Korintoƒuɔ 1 1:28 - Katɔti Ɔku Kedee

²⁸ Katɔti ɔ́ƒuna bekyuli bani neeebo kenyekɔ kadi na bayawine anumi, na balábu-ma lɛnɔ taakya lɛla lɛdi kemmo kalɛ na uti ɔyila bekyuli bani na bayawine baabu na báƒɔ kuye udu.

Korintoƒuɔ 1 1:28 ပူးပေါင်းရင်းမြစ်များ

Hiob 34:24

Katɔti uléye ukyuli ɔdi kasusu asa na ɔɔbɔku lɛlɔ badine bayikune teedie bana kunyekɔ, na uuti bekyuli bamba teenyene mmɔ.

Kɔgya 32:10

Balalane badubo abi bubo geen. Nsu bekyuli bani meti bana anu masia Unwoti lɛlɔ ni, nwuna bɔyɔ bɔni naaavumana kudii bɔdubɔka bɔmana-ma.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yesaia 37:36

Na usien ɔmmɔ ni, Unwoti ɔtu ɔdi ɔda úduo Asiriaƒuɔ bekpone kakyakɔ na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kegye ni, békpi batɛ mmɔ.

Yesaia 41:12

Na bɛsɔ bilanu bina bekisine badi na kesii kadi, ɔsika badubɔyii udu ƒui na basa na kalɔ kammɔ lɛlɔ.

Romaƒuɔ 4:17

Na lɛni na Bunweni Kedee Ɔku ɔ́su ɔnini, “Líti-ɔ lɛ́bla kadi bekyuli pii ɔti.” Na Abraham ndi bula ɔti ɔni náƒɔ ɔ́di na Katɔti anumi. Katɔti ɔyikun ɔni na úbo ɔsu ni, ɔ́gyila bekpine na básɔ bébo beli ngba. Na ɔkɛnku ɔyikun ɔmmɔ ɔsu ni, útemi na ala ani nátakya kudii áda álɛ!

Korintoƒuɔ 1 1:20

Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Korintoƒuɔ 1 2:6

Nsu ni, mina kenye kani na mɔɔsu ni, kadanku bekyuli bani náda anu na béesie anumi na kɔyu kemmo ala kalɔ bunu kemmo. Na kaaadanku kayawi kamɛni kemmo lɛnunda iye bayikune bani mɔɔdi kayawi kamɛni lɛlɔ na baayii ku udu lɛlɔ.

Korintoƒuɔ 2 12:11

Mɔɔsu ala aani ɔdɔlɔdi kalɛ, nsu amii náya na úbo úte lɛni. Ɔsika amii na ɔlɛka nka bimwi-mi. Ina lɛɛɛdi lɛla lɛdi muedi ni, ńtasɔ na ulu biala lɛlɔ ku bekyuli bani mɔɔnu lɛlɔ aani batalane babuni.

Lɛkpa Ulu 28:63

Kalɛ kani na ɔ́yɔ Unwoti kaƒɔ na ɔbla-mii lɛƒɔndia na bímomo bíbu ni, lɛni kani na ɔdubɔyɔ-nwu kaƒɔ ka ɔyila-mii udu na bina lɛma lɛbla kuliekɔ kukpludi. Na ɔda-mii udie kalɔ kani na nka bísela bitéti binwini bina kadikɔ na bilie mmɔ lɛlɔ.

Tesalonikaƒuɔ 2 2:8

Na ɔmɛni kama ni, Katɔti ɔdubudie ukyuli ukpidi ɔmmɔ keyi ɔtina. Na si uwi ɔni na Blɔti Yesu Kristo úbo ni, ɔdubuti nwuna kenye ɔƒɛƒɛɛ ku bukeye ɔkyula-nwu na ɔyila-nwu udu ƒui.

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Budie Taatina 18:17

Nsu ɔdɔ bubo unwi kemmo kani na akɛla amɛni ƒui ébie!’ “Na lɛkɔlɔ libendi bakane ku bekyuli bani ngyi ketu lɛlɔ kabla kaduɛ ku bani ƒui mɔɔdi kuye na ntu anumi mmɔ bénye ɔgyu kakaaka.