Korintoƒuɔ 1 1:21 - Katɔti Ɔku Kedee

²¹ Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Korintoƒuɔ 1 1:21 ပူးပေါင်းရင်းမြစ်များ

Daniel 2:20

“Bula Katɔti, bemwi ƒula lɛnyi kedee ɔ́si ɔƒɛni úsela ƒui. Awɔ ndi ɔyikune ƒui na agyi lɛla biala.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Luka 10:21

Uwi ɔmmɔ lɛlɔ ni, Katɔti Kɔyu ebiti áƒɔ Yesu lɛlɔ kemmo ƒui na ɔ́su ɔnini, “Ati, katɔ ku kalɔ Unwoti, mɔɔgyá-a enu ɔsika lɛla lɛni na éti ábɛla bakutine ku banundane ni, ani na éti átina bekyuli bani na baaagyi lɛku ku badɔlɔdi. Sɔsɔ na ɔdi, Ati, lɛni geen na aayɔ́ anii ɔlɛ.”

Luka 12:32

“Mina basiakune lisu libliidi, bitayia. Ɔsika ɔdi Katɔti lɛƒɔyɔ ka ute-mii nwuna lɛga kadikɔ.

Yohane 12:31

“Ɔƒɛni na uwi údu ka Katɔti ɔdu kayawi kamɛni bekyuli kɔtɔ. Na Katɔti ɔdubɔbɔku kayawi kamɛni lɛlɔ ɔdine ɔlɛku nwuna lɛga kadikɔ.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.

Korintoƒuɔ 1 1:18

Bekyuli bani na bana ɔbladu ɔ́ya na badaku bukpi na kɔyu kemmo ni, Kristo kukpi na ugyii lɛlɔ kɔtɛ kɔdi adɔlɔla kute-ma. Nsu abu bani na Katɔti ɔɔyá na bɔɔkɛ́ bɔƒɔ ni, bɔgyi ka Katɔti litemi lɛmmɔ lɛdi Katɔti ɔyikun ɔni na úte-bu.

Korintoƒuɔ 1 1:23

Nsu abu ni, Yesu ɔni na bákana bámana ugyii lɛlɔ litemi na bɔɔsu. Na litemi lɛmɛni lɛɛtu Yudaƒuɔ kayi. Na bekyuli bani naaadi Yudaƒuɔ lɛnɔ ni, beenú-ni aani adɔlɔla.

Korintoƒuɔ 1 1:24

Nsu ni, bekyuli bani na Katɔti ɔ́ƒuna ɔ́lɛku bani ndi Yudaƒuɔ ku Helaƒuɔ akɔ ni, Kristo ɔni lɛlɔ litemi na bɔɔsu mɛni ɔdi Katɔti ɔyikun ku nwuna lɛnunda.

Korintoƒuɔ 1 1:25

Ɔsika lɛla lɛni na bekyuli baanu banii ɔdi Katɔti kɔdɔlɔ ni, lɛdi lɛnunda litulo bekyuli lɛdi. Na Katɔti bɔbla kpɛtɛ kpɛtɛ ni, bubo ɔyikun butulo bekyuli lɛlɔ ɔkplu.

Korintoƒuɔ 1 1:27

Mmomu Katɔti úse ɔ́ƒuna bekyuli badɔlɔdi na bayawine anumi kalɛ na uti-ma ɔkya kayawi kamɛni banundane kɔƒa. Na ɔ́ƒuna bekyuli bani neeebo ɔyikun ɔdi na bayawine anumi kalɛ na uti ɔkya kayawi kamɛni bayikune kɔƒa.

Korintoƒuɔ 1 11:32

Nsu Blɔti ɔɔtɛku abu litemi na ɔɔní-bu kɔtu kalɛ na Katɔti ulayila-bu udu ku bekyuli bani nátaƒɔ bátadi.

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Korintoƒuɔ 1 4:10

Bɔdi badɔlɔdi na Kristo ɔsu. Nsu amii bɛdi banundane ka bɛ́bla unwi ku Kristo ɔsu. Abu buse aani bekyuli bani na ekubi eeebo-ma lɛlɔ kemmo. Nsu amii ni, lɛlɔ lɛ́sa-mii. Bɔɔɔdi lɛla lɛdi na bekyuli anumi. Nsu amii ni, bibo ɔbu.

Korintoƒuɔ 1 6:2

Bɛgyi ka Katɔti bekyuli ndubɔtɛku kayawi bekyuli litemi. Na si bɛgyi ka amii ndubɔtɛku kayawi bekyuli litemi ni, ɔdi ka bɛkana na bɛtɛ etemila wɛlɛ wɛlɛ.

Galatiƒuɔ 1:15

Nsu na Katɔti kɔnyana bɔnu ɔsu ni, ɔ́ƒuna-mi úte nwuna kabla asa na badubɔwɔ-mi. Ka uwi údu-nwu ni, údie Ubidi ɔmmɔ ɔ́tina-mi kalɛ na lɛkana na lɛkɔ-nwu lɛlɔ lɛsa na amii bani naaadi Yudaƒuɔ akɔ. Na ńtatádiku ɔdi kasusu na ɔmɛni lɛlɔ,

Galatiƒuɔ 4:8

Uwi ɔni návi kemmo ni, na nka bɛɛɛgyi Katɔti. Anwuɔsu ɔyikun ɔni naaadi Katɔti ɔdi nátaadi-mii lɛlɔ.

Eƒesoƒuɔ 1:9

kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Koloseƒuɔ 1:19

Na nwuna kemmo na Katɔti ɔ́ya na bekyuli bánu nwuna ukyuli udu ƒui báti.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.