɔ ni, ubu bonwu ɔdi ɔkya abu ku-ɔ ntɛ. Na si ukyuli ɔdi ɔɔwia ka ɔvia ubo mmɔ ni, ulakana. Na lɛni kani na ɔdi lɛnɔ ulakana bɔvia bɔsi mmɔ bubo bula kudɔ mɛni.’

Luka 22:46

Amu na ɔ́su-ma ɔnini, “Bi ɔsu na bɛtɛ bɛɛlɛɛ? Bɛta na bitaakpali katɔ kalɛ na bileduo bukpoku taanu kemmo.”

Batalane Kabla 27:44

Na bakladi bani mebu ƒui lɛnɔ ni, beti kugyiikɛ ku ala abambadi ani meti-ma masia ntu anumi metédu ketudɔ. Ɔmɛni ɔsu bétéduo ketudɔ mmɔ, na ɔdi biala útekpi.

Korintoƒuɔ 1 1:9

Katɔti ɔni nálɔ-mii ɔnii bɛbla unwi ku Ubidi Blɔti Yesu Kristo ni, ɔdi ukyuli ɔni lɛlɔ na bɛkada bikpo.

Korintoƒuɔ 2 1:10

Údie-bu ɔ́lɛku kukpi ɔgbankpi ɔmmɔ kemmo. Na ɔdubudie-bu lɛnɔ. Sɔsɔ ni, nwuna lɛlɔ na bɔɔsia anu ka ɔdubo-bu buteedie lɛnɔ.

Lɛkpa Ulu 7:9

Na bɛti nwaa ka bina Unwoti Katɔti kani ndi Katɔti ɔni nkya na ɔɔdi nwuna litemi lɛlɔ uwi ndi uwi na ulalɛ-ni kama. Na ɔɔdi nwuna bunyimi lɛlɔ na uudie nwuna bɔyɔ taatina bekyuli bani mɔɔyɔ́-nwu na baadi nwuna ɔda bubo lɛlɔ útédu kaba apim apim.

Tesalonikaƒuɔ 1 5:24

Na Katɔti ɔni nálɔ-mii ɔnii binwini nwuna bekyuli ni, ɔdububunku-mii utédu kawɔlɔkɔ. Ɔsika lɛla lɛni na ɔ́nya ɔ́su ka wabla ni, ani kani na ɔdubɔbla.

Tesalonikaƒuɔ 2 3:3

Nsu Blɔti unye-mii kama, na ɔdubɔkya-mii ɔkplu na wanu-mii lɛlɔ kalɛ na ukisine ɔmmɔ uladi-mii lɛlɔ.

Timoteo 2 4:18

Blɔti ɔdubudie-mi na ɔgbankpi biala kemmo, na ɔdubo-mi bɔkpanku buɛɛ buɛɛ na liduo Katɔ Ɔga Ɔma. Bumwi na buute Katɔti ɔ́si ɔƒɛni úsela ƒui. Ɔsia lɛni.

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Hebriƒuɔ 11:11

Ɔkɛnku bɔƒɔtaadi lɛlɔ ɔsu na ina ka Abraham ɔ́ɔbi ɔ́vili na Sara ɔlati muedi ɔ́vi kɔwɔ ni, Katɔti ɔ́ya na úbenwini ubi ɔti. Ɔsika Abraham ɔgyi ka Katɔti ɔni násu lɛla lɛmɛni úse ni, ɔɔdi nwuna etemila lɛlɔ.

Hebriƒuɔ 12:4

Lɛlɔ lɛni na biikpóku kalɛ na bɛdi likpidi lɛlɔ ni, útedu tɔ kalɛ na bina ubugya uwi kalɔ.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Petro 1 4:19

Anwuɔsu ni, bɛya na bekyuli bani muubó abi kalɛ na Katɔti uute kuƒi beti bana ayu bakya bana Ɔƒɔne ɔni mɔɔdi nwuna linyese lɛlɔ uwi ƒui lɛkɔkɔ.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Budie Taatina 19:11

Ɔmmɔ kama ni, lɛ́nu ka kayaa kálɛmi na ɔpɔnkɔ ɔƒualadi ɔdi ɔ́da ɔ́lɛ. Na ukyuli ɔni nlie-nwu lɛlɔ ni, baalɔ-nwu banii Kama Kekpokɔ ku Litemi Geen. Na ɔɔtɛ litemi siin na uukpó kekpo lɛnɔ siin.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.

Samuel 1 29:10

Anwuɔsu ɔlɛka awɔ ku ƒula bebunkune ƒui bɛsɔ binwini kɔnaadi lɛdigye tutuutu biteesie kesii kani na bɛkya mmɔ.”