Korintoƒuɔ 1 1:27 - Katɔti Ɔku Kedee

²⁷ Mmomu Katɔti úse ɔ́ƒuna bekyuli badɔlɔdi na bayawine anumi kalɛ na uti-ma ɔkya kayawi kamɛni banundane kɔƒa. Na ɔ́ƒuna bekyuli bani neeebo ɔyikun ɔdi na bayawine anumi kalɛ na uti ɔkya kayawi kamɛni bayikune kɔƒa.

Korintoƒuɔ 1 1:27 ပူးပေါင်းရင်းမြစ်များ

Kɔgya 8:2

Ábla banamu ku bebiwɔ anii beti bumwi bɔni náƒɔ kuye geen bete-ɔ. Elie kalɔ kpi ɔni na ƒula ukisine ɔdi ulakana-a bɔni bude kudii. Na bekyuli bani mɔɔta teenye-ɔ lɛlɔ ƒui aayila-ma udu.

Yesaia 29:14

Anwuɔsu nsɔ ndubo-ma buyu bɔtu ku liƒu ala ani ndubɔbla-ma kalɛ kadi. Ndubo banundane lɛnunda udu bɔyila. Na lídie lɛ́tina ka bakutine lɛnunda lɛɛɛdi lɛla lɛdi.”

Yesaia 29:19

Na bawabane ku bani mɔɔyaki ala ƒui ni, badubɔdi limeyi ku kɔvanu na bebo kudu momoomo na Israel Unwoti Katɔti ɔni nse kedee ɔsu.

Yesaia 44:25

“Ami muubile ɔkɔ kenye bediene ala bɔsu na mɔɔyá na bekebone baadɔlɔ na banundane lɛlati liinwíni kɔdɔlɔ lɛla lɛni kemmo na kasusu keeebo.

Yeremia 8:9

Bina banundane béni mina etemila ani na lɛ́su, anwuɔsu basɔ beeebo lɛnunda lɛdi. Na ala ényimi-ma na kɔƒa kuukpó-ma na basɔ baaagyi lɛla lɛni na babla.

Seƒania 3:12

Nsu bina akɔ bani muuboku lɛlɔ kalɔ buɛɛ na biibo-mi kudɔ bɛnii mbunku-mii ni, amii ɔsu naaayila-mii udu.

Bumomo Bɔka 22:30

Amu na ebuo ɔmɛni úye Bileam ɔnii, “Ɔɔɔdi ami ndi ebuo ɔni lɛlɔ na élie ƒula ngba emeyi ƒui? Na lɛ́ɛbla-a lɛmɛni udu dii?” Na Bileam údie kenye ɔnini, “Átabla lɛni kudii.”

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Mateo 21:16

Anwuɔsu béye Yesu banii, “Eenú lɛla lɛni na banamu bammɔ baasu mɛni?” Na Yesu údie kenye ɔnini, “Muunú. Na ngyi lɛnɔ ka bɛ́ka ɔmɛni na Bunweni Kedee Ɔku kemmo ka ni, “ ‘Ábla banamu ku bebiwɔ anii beti bumwi bɔni náƒɔ kuye geen bete-ɔ.’ ”

Mateo 9:9

Amu ka Yesu ɔ́si mmɔ úsela ni, ɔ́nu kuyi ɔƒɔne ɔdi na baalɔ banii Mateo ka ɔ́kya nwuna kabla kablakɔ. Na ɔ́su-nwu ɔnini, “Siaku-mi kama.” Mmɔ kani na Mateo ɔ́ta na ɔ́siaku-nwu kama.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Batalane Kabla 17:18

Amu na uwi ɔdi ni, anwu ku bekyuli lisu lɛdi bani ndi Epikuroƒuɔ ku Stoaƒuɔ bani nlie nte kayawi lɛnunda bákya ku Paulo unyeƒi na básu banini, “Bi na ɔnana ɔmɛni uutemi taasu?” Amu na babambadi lɛnɔ básu banini, “Use aani kalɔ bamba baƒiɔ badi lɛlɔ kɔtɛ na ɔɔtɛmi.” Na bekyuli bammɔ básu lɛni ɔsika bénu ka Paulo ɔ́su litemi buni ɔ́siku Yesu ku nwuna bɔsɔ taata lɛlɔ ɔsu.

Batalane Kabla 7:35

“Mose ɔmɛni ndi ukyuli ɔni na bátu kenye banii, ‘Ɔma nédie-ɔ bula lɛlɔ ɔdine ku bula litemi ɔtɛne?’ Anwu Mose ɔmmɔ kani na Katɔti ɔ́tala ɔnii usie na utábla bana lɛlɔ ɔdine ku bana ɔƒɔne ɔkɛnku Katɔti ɔtu ɔni na ɔ́nu na ketele kemmo mmɔ kebunku lɛlɔ.

Batalane Kabla 7:54

Ka bénu etemila ani na Steƒano ɔ́su ɔ́siku-ma lɛlɔ ni, ɔƒɛ ɔ́da-ma geen na ɔ́ya bákya baadu anyi ku kɔnyi.

Korintoƒuɔ 1 1:20

Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Korintoƒuɔ 1 2:12

Na abu ni, ɔɔɔdi kɔyu kɔni mɔɔdi alaekpidi bablane lɛlɔ nkya-bu lɛlɔ kemmo. Mmomu Katɔti Kɔyu kɔni ndubɔya na bɔti etela ani na bɔ́kɛ bɔ́siku-nwu kudɔ ku kaƒɔ ƒaa ni, aku nkya-bu lɛlɔ kemmo.

Korintoƒuɔ 2 10:10

Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Korintoƒuɔ 2 4:7

Na abu bani mbo Kɔyu kemmo akɛla enengudi amɛni ni, buse aani ebwi avɔdi ani nátamanku ala ammɔ bɔkya. Na ɔmmɔ mɔɔtina geen ka ɔɔɔdi bula kudɔ na ɔyikun ɔmmɔ ɔ́si, mmomu Katɔti kudɔ na ɔ́si.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.