Korintoƒuɔ 1 10:10 - Katɔti Ɔku Kedee

¹⁰ Na ɔɔɔdi ka butaata teenye Katɔti lɛlɔ aani kalɛ na bana badi bábla ɔsu, na Katɔti ɔtu ɔni nda kukpi ɔyikun ɔ́kyula-ma.

Korintoƒuɔ 1 10:10 ပူးပေါင်းရင်းမြစ်များ

Samuel 2 24:16

Ɔƒɛni ka Katɔti ɔtu ɔni ndanku ɔlɛ ɔmɛni ɔ́sɔ ɔ́tala kɔnu katɔ ka ubile Yerusalem ni, bekyuli bammɔ bádu Unwoti kaƒɔ na ɔgbankpi ɔni mɔɔlɛ́ku-ma ɔsu na ɔ́su ɔtu ɔmmɔ ɔnini, “Ɔ́bɔ yula ƒula kɔnu kalɔ.” Na nka ɔtu ɔmmɔ úudu kesii kani na Yebusini ɔni baalɔ Arauna ubo kakpa kesii kani na uuwiile edula kudɔ.

Ala Alɛdi 1 21:15

Na ɔmmɔ kama ni, ɔ́ya na nwuna ɔtu ɔdi úbo kalɛ na ubayila Yerusalem udu ƒui. Nsu uwi ɔni lɛlɔ na ɔtu ɔmmɔ ɔ́klibi lɛlɔ ka use kabla kammɔ kalɔ kani na bekyuli bammɔ lɛlɔ lɛ́bla Unwoti kɔnyana na ala ani néebo-ma lɛlɔ ɔsu na ɔ́bala ɔtu ɔmmɔ ɔnini, “Sɔ nye! Bana lɛbibo lɛ́bɔ.” Na ala amɛni álɛ na Yebusini ɔnana ɔni baalɔ banii Arauna kakpa kesii kani na uuwiile nwuna edula ebi mmɔ.

Ala Alɛdi 2 32:21

Na Unwoti úmene nwuna ɔtu ɔdi na úbo na úbadu ukpone biala ku bana kekpo batɔnkune ƒui na Asiriaƒuɔ keliekɔ kani na báda na belie mmɔ kemmo. Amu na Sanaherib ɔ́sɔ únwini úsie Asiria ku kɔƒa geen. Na ɔmmɔ kama limeyi lɛdi ni, úsie nwuna koƒiodu na ɔƒiɔtɔ kemmo mmɔ na anwu ɔlati bebi bananabi bádu-nwu.

Kɔgya 106:25

Na bakya bana adi nvo kemmo baabla unyeƒi na ɔmɛni lɛlɔ ɔni na bétenu Unwoti lɛdi na badi-ni lɛlɔ.

Israelƒuɔ Bɔlɛ 12:23

Kalɛ na si uwi ɔni na Unwoti úbo ɔɔví Egyipte kalɔ lɛlɔ kalɛ na ɔdu bebi bammɔ na ɔ́nu ubugya ɔmmɔ na ligyii lɛlɔ ni, na uláya na nwuna ɔtu ɔni mɔɔdú bekyuli bammɔ weduo bina kɔduli na ɔdu-mii.

Israelƒuɔ Bɔlɛ 15:24

Amu na bekyuli básu Mose kalɛ na ntu bɔmmɔ buse. Na béwulo bákya-nwu banii, “Bi ntu bɔdubo bɔni ɔƒɛni?”

Bumomo Bɔka 14:2

Na ɔkɛnku ɔmmɔ ɔsu bekyuli bammɔ bákya baadɔnku Mose ku Aaron kalɔ kalɔ. Na baasu banini, “Si bukpi na búkpi bɔ́kya Egyipte iye ketele kalɔ kakwiidi kemmo mmɔ muedi nka ɔdia utulo!

Bumomo Bɔka 14:37

kalɔ kamɛni lɛlɔ litemi likpidi basune ƒui ama ni, Unwoti ɔ́ya na ɔlɛ ukpidi ɔdi ubebo-ma na békpi na Unwoti anumi mmɔ kani.

Bumomo Bɔka 16:11

Unwoti ɔmmɔ geen lɛlɔ na awɔ Kora ku ƒula basiakune bamɛni bɛ́ta binye. Ɔma na Aaron anwu ɔdi ɔsu na bɛɛdɔ lɛlɔ kemmo kalɔ kalɔ na nwuna lɛlɔ?”

Bumomo Bɔka 16:41

Ka kalɔ kébweli Kora badi kadi kégye kani na Israelƒuɔ ƒui báta na bákya baakya ku Mose ku Aaron unyeƒi na baasu-ma banii, “Amii nádu Unwoti bekyuli badi.”

Bumomo Bɔka 17:10

Na Unwoti ɔ́su Mose ɔnini, “Sɔku Aaron ugyii tése Bunyimi Adaka ɔmmɔ anumi. Na ugyii ɔmmɔ ɔdubɔbla likposela ute Israelƒuɔ batuɔkplune. Na ɔdubɔya na bada bɔdɔ na bana lɛlɔ kemmo na mina lɛlɔ baya kalɛ na balása bukpi ƒui.”

Bumomo Bɔka 17:5

Na ukyuli ɔni na lɛ́ƒuna ni, nwuna ugyii ɔdubo bɔta budie evete. Na ulu ɔmɛni lɛlɔ na ndubɔsia na Israelƒuɔ badaku-ɔ unyeƒi bɔkya baya na lɛda kalaka kamɛni udu bunu lɛya.”

Batalane Kabla 12:23

Kɔnakunwi ni, Katɔti ɔtu ɔdi úbo Herode ɔ́ƒiɛmi kalɔ, ɔsika anwu úteti bumwi útete Katɔti. Na beklubi béyi-nwu lɛlɔ kemmo ƒui, na úkpi.

Ƒilipiƒuɔ 2:14

Bitaabla lɛla biala basu-mii, na bitata bitenye lɛlɔ lɛlɔ, na bitakyaku lɛlɔ unyeƒi.

Hebriƒuɔ 11:28

Ɔkɛnku bɔƒɔtaadi lɛlɔ na ɔ́bla Kukpi Lili Bɔvia ɔdi ku ubugya ɔni na ɔ́kuna úwi kayakun biala. Na ɔkɛnku ɔmmɔ lɛlɔ ni, Katɔti ɔtu ɔni nébo úbadu ubi ɔnanabi udeedi biala na Egyipte mmɔ ni, útetuku Israel bebi ama.

Yuda 1:16

Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.

Budie Taatina 16:1

Amu na línu lɛdi bonwu lɛdi ka lɛɛtɛmi taasiku Katɔti kakpakɔ mmɔ úte batu maatɛ bammɔ ɔnini, “Bisie na bitéwilimi Katɔti kɔnyi kɔlaku maatɛ kɔmmɔ biwi kayawi lɛlɔ!”