Korintoƒuɔ 1 1:8 - Katɔti Ɔku Kedee

⁸ Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Korintoƒuɔ 1 1:8 ပူးပေါင်းရင်းမြစ်များ

Kɔgya 37:17

Ɔsika Unwoti ɔdubɔya na balalane ɔyikun ɔyii udu. Na bekyuli bani nse siin bakɛ ɔyikun.

Kɔgya 37:28

Unwoti ɔɔyɔ́ ala ani na baabla ulu lɛlɔ. Na ulalɛ bekyuli bani mɔɔbla taasiaku nwuna litemi lɛlɔ kama kudii. Mmomu ɔɔgyumana-ma uwi ndi uwi. Nsu bekyuli bekpidi bebi ama ni, badubɔyii udu.

Luka 17:24

Ɔsika kalɛ na kayaa kaabwɛ ogya taasi ɔƒɛnyi unwi teesie ɔkladi ni, lɛni geen na Ukyuli Ɔyawine Ubi limeyi lɛmmɔ lɛdubo buse.

Luka 17:30

“Lɛni kani na ɔdubo buse na limeyi lɛni lɛlɔ na ami Ukyuli Ɔyawine Ubi ndubɔda lɛlɛ.

Romaƒuɔ 14:4

Kenyekɔ kamani na ebo na aatɛku ukyuli ɔdi kabla ɔblane litemi? Nwuna unwoti ɔlati ndubɔnu bɔti si unye ute-nwu kpakplaa iye uuunye. Na kabla ɔblane ɔmmɔ lɛnɔ ɔdubunye kpakplaa, ɔsika Blɔti ɔdubɔkana na ɔya na unye ute-nwu kpakplaa.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Korintoƒuɔ 1 3:13

Nsu si ɔtɔ ɔni na ɔdi biala ɔ́tu ɔdia iye ɔɔɔdia ni, Kristo limeyi bonwu lɛmmɔ ndubudie bana kabla bɔtina. Ɔsika limeyi lɛmmɔ lɛlɔ ni, ogya ndubo ɔdi biala kabla keyi budie. Ogya ɔmɛni ndubo kabla biala bɔkɔku bɔnu na ɔnu si kabla kammɔ kadia.

Korintoƒuɔ 1 5:5

Ɔdi ka bɛnyonu ukyuli ɔmmɔ bite Satan na nwuna ɔyikun ususu-nwu ɔlɔna. Na ina úkpi muedi ni, ukyuli ɔmmɔ kɔyu kɔkɛ bɔƒɔ na limeyi lɛni lɛlɔ na Yesu watɛku kayawi bekyuli ƒui litemi.

Korintoƒuɔ 2 1:13

Ala ani na bɛkana bɔka na binu kalɔ ni, anya lɛti na buunweni teete-mii. Na lɛ́ƒɔ lɛ́di ka bɛdubunu ala amɛni kalɔ ƒui,

Korintoƒuɔ 2 1:14

aani kalɛ na bínu ekpo adi kalɔ. Na bɛdubunu kalɔ ka bɛkana bɛkun lɛmɛnɛ na bula lɛlɔ, na abu lɛnɔ bɔkun lɛmɛnɛ na bina lɛlɔ na limeyi lɛni na Blɔti Yesu Kristo wasɔ webo lɛlɔ.

Korintoƒuɔ 2 1:21

Katɔti ɔ́ya na abu ku-mii ƒui bɔ́bla unwi ku Kristo, na anwu ɔlati náƒuna-bu úse ka butaabla nwuna kabla.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Ƒilipiƒuɔ 1:10

kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Tesalonikaƒuɔ 1 5:2

Ɔsika amii alati bɛgyi geen ka Blɔti limeyi lɛmmɔ lɛdububo aani kalɛ na uyune uuyú ukyuli taatu usien.

Tesalonikaƒuɔ 2 2:2

Si bínu bɛnii Blɔti bubo limeyi lɛmmɔ líbo líbavi ni, buláwia ka bina kasusu keƒu iye ɔtɔtɔ ɔgyu-mii. Ɔƒɛni kalɛ ɔdubɔbla-mii aani ka abu násu ɔmɛni uwi ɔni na buudie Katɔti kenye iye bɔɔkɔ́ litemi lɛmmɔ lɛsa iye búnweni ɔku ɔdi búmene-mii.

Tesalonikaƒuɔ 2 3:3

Nsu Blɔti unye-mii kama, na ɔdubɔkya-mii ɔkplu na wanu-mii lɛlɔ kalɛ na ukisine ɔmmɔ uladi-mii lɛlɔ.

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Timoteo 2 1:18

Na muuvele Katɔti nnii ɔnu-nwu kɔnyana na Litemi Bɔtɛ Limeyi lɛmmɔ lɛlɔ. Awɔ ɔlati agyi kɔlɛ kɔlɛ kɔni na úbunku-mi na Eƒeso.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.